شوفوا واحكموا بنفسكم

[حنين الروح]

السلام عليكم ورحمة الله وبركاته
مرة من المرات طرح واحد من الأعضاء موضوع الأخطاء الطبية اذا تذكرون اللي تروح من وراها أرواح...

بخبركم سالفة صارت عدنا هنية في البريمي بس ما دخلها بالأخطاء الطبية هي صارت يوم الأربعاء 17/6/2009 ع الساعة 12 بالليل تقريبا كنا نحن طاعين بالسيارة وسمعنا صوت نجدة ...
أختي ممرضة في المستشفى وكانت عدها مناوبه هذيج الليلة وخبرتنا شو اللي كان صاير...
قبل وصول النجدة المستشفى اتصل شخص بالمستشفى يطلب اسعاف بس انه واحد في فندق السلام في البريمي مغمى عليه ومحد يعرف شو الي صارله ومحد من أهله كان عنده مع العلم انه يحمل الجنسيه الاماراتية...
المهم...
الكل في الفندق قاعد يشوفه ومحد تجرأ يلمسه ما أدري يمكن عبالهم فيه مرض معدي وخايفين يلمسونه ما أدري ؟!...
المهم...
لما طلب الشخص المتصل بالمستشفى اسعاف رفض المناوب يرسله سيارة اسعاف على اساس انه:
1.ما شي سيارة اسعاف...
2. ما تطلع سيارة الاسعاف الا للحالات الضرورية جدا جدا جدا مب لشخص مغمى عليه؟!

المهم لحد ما وصلت سيارة النجدة الفندق الريال (الرجال) عطاكم عمره.....
مات...
والخطأمحد يعرفه من منو : الناس الموجودين والموظفين والا من المستشفى ...
محد ينكر ان الاعمار بيد الله بس بعد محد لازم ناخذ بالأسباب كان لازم حد يساعده على الأقل كان واحد منهم أول ما طاح الريال(الرجال) اتصل بدوريات العين على اعتبار انه اماراتي الجنسيه كانو طرشوله سيارة اسعاف ولحق الريال(الرجال ) قبل لا يموت ...
لكن شو نقول غير
ان الى الله وانا اليه راجعون

[طبْعـے شيُوخِـے]

لا حول ولا قوة الا بالله

على الاقل احد يتصل باسعاف العين يعني شوي براا البريمي مادام البريمي تعذرته

والمفروض يحاسبونه اللي مالبااا النداء(المستشفى)

......................

لي عوده لاطلاع ع راي زملائي ،،

تسلمي اختى حنين الروح

[رفيــــعـــهـ الشــــآآآآن]

سبحان الله

لاحول ولا قوة الا بالله

الله يرحمه ويدخله فسيح جناته

لكن شنو هالمستشفى اونه ما يرسلووو الاسعاف الا للحالات الطارئة

الرجال مغمى عليه وش دراكم وش فيه!!

ما اقول الا لا حول ولا قوة الا بالله العلي العظيم

[حنين الروح]

تسلمي النايفه على مرورك الطيب
شو نسوي هذي حال الدنيا محد يهمه وضع غيره كل لاهي في حاله ...
مشكوره..

[حنين الروح]

سبحان الله
لاحول ولا قوة الا بالله
الله يرحمه ويدخله فسيح جناته
لكن شنو هالمستشفى اونه ما يرسلووو الاسعاف الا للحالات الطارئة
الرجال مغمى عليه وش دراكم وش فيه!!
ما اقول الا لا حول ولا قوة الا بالله العلي العظيم

مب بس المستشفى حتى الناس اللي كانوا عداله حشا محد يقدر يشله ...
مشكورة..

[مجنون تايه]

لا حول ولا قوة إلا بالله

وايد تصير هالسوالف فالمستشفيات ,,,

في واحد توفى عندنا بسبة التساهل من قبل الأطباء

الكل يعرف الاعمار بيد الله

بس لازم الأخذ بالأسباب

[حنين الروح]

لا حول ولا قوة إلا بالله
وايد تصير هالسوالف فالمستشفيات ,,,
في واحد توفى عندنا بسبة التساهل من قبل الأطباء
الكل يعرف الاعمار بيد الله
بس لازم الأخذ بالأسباب

فعلا أخوي تصير في مستشفيات وايدة..
مشكور ...

[GOLD€N BOY]

ان الى الله وانا اليه راجعون

سبحان الله شيء من
الناس شو نقول عنهم
إلا جبانين

يا أخي] حرام عليهم
ما تشوفوا واحد ملقى ع الأرض ساعدوه


الله يهديهم بس


ثانكس ع الطرح

[ع ـآشق البنفسج]

الناااس .. المسؤولين في الفندق ماا قدروا ينقلووه للمشفى من اول ما شافوه طاااح

ما اعتقد من المشفى لانه قال ماشي سيارات اسعاف



الله يرحمه

[سموإنسانه]

سبحان الله

الله يرحمه ويصبر اهله ::::

نعم الناس صايره غرييييييبه الرجال طايح وماحد راضي يتقرب صوبه!!!! ::: صح عجايييب الدنيا!!!


يسلموا عالطرح ربي يحفظكـ