العجايز||موزة ومريم||وتطورات العصر

[عاشقة السلطنة]

كيف حالكم يا عيالي..من زمااااان ما سولفت معكم..بس عاد هالمرة ما بسولف معكم وحدي بتكون معي العجوز مريم بخراريفها الغاوية بيكون تعرفوها ما يحتاج اخبركم عن سوالفها

المهم يا عيالي أنا والعجوز مريم قررنا ننزل هالموضوع هنا عشان نخبركم عن كمين سالفة صارت معنا وطبعا السوالف كلها تخص هالجيل بو تو طالع وكل يوم مطلعين خروفة جديدة ..

عارفة اني دورتلكم براسكم لكن عاد الايام الجاية ان شاء الله سوالفنا بتعجبكم وبو ما تعجبه يخبرني عشان اراويه بشغله

وهالمرة الخراريف مرة بتكون علي وعشر مرات على العجوز مريم

عااااد هال هالله ما اوصيكم ما ابا حد يزعل وياخذ على خاطره منا ترانا عجايز وكل شي عندنا جايز..وعاد هنا نريد رايكم الحماسيشن وخلو عنكم المجاملات ..

ولا حد ينشر صورنا أهااا عيب

وقبل لا انسى أول خروفة بتكون باذن الله عن هذا التلفون بو مجنن الأوادم اسمه البي بي اوين

اسميه مطفر بالاوادم قاموا يمشيوا ويخرفوا عمرهم

يالله اشوفكم مع خروفتنا القادمة

((مع العلم ترى الموضوع متجدد وكل فترة بنجيبلكم خروفة غاوية))

مع تحيات :

حبوتكم موزة
وحبوتكم مريم

[مشاعر]

تسلمي حبووووووووووووووووووتنا

ونحن بالإنتظار وكلنا شوق


ثانكس عشوووووووقه ع الطرح الحماشييييييييييييييييييين

[عاشقة السلطنة]

يسلمووووووووووووووووووو يوووو بنتي على مرورش الغاوي

عارفتنها العجوز مريوم بتذبحني المفروض اخبركم عن خروفة البي بي هذا الجني بو تو ماسكينه الصغيرين وما يفلتوله نعم تقولي ملزق في صبوعهم

[مشاعر]

بتخبريني عنهم


ترا كنت أدرس بمدرسه خاصه ،، والله صف 3 وعندهم

[عاشقة السلطنة]

هاااااااااااي هااا يا بنتي ما قصرت على الجهالووه حتى العجوز مريم بغت تفضحنا يوم اشترته

[المتحريالذكي]

يؤيؤيؤ تو كل ذا يطلع منش صرااااااااااااحة


تسلمي ع الطرح الغااوي وونتظر جديدش الممتع داائما .

[مشاعر]

هاااااااااااي هااا يا بنتي ما قصرت على الجهالووه حتى العجوز مريم بغت تفضحنا يوم اشترته

خليهن العجايز ترا طافهن القطار

وما ينخاف عليهن
عندهن ذيك العصا إلي مدهونه بعسل حار


لكن الأطفال ،، والله حرام ،، يضيعوا !!

[عاشقة السلطنة]

يا مرحبا وسهلا بولدي كونان قرب ولدي قرب لكن اسمحلي البن مخلص والرطب مخلص تريد ماي؟

ما يهمك ولدي انت اصبر بتجيك الخراريف الغاوية وكان انت من هاللي طابقين في البي بي بو تقولوبه بتحصلها الخروفة اللي تبرد فوادك

[عاشقة السلطنة]

خليهن العجايز ترا طافهن القطار

وما ينخاف عليهن
عندهن ذيك العصا إلي مدهونه بعسل حار


لكن الأطفال ،، والله حرام ،، يضيعوا !!

نعم صدقش يو بنتي حتى صورهم قاموا يرسلوها في التلفون عوين يتعرفوا على بعضهم تسمعي انتيه التمنكيرة يو بنتي

[العرندس]

السلام عليكن عجايز ...
كيف حالكن عساكن بخير ونعمة اسمع خروفه وهرجة منتشرة تسولفن عنها ..
اما هذا بويسموه البي بي مادري ليش هالأيام واحد من الربع جالس يعلمني عليه لكني شخصيا ماأشتريته بعدني .. ولا بشتريه بعد..وتريدوا الصراحة شكلي هونت منه وسامحت .. تعرفوا ليش .. لأني اشوف حالت ربيعنا كسيفه.. الرصيد كل يوم مخلص .. هذا شئ والشئ الآخر يدينه دومه ماسكه هالبي بي وهو موجود معنا وماموجود لما نجلس مع بعض وحالته صعيبة صدقوني إني هونت دام كذا الحالة .. أنا الحين وتلفون عادي ومامتواحي على الرسائل العادية من اصدقائنا المعروفين فمابالكم من اصدقاء مجهولين وكلن يغني على ليلاه وكلن يسعى لهدف معين .. الله يعين ..لا وبعده يراوينا رسالة بالماسنجر مال بلاك بيري عن وحدة تقول وناشرة إن وحدة من صديقاتها ماخذه صورها وجالسه تنشرهن وتطالب الحين كل من توصله الصورة إنه يمسحها لأنها اوين بنت ناس .. طيب وين انتي قبل لما خذت او عطته الصور ؟؟!! عجايب ومصايب زمن
الله يرحمنا ويستر علينا ..
ويسلمن العجايز وعند العييايز كل شئ جايز ..
ومن دق الباب جاه الجواب ..