(( مسابقة افضل قصيدة منقوله ))

[صالح الشريف]

[align=center]القصيدة للشاعر // صالح الشادي

وتغنى بها محمد عبده

يعطيك العافيه[/align]

[al-lteefh]

[align=center]السلام عليكم ..

بصراحه عندي قصيده معجبتني مره ..وحبيت اشارك فيها للمره الثانيه ..


وهي للشاعر المبدع طلال الرشيد(( الملتاع )) رحمه الله رحمه واااسعه ..ويقول فيها :::



يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيــــــــره

مانيب من يهوى ثريا وانصـــــــــــــاف .. انا هواي وبس بنت الجزيــــــــــره

بنت الخليج اللي تماري بالاعــــــــراف .. وحنا نماري باسمها كل ديــــــــره

مالي غرام بقول وخا وبالـــــــــــــــزاف .. اذبحتني عند الطرحه المستديــره

احب قولة ياهلا وغلا وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف .. جمال في عفه ورقه وغيــــــــــــره

واللي بها سحر مهو سحر عــــــــراف .. ياعل عين ماتراها ضريــــــــــــــــره

عطف وحنان وذوق في لين الاعطــاف .. واليا كشفت لثامها شفت الأميـــره

صعب على اللي بالردي شاف ماعاف .. وحلوه على اللي سنه الله ضميــره

شمس الى من اشرقت والدجا طـاف .. غابت نجومك غصب لو هي كثيــره

السيف مايزهى سوى كف سيـــــاف .. والخيل دون حصانها مستخيـــــــره

بس أنت دورلك على قدك لحــــــــاف .. وان طعتني دور بدلنا عشيـــــــــره

00000000000000000000000000000000000
قال رحمه الله هذي الابيات رد على شاعر يمدح بنات المغرب ويسب بنات الخليج..

تحيتي لكم ..[/align]

[حورالعين]

[align=center] في رحيل حكيم الأمة الشيخ زايد بن سلطان آل نهيان -رحمه الله
يقول فزاع:
ومن يعذل القلب عن ضيقته لا ضاقي ..
انسان مشكوك في مذهبه واخلاقه ..
ياحاكم الارض و أول وآخر اشواقي ..
يفداك قلبٍ حزن فرقاك ما ذاقه ..
في غيابك الناس ماتت وانته الباقي..
لأنك الغالي اللي يذبح فراقه ..
يبكيك من يغرس النخله على الساقي..
يبكيك راعي الشداد وراعي الناقه ..
والطيب والجود والعزه والاخلاقي..
والارض وترابها والبحر واعماقه ..

حمدان بن محمد(فزاع).[/align]

[حورالعين]

[align=center]عــــــــــــــــاتبوهــــــــا
بعد ماقابلتني عاتبوها
على شوف الحبايب حاسبوها
خذوها وابعدوها غصب عني
وعن وجهة طريقي جنبوها
وشالوها عن عيوني غصيبة
عواذل واغصبوني واغصبوها
خذوها من يديني شوف عيني
وعن عيني تعدوا واحجبوها
كلام وصدقوا بالبنت كذبة
وهم اللي من اول كذبوها
وهم وش دخلهم في مال لبن
لابوها والخلايق طالبوها
وفية ماتخون ولا تعاند
جسورة والمواعيد ارعبوها
ملاك كاملة والكامل الله
ولكن العواذل عذربوها
وهي كل ما دعتني تشتكي لي
عن اللي سالفتنا سربوها
تخاف وتلتفت مع كل كلمة
تظن أن العواذل راقبوها
تلفت من عقب ماهي جريئة
شجاعة ماتهاب وهيبوها
واهديها وانا حاير وثاير
مصيبة ياعذاب عذبوها
وهم كل ماخذوها عن طريقي
تراهم صوب قلبي قربوها
وانا ماتعبت قلبي خيانة
خيانة رتبوها وحسبوها
ولايعجز خفوقي لايقابل
جفا من حاربوه وحابوها
وأنا لي عزة تفرض علي
أخاطب بالجفا من خاطبوها
وأكسر لوحة الماضي وأزيله
وأخربها مثل ما خربوها
واذوقهم ندم ماصار فيها
وأشربهم من اللي شربوها
أدلعها واولعها بنفسي
وأشرقها بعد ماغربوها
وأعوضها عن اللي راح كله
وعن ذيك الليالي كل أبوها
غلاي بقلبها مر وتعدى
غلاها لأمها والا لأبوها
=====================================
التمثــــــــــــــــال
عفى الله عن غدر الخناجر والضلوع أبطال
باسامح واتركك تحت الظلام الحالك لحالك
دخيلك وفر دموعك ترى هدر الدموع ذلال
وترى مافيه احد يصبر مثل صبري بغربالك
أنا عيب على انقض كلامي والرجال افعال
وإذا قلت اقطع حبالك تراني باقطع حبالك
عشان اكسب هدب عينك تجرعت العذاب أشكال
وليتك ترأف بحالي علشان ارأف بحالك
مسوي في حياتي شي مايذكر ولا ينقال
حشا حتى العدر وهو العدو مايعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لأجلك وأنا حملي يهد جبال
رحلت من العذاب وماوقفت الا على جالك
علامك كلما اجيك متواضع جيتني تختال
معاك اليا متى باصبر وصبري معك يحلى لك
مثل مااقبلت لعيونك لزوم تلد لي باقبال
ومثل ماقد حشمتك حس واحشم قلبي أشوالك
انا محد بجابرني أساير معك هالمنوال
ترى لأني تبيع لك ولاني بأصغر عيالك
أنا جيت اعشقك نبض ومشاعر ماأعشقك تمثال
انا جيت اسكنك واحياك وأبقى فيك وأبقى لك
أنا جيت بظمى عاشق تعب يطرد سراب اللال
أنا جيت استفز رضاك من فرقاك والجا لك
أن ماهمت بك عاقل انا كنت اعشقك بخبال
انا ماكنت احبك حي انا كنت أعشقك هالك
تخيل من كثر ماخاف تلقى للزعل مدخال
اخاف أخطي على طيفك وادوس برجلي ظلالك
تبعتك والعرب تتبع رعود البارق الهمال
وصرت أقرب جسد يمشي معك باقفال واقبالك
أبي قلبك يحس انه فقد بمحبته رجال
ملكته من هدب عين وخسرت ارضاه باهمالك
صحيح ان الفراق اقسى ولكن الوصال محال
وأنا صعب على ارضى غرورك واضعف قبالك
بعد ماحققت عيني في بعدك للرقاد امال
اعود للسهر.... يااخوي فال الله ولا فالك
ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك
با المك وانثرك واجمعك وارجع انثرك باهمال
با اخونك وازعلك وارضيك وازعل منك وارضى لك
ابا ارسم بالثرى وجهك وابا ادفن صورتك برمال
ابا اشكي للعرب فرقاك واضحك عند عذالك
ابا اهديك الوصال فراق واهديك الفراق وصال
باسوي مثل مااشوفك تسوى وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا باذوق فنجالك
نصيحة واحتفظ فيها قصر معك الزمن او طال
أبي تسمع كلامي زين وتحطه على بالك
إذا حبك هبال أطفال لك عندي هبال أطفال
ولا وابشر بعد بهبال حب ماهو هبالك
وإذا قصدك تهين اسمي عشان تشمت العذال
حشا لا انته ولا غيرك ولا عشره من اشكالك

للشاعر حامد زيد[/align]

[صالح الشريف]

[align=center]
[blink][glow=#0000FF]يعطيكم العافيه جميعا والقصايد المطروحة حتى الان[/glow][/blink]
اللطيفه طرحت
ا ح ب ك لــ // صالح الشريف
يابن الحلال ان طعتني خل الاســـراف لــ // طلال الرشيد
= = = = = =
الشامخه طرحت
القلادة لــ // صالح الشريف
= = = = = =
golden pearl طرحت
قصيدة لاماكن لــ // صالح الشادي
= = = = = =
حور العين طرحت
في رحيل حكيم الأمة الشيخ زايد بن سلطان لــ // فزاع
عاتبوها لــ// حامد زيد
التمثال لــ// حامد زيد
[/align]

[الشامخه]

هذى المشاركهه الثانيه لي ...

و اخترت القصيده اللي اعجبت بكل مفرداتها ...

قصيده && لا تبـــــــــرر &&




لا... ياحبيبي لا... تحاول تبرر
خلاص يا شاطر فهمنا الحقيقـه


دام الجفا والصد منـك تكـرر
ابنسحب وكلا يـروح بطريقـه


ماهو بكيفي القلب صمم وقـرر
ما عاد يتحمل جروح وضيقـه


مدري ويش اللي فيك زود وتكبر
وتشوف نفسك غير عن الخليقه


خبرك قديم و الوضع كله تغيـر
اللي يطيق ابعادنـا مـا نطيقـه


بعطيك انا ثنتين وانتـه تخيـر
اما تروح والا تقـول الحقيقـه




لشاعر الاحساس / صالح علي الشريف

[صالح الشريف]

[align=center]تسلمي الشامخه

على المشاركة واختيارك لقصيدتي المتواضعه

بجد اخجلتيني

والله يسعدك يارب[/align]

[الشامخه]

[align=center]مرحباااااااا .. هذى المشاركه الثالثه ...
هالقصيده عاجبتني حيل .. و حبيت انقلها هنااااا ...
قصيده && المبانـــــــــي &&[/align]
[poem=font="Simplified Arabic,5,black,bold,italic" bkcolor="transparent" bkimage="backgrounds/7.gif" border="none,4,gray" type=2 line=1 align=center use=ex num="0,black"]
جابك الله من غياب ضيق أصدور المباني = قبل للوحشة تزعزع بيتك الصلب وتبيده.
بيتك اللي من رحلت وكل جدرانة تعاني = ماتحمل ينتضر شهرين وعيونك بعيده.
الله العالم لو أنك جيت متأخر ثواني = ماتشوف ألا بقايا من حصاه ومن حديده.
من عرفتك وأنت ضايع من مواني لي مواني = وتارك قلبي مولع من وقيده في وقيده.
ضاع عمري بس أحد بها الليالي وتحداني = وأنت لاتشبع غياب ولنت خايف من نقيده.
ودي اتحمد لك ألله بالسلامه ومامداني = كل ماتوصل برحله ترجع برحله جديده.
دام تدري كل وجه غير وجه الله فاني = يآخي أكسبلك ثواب وخاف ربك في عبيده.
كان فيني عيب قلي فيني العيب الفلاني = كان هرجي مزعلك في شي قلي لاتعيده.
لعن أبوك لن مت بيدك من يفكك من أخواني = لحنزنوا ربعي علي ومت وش اللي تستفيده.
انت منت اللي عشقته أنت أكيدأنسان ثاني = كيف صرت بها البرود وهاالأحاسيس البليده.
وين حبك للزعل وين العنادالأوالاني = وين حنية زمان وفرحة العمرالرغيده.
وين ذاك اللي الى أقبل مايبات ألا بأماني = وين راح اللي أذا أقفى مايروح ألا فقيده.
واحد من جابه الله بس يأمر ويعصاني = الوحيد اللي أخافة غصب وأمشي معه سيده.
مابغيت أطيح بيده لين ماربي بلاني = والله لو هي بكيفي مابغيت أطيح بيده.
ذاك بس اللي ليامن شفته يلخبط كياني = ذاك من نضره ينشف دم قلبي في وريده.
قبل أشوفة اجمع له احلى القصايدوالمعاني = وأن لقيتة ماعرفت أقول لي جمله مفيده.
ألف مره قبله أعد القصيده من لساني = لعن أبوة لن جيت عنده قمت أخربط بالقصيده.
أمدحةوأنا أدري أنة لو تباطاني نساني = أنطحة وانا أعرفه مجنون وأعصابه شديده.
من يسوي بي سواتك يالرهيف الاسمراني = لن هو من الناس غيرك غلطته ترفع رصيده.
من يقص جناح طيرك وأنت أعز أنسان جاني = كيف أخاف رماح غيرك وأنت طعناتك سديده.
أن تبعتك أتبعتك من طيبي وواسع بطاني = ولا أنالا جيت أكيد أنسان تدري كيف أكيده.
أقدر أنزع لك ثيابي وألبس ثياب لاناني = وأقدر أطلع من عذابي وألعب بدورك وأجيده.
ان بغيت أكسب رهاني بخسرك وأكسب رهاني = وأخدعك بأحساس كاذب وأتحدى من يصيده.
أبك أنا لوشفت خلي حط غيري بدالي = والله اني لأتركه ان صد ولعشق سيد سيده.
خل بضلوعك مروه وأجبر بخاطر زماني = شف غيابك وش مسوي في حشاي ولا تعيده.
خلني بداخل حدودك وأمرح الليله بأماني = أكذب في باقي وعودك واصدق بلحظه سعيده.
فك قلبي من برودك ولو تولع بالمحاني = عطني أحساس بوجودك وخذ كل اللي تريده.
لية تصغر في عيوني وأنت برقاب الغواني = عيب تستسهل طعوني وأنت خابرني وليده.
تكفا أليا قلت تكفا بيع خلق الله عشاني = لاتضيع من يديني فرصة العمر الوحيده.
جيت ماأبيك أتحقرني جيت أبيك تعز شاني = جيت أبي فزعة أضلوعك من مشاعرك البليده.
يعلم الله شفت منك ومن غيابك ما كفاني = كان ماتقدر تخفف هم قلبي لاتزيده.
شف غيابك وش يسوي بالصدور والمباني = وأنت تدري كيف كانت صدمة غيابك شديده.
والله انك لو وصلت البيت متأخر ثواني = ماتشوف ألا بقايا من حصاه ومن حديده.[/poem]
[align=center]للشاعر المبدع / حامد زيد[/align]

[صالح الشريف]

[align=center]هلا الشامخه

وقصيدة رائعه جدا للرائع دائما حامد زيد[/align]

[الشامخه]

هلااااا فيك زود ** صالح الشريف ** ...

يسلمووووووو للي نسق القصيده كذااااا ...

الله يعطيه / يعطيها الف عافيه .. شكرااااااا ...

<<< كان نفسها تعرف من اللي نسقها و خلها تصير حلوووه ...؟؟




من جوف قلبي اودكم
اختكم
الشامخـــــــــه