يالله اللي يغفر الذنـب للـي تايبيـن
ارحم اللي من ذنوبه تكـدر خاطـره
كل يغني لليـلاه بالصـوت الحزيـن
واختلط صوت تعرفه وصوت تنكـره
المشاعر شي تقليد وشي اصلي ثمين
ما تساوى حزن ثكلى مع مستأجـره
يابيوت الشعر يكفي تري جرحي دفين
البشر لو تعرفـه لازم ان تستشعـره
الغزل ماعاد احبه تركته من سنيـن
واتعوذ منـه مـادام قلبـي يذكـره
عافني يارب من حال بعض العاشقين
مثل نبت لا يظلـل ولا فيـه ثمـره
جرحي اللي دافنه جرح كل المسلمين
امة الاسلام تذبـح مـن المتجبـره
والله ان الحال ياصاحبي يندي الجبين
دام كل الهـم مـال وبيـت تعمـره
لكن الله قد تعهد في القـول المبيـن
من نصر دينه فلا بد ربـي ينصـره
 |
 |
|
رد مع اقتباس
)
[/align]
مواقع النشر (المفضلة)