؟؟؟ من عنده حل لي

[ورد_جوري]

السلام عليكم ..... شخباركم جميعا


أنا أختكم من دولة الامارات وطالبه منكم خدمة وأتمنى تساعدوني

لي أربع خوات ... معمول الهن سحر وربي يعلم اني ما خليت مكان ما رحته لعلاجهن
أبوي وأمي متوفين ... من زمان وبنفس السبب السحر ..أنا اختهم الكبيره ومب قادره أتزوج وأخلي خواتي يعني مرتبطه فيهم لأن مالي غيرهم

سمعت بمطوع في عمان يعالج بس ما قدرت أعرف عنوانه ..وفي الامارات المادة فوق الانسانيه

صارت تجارة عند المعالجين

اللي أباه منكم أخواني اللي يخليكم اللي يعرف مطوع يدلني عليه

[بحر العيون]

لاحول ولا قوة الا بالله
ربي يساعدكم
بصراحة ماعرف حد
اللي في عمان ان شاءالله يقومون بالواجب

[مون999]

هلا اختي

لا حوله ولا قوه الا بالله العلي العظيم

اعرف واحد اسمه الهاشمي موجود هنا بعمااااان

وتقربيا هو بالسيب

بسألك عنه وان شاء الله يفيدك

تحياتي لج

[ورد_جوري]

بحر العيون ....مون999


تسلمون ع ردكم والله يعطيكم العافية

[بحر العيون]

صحيح سمعت عنه الهاشمي يحطونه في قناة الحقيقة شوفيها حبيبتي في على ما اعتقد ارقام تليفونه

ربي يحفظكم

[ظبية]

السلام عليكم خيتي ،،،، يا هلا بيج ،،، وهلا بأهل الامـــارات ،،،،

شفت موضوعـــج وحبيت أساعدج ،،،، ولو أنه لكل واحد رايه ،،،، بس أقول أختي آني ما أؤمن

بالخرافات والزعبلات مالت المطاوعة ،،،،حاسة فيج لن هالشي صار ويانا بس من زمان والحمدلله ،،،

الله كان ويانا وهو دوم ويانا بس الواحد يستعين بربه فهالأشيا ،،،، جان تبين شوري الحل بايدكم لا

تسيرون عند مطاوعة ولا تتعبين روحج وتدورين عليهم ،،،، لن أكثرهم يقصوا ع الناس ،،، ما وراهم

شغلة غير يبخرون ،،،،، جيييه ماعندكم بخور ،،،،،

أول شي والأهم أنهم يحافظون ع الصلوات في أوقاتها والرقيا الشرعية الكل يدريبها ،،،انزين ،،،

وعندج أيات السحر ،،،، وآخر آيتين من سورة البقرة ،،، والمعوذات وآية الكرسي ،،، الكل يعرف أصلا

ليش انزلت هالآية ،،،، واذا يقولون المطاوعة يقرون القرآن ،،، عيل شو أنتوا ما تعرفون تقرون

،،،وأنج ترقين روحج أحسن بدل ما تسيرين عند واحد ماتدرون اهو صادق أو لا ،،،،

تعالي اشلون عرفتي أنهم مسحوريين ،،، الله يرحم والدينج ،،، بس يمكن بعد الواحد يوسوس وعقب

هالهاجس يسيطر عليه ويفكر أنه مسحور أو شي من هالقبيل ،،،،

والله أختي ،،،
اسمعيني وهداية الله ان شاء الله راح يروح عنهم هالشي ،،، وحطي كاسيت سورة البقرة ،،،يوميا

،،،وان شاء الله ،،، وباذنه تعالى وأدعولهم من كل قلبي أن الله يعافيهم ويروح عنهم الوسواس ،،،

ولو كان مس ،،، " أعوذ بالله من همزات الشياطين ،،، وأعوذ بالله من أن يحضرون ،،،

آسفة أختي ما تحضرني آيات السحر الحينة بس ان شاء الله راح تستفيدين من هالموقع ،،،أتريا ردج ،،
http://66.102.9.104/search?q=cache:Q...lnk&cd=1&gl=om

[بحر العيون]

ظبيووه حبيبتي
فيه مشايخ عارفين ربهم ويقرون القرآن انا مارقط رحت بس بنت خالتي عملوا لها سحر ووديناها صح عند واحد بس سأل عن اسم امها هذا معناته انه مشعوذ ووديناها حق ثاني واحد معروف في البحرين الشيخ فاضل هذا بس يقرأ آيات قرآنية ومايسال عن اسم الام وماياخذ فلوس ...
اللي ياخذون فلوس هذول مشعوذين
بس فيه مشايخ يعملون لوجه الله

عني انا دايماً اقرأ المعوذات وآية الكرسي وانفخ فيه واشربه ومثل ماقالت ظبيوووه انتي ترقين نفسج احسن وماتنسين الاذكار الصباح والمساء

وربي يحفظكم

[ورد_جوري]

بحر العيون

تسلمين الغاليه .... بس بنت عمتي راحت له ... والمشكله انها بصعوبة ادخلت له ... وع السريع عطاها أعشاب وقالها روحي هذا علاجج ؟
بدون لا يقرا عليها او يتابع حالتها وتدرين انه مجرد بس اتقولين للسكرتيره ابا موعد لازم تدفعين
هذا اللي أعرفه عنه ولله أعلم

[ورد_جوري]

ظبيه مشكوره حبيبتي على ردج ...

لأسف السحر منتشر هاليوم بشكل فظيع ..لو أقولج نحن قاعدين ونشوف فلانه قاعدة تسوي لهذا ولهذا ما راح اتصدقين والله شوف عيني ..

كيف عرفنا السحر بسيطه ما يحتاي شي الواحد اول شي يحس وانتي اذا شفتي انج كنتي بخير وسعاده وفجأة ينجلب الوضع أكيد بتعرفين فيه شي صاير ؟

واذا بعد تشوفين العالم يكرهج بدون سبب وكل يوم واحد يتقدم لخواتي وبدون سبب ما يرجع بتتاكدين مليون بالميه فيه شي

خواتي الحمدلله ملتزمات بالقران ولا يخلن صلاه
أكيد اعتمادنا الاول والاخير ع رب العالمين بس في احيان ييوصل الانسان للحظة انهيار لانه قاعد يحارب عدو الله..شيطان السحر بس لما يوصل الموضوع انها تقرا وتيها حالة تبكي وتصارخ وجسمها كله يرجف وتحسين بانج عاجزة ..أسأل نفسي ليش أنا موجودة وما بيدي أساعدهم

مره دخل عندنا مطوع ما شاءالله عليه ..مطوع بالأزهر ..ولما شاف حالة خواتي جذيه والله دمعت عينه وقعديدعي لنا بس ربي ما راديكمل العلاج لانه كان بزيارة علاج وتعبان
صدقيني اختي مب شويه لما تشوفين أقرب الناس لج بهالحاله ما تعدي ليله بدون تفكير فيهم وخوف وقلق
تدرين أمي ماتت مسحوره وأبوي نفس الشي بايدي كنت اطلع السحر كيف ما أدري

اسمحيلي طولت بس من معاناتي والله وربي يشهد علي بكل كلمة قلتها بأني ما زدت كثر ما نقصت

[ورد_جوري]

بحر العيون الل هيحقظج أختي من الشر