من روائع الامير خالد الفيصل

[صالح الشريف]

مختارات من ابداعات دائم السيف ( الامير الشاعر خالد الفيصل )


امير الحرف والريشة


اتمنى ان تنال الاعجاب والاذواق


V
V
V

نفسي عيوف

[POEM="font="Simplified Arabic,5,black,bold,italic" bkcolor="transparent" bkimage="" border="double,4,gray" type=2 line=1 align=center use=ex num="0,black""]نفسي عيوف يا اريش العين تجزع = ما تقبل الحقران لو من عشيري
إلى متى في طلبتك باتخضع = وأسأل متى يوم الوصل بي يصيري
لو كان قلبي في هواك يتقطع = خله لعله بالقسى يستخيري
أنا جزمت أنساك يا زين وانزع = اللي بقى من حبكم في ضميري
مثلي عزيز النفس عنك يترفع = دور هبيل فواد مثلك غريرِ [/POEM]

انا اتسّلى

[POEM="font="Simplified Arabic,5,black,bold,italic" bkcolor="transparent" bkimage="" border="double,4,gray" type=2 line=1 align=center use=ex num="0,black""]أنا تسّلى بالشعر لـي توصّفـت = وإلاّ فلا بالقول مهنـة حياتـي
ما قد سرقت البيت وألاّ تسلّفـت = ما أقلّد الشّعار شعري مرآتـي
أنظم ثلاث عقود واليـوم ولّفـت = مع أول الرّابع ثلاث خزراتـي
ما أناظر اللي راح.. ما يوم وقّفت = عيني لباكر وش معه لي ابياتي
ولاني بقايل(ن) ليتني ما تصرّفت = الحمد لله حافظ(ن) كـل ذاتـي
وش عادلوني في حياتي تكلّفـت = يلعن ابو قلب(ن) ترّيح وماتي
كنّي مع نجوم اللّيالـي توظّفـت = أساهر النّجمات حـل المباتـي
وأسبابه اللّي من عيونه تعرّفـت = إني قتيله يوم شـال الغطاتـي
أنا أشهد إنّي في غرامه تطرّفـت = وصلت حد الموت قصدي مناتى
من أول(ن) في حب خلّى تلطّفت = واليوم أقول ألطف بحالي غناتى [/POEM]

هــــلي

[POEM="font="Simplified Arabic,5,black,bold,italic" bkcolor="transparent" bkimage="" border="double,4,gray" type=2 line=1 align=center use=ex num="0,black""]هلّـي علـى خدانهـا ياسحابـه = هلّي عليها لين ينبت بها الـورد
على محلّه لين يخضـر جنابـه = وافرح بشوفه فرحة مالهـا حـد
خل سقاني في الهوى من شرابه = ماصد لي جاني والى جيت ماصد
عـزاه ياقلـب تزايـد عـذابـه = على الذي حبّـه بقلبـي تجـدد
اللي رماني باربع مـن حرابـه = ثنتين من عينه وثنتيـن بالخـد
ياعمري اللـي راح لا واسفابـه = وين الرفيق اللي عليه ابدي السد [/POEM]

يموت الشجر

[POEM="font="Simplified Arabic,5,black,bold,italic" bkcolor="transparent" bkimage="" border="double,4,gray" type=2 line=1 align=center use=ex num="0,black""]يموت الشجر واقف وظل الشجر ما مات = رياح الدهر تصرخ وهي تجرح جنوبـه
لك الله شجر للموت ما ترخي الهامـات = بقت وقفتك يـا رافـع الـراس مهيوبـه
شجوني لها مع وقفتك يا شجـر وقفـات = عيون النظر مع نظرة الفكر مصحوبـه
شموخ الشجر عبره لمن يفهم الشـارات = والإنسان في غفلـه والأيـام محسوبـه
أرد النظر لاشك يـا نظرتـي هيهـات = أبستوعب العبـره بالأشجـار مكتوبـه
وأنا يعتريني ضعف الإنسان و الهقـوات = أروم العزايـم يـوم و أيّـام مسلـوبـه
أبظهر عن الدنيا مع حامـل النظـرات = و أسافر عن العالم على غايـم دروبـه
و أبرسم على غيمة دروب الهوى بسمات = وأبنثر كـلام الحـب طـرب وطروبـه
و أغنّي بها سامر وأقوّم بها عرضـات = وأبترك ثرى الدنيا لمن كـان مطلوبـه [/POEM]

ساعات العصر

[POEM="font="Simplified Arabic,5,black,bold,italic" bkcolor="transparent" bkimage="" border="double,4,gray" type=2 line=1 align=center use=ex num="0,black""]ليت عقل العود في سن الشبـاب = وحكمة الستيـن فـي عشرينهـا
كان ما جرَ القـدم درب العـذاب = وانتهزت ظروفهـا فـي حينهـا
وكان ما ضاعت دقايقهـا هبـاب = وكـل لحظـه أستغـل سنينهـا
كم تركت من الفرص واقفلت باب = بعتها واهـل الفـرص شارينهـا
وان نصحني ناصح أحسب حساب = قلـت يمـدي .. توَنـا بادينهـا
العمر بـاوَل زمامـه لا تهـاب = والَليـلْ طـوال يـا سارينـهـا
ما هقيت إن الزمن مثل السـراب = والَليـالـي خيَـبـت راجينـهـا
أثر ساعات العمر مثل السحـاب = بالظلام تمـر مـا نـدري بهـا
ويل من همَاته صعود الهضـاب = ترجمـه ريحانـهـا بايدينـهـا
وحظ من همَاته يحـوش التـراب = يبشر بكثر الذهـب فـي طينهـا
وكل قصر له أساس وسقف وباب = يحكمـون اركانـهـا بانينـهـا
والصيانة للقصـر وإلا الخـراب = أفطنـوا للـدار يـا حامينـهـا [/POEM]

الجرحين

[POEM="font="Simplified Arabic,5,black,bold,italic" bkcolor="transparent" bkimage="" border="double,4,gray" type=2 line=1 align=center use=ex num="0,black""]أنا فيني من الأيام جرحيـن(ن) علـى الخفـاق = من الاقصين جرح وجرح(ن) من ربعي الادنيني
أقوم بجرح لكن ثاني الجرحيـن سـاق وعـاق = مشى سمه مع عرقـي ويبسـت منـه كفّينـي
يولّعني وَهج ناره وفـي فكـري كمـا البـرّاق = عواصيـف(ن) تودّعنـي وعاصـوف يلاقينـي
مثل ريشه نقلها ريح مع شوك وفـي مضيـاق = يمـزع شوكهـا جنبـي وبالرجليـن يدمينـي
ألَمها جضّ به قلبي ودخّـن بالصّـدر حـرّاق = تفجّر كنّه البركان فـي سمعـي وفـي عينـي
يعاقبني زماني يوم صدري بالعنـا مـا ضـاق = أشيل الحمل ما تَعبت من الوعـرات رجلينـي
أعرف أنه قدر عمري واعرف أن الزمن سرّاق = وهذا ما كتبـه الله وأنـا المكتـوب يرضينـي

[/POEM]

تعبت عيوني

[POEM="font="Simplified Arabic,5,black,bold,italic" bkcolor="transparent" bkimage="" border="double,4,gray" type=2 line=1 align=center use=ex num="0,black""]تعبـت عيونـي بـس أدور واراعـي = و أنشد عن الزينات واشتاق واشـوف
لاشك مـا قـد تـاه فكـري وضـاعِ = ألين شفتك و أصبح القلـب مشعـوف
اللي داعاني لك مـن الحـب داعـي = داعـي غـرام للمحبيـن مـعـروف
ملكتنـي يــا بوعـيـون وســاعِ = أسيـر حبـك بيـن أياديـك مكتـوف
ليتـك تخفـف مـن عظيـم التياعـي = لو تبتسم لي شفتهـا منـك معـروف
متى يصيـر بنـور عينـي اجتماعـي = و ألقى التّعب من سيد الأحباب مخلوف [/POEM]

قريت خطك

[POEM="font="Simplified Arabic,5,black,bold,italic" bkcolor="transparent" bkimage="" border="double,4,gray" type=2 line=1 align=center use=ex num="0,black""]
قريـت خطّـك بـالوفـا عشـر مــرّات = فـي كـل مـرّه تنـثـر العـيـن مـاهـا
ذكرتنـي هــاك اللـيـال الجمـيـلات = لو كان قلبـي ذاكـر(ن) مـا نساهـا
من عقبكم مـا عـاد للعيـش لـذّات = مـا التـذّ فـي دنيـا مخالـف هـواهـا
اليـوم انـا مثـلـك جــداي التنـهـات = عينـي تهـل دموعهـا مــن عنـاهـا
هايم بعيـد الـدّار سهـران مـا بـات = أتبع هواجيس(ن) بعيـد(ن) مداهـا
نار(ن) تلهّـب بيـن الاضـلاع زافـات = نار(ن) لجت بالخوف العالي سناها [/POEM]

احذر عدوك

[POEM="font="Simplified Arabic,5,black,bold,italic" bkcolor="transparent" bkimage="" border="double,4,gray" type=2 line=1 align=center use=ex num="0,black""]كلٍ يعـوّد لاصـل جـدّه ومربـاه = راعي الشرف يشرف والانذال يهبون
الفْرع من عوده شرابـه ومسقـاه = والحنظلة مرّه ولو تشـرب مـزون
الطّيـب كايـد والمناعيـر تقـواه = والهون هيّن تدنع النفـس وتهـون
ناسٍ على كسب المراجل مضـرّاه = وناسٍ على كسب الفشيلة يضـرّون
هذا على وضح النقا كـل ممشـاه = وهذا الـى شافـوه ربعـه يصـدون
لا تامن الخوّان لو زخـرف حكـاه = من خان بك مرّه يبي باكـر يخـون
وافطن ترى زول الرّجاجيل تـوّاه = كم واحدٍ يعجبـك زولـه وهـو دون
يا طيّب الشارات من يـوم منشـاه = احذر عدوّك لايغـدرك علـى هـون
ترى عدوك غايتـه فيـك ومنـاه = يزرع بصدرك من قنا رمحه طعـون
والّلي رضع لبـوة عـدوّك توقّـاه = الجرو ولـد اللبـوة الّلـي تعرفـون
للطّير يالصقّـار بالرّيـش مغـواه = الجاهل الّلي باكثر الريـش مفتـون
للحُـر والشبـوط ماكـر ومجنـاه = والفرق بالافعال لـو هُـم يطيـرون [/POEM]

[BLINK]ان شاء الله اعجبتكم القصائد المختاره واعدكم بالمزيد فقط احتاج الى تفاعلكم [/BLINK]

[شُموخيـﮯ يكسرﮒ]

اكيد عيبتنا قصائد الشاعر الكبير خالد الفيصل


يعطيك العافيه اخوي على حسن الاختيار

[صالح الشريف]

ويعطيك العافيه على روعة المرور

تحياتي شوق الغرام

[ضـــوء القمـــر]

السلام عليكم ورحمة الله وبركاته

الله يعطيكـ العافيه أخوي ع هالنقل الجميل .. أنا كثير أحب شعر الشاعر خالد الفيصل .. كلماته فيها إحساس..

سلمت يمناكـ

أختكـ ‘ ضـــــوء القمـــــر

[صالح الشريف]

هلا ضوء القمر

ويعطيك العافيه على المرور المميز

تحيااااااتي

[الوالي]

يسلموووووووووو أخي صالح

يعطيك العافية

[صالح الشريف]

الله يعافيك ويسلمك اخوي

ومشكور على المرور