يَاْقَلْبِيْ قِلّيْ عَلاَمِكْ وُشْ فِيْكْ ..
قُوْلْ الّلِيْ يِضَاْيِقِكْ يَاْ عَسَىْ حَيَاْتِكْ مِدِيْدَةْ ..
***
قَاْلْ قِلْ آمِيْنْ يَاَ عَسَىْ عِيْنِيْ مَاْ تَبْكِيْكْ ..
لاَ تِزِيْدْ الْهَمْ الّلِيْ بِجُوْفِيْ لاَ تِزِيْدَهْ ..
***
قِلْتْ تِخَيَلْنِيْ مَاْرِدٍ بِيْنْ يِدِيْكْ ..
شِبّيِكْ لِبّيْكْ وَ اِطْلِبْ مَاْتِرِيْدَهْ ..
***
قَاْلْ أَبَدْعِيْ الْمَوُلَىْ يِحْفِظَكْ وِ يِخَلِّيْكْ ..
وْيَاْ عَسَىْ كِلْ أَيَاْمِكْ سِعِيْدَةْ..
***
قِلْتْ شَكْلَهْ اِلّلِيْ فِيْكْ مِكَفّيِكْ ..
وِاْلْهَمِ فِيْكْ تِعَدَّىْ الْحُدُوْدِ الْبِعِيْدَةْ ..
***
قَاْلْ آآآه قَلْبِكْ ذِبَحَهْ الْهَمّ وِ الْتَشْكِيْكْ ..
وْدَرْبِ الْبِكَاْ صَاْرْ الْخَرِيْطَةْ الْوَحِيْدَةْ..
***
يَاْ حِلْوُ يُوْمِ تِحْلَمْ وِ تِرْسِمْ أَمَاْنِيْكْ ..
لَكِنْ أَحْلِمْ وِ أَدْرِيْ الْلأَمَاْنِيْ بِعِيْدَةْ ..
***
تِمَنّيْتِ الْسَعَاْدَةْ بَسْ الْقِدَرْ فَكَّكَهَاْ تَفْكِيْكْ ..
وْصَاْرَتْ لِيْ مَعْ الْتَعَاْسَةْ عِلاَقِةٍ وِطِيْدَةْ ..
***
يَاْشِيْنِكْ يَاْلحِزِنْ وُ يَاْ شِيْنْ بَلاَوِيْكْ..
وُيَاْشِيْنِ حَظّيِ الْلّيِ جِمَعْنِيْ مَعِ الأَقْدَاْرِ الْعَنِيْدَةْ..
***
جِرَحْتِنِيْ يَاْقِدَرْ عَسَاْكْ جَرْحٍ يِدْمِيْكْ..
وُذَرّيْتْ عَلَىْ جَرْحِيْ مِلْحِ الْبُحُوْرِ الْمِدِيْدَةْ..
***
قِلْتِ مَاْكِنْتِ أَدْرِيْ إِنْ كِلِّ هَذَاْ فِيْكْ..
يَاْقَلْبِيْ صِدَمْتِنِيْ بِهْمُوْمِكْ الْعَدِيْدَةْ..
***
يَاْقَلْبِ مِنْ وُيْنْ هَاْلِمِصَاْيِبْ تِجِيْكْ؟؟
وُيْنِ ضِحْكَاْتِكْ وِ أَيَّاْمِكْ الْمِجِيْدَةْ؟؟
***
قَاْلْ يَاْجِسَدْ الْدِنْيَاْ يُوْمٍ لِكْ وُ يُوْمٍ عَلِيْكْ..
وَأَنَاْ تِمَنّيْتِ الْسَعَاْدَةْ وِ الْحَيَاْةِ الْرِغِيْدَةْ..
***
لَكِنْ جَتْنِيْ مِصَاْيِبْ ذِبِحَتْنِيْ يَاْ أَخِيْكْ..
وِ إِلاَّ الْشَاْمِتِيْنْ يَبِيْلْهُمْ برُوْحُهُمْ قِصِيْدَةْ..!
***
تِحْلَمْ بِاْلْشَيْء بَسْ لِلأَسَفْ الْعَكْسِ يِجِيْكْ..
صِرِتَ أَحْلَمْ وِ أَدْرِيْ الأَمَاْنِيْ بِعِيْدَةْ..!
***
صَاْرِ الْقِرِيْبْ قَبْلِ الْغَرِيْبْ يِجْرَحِكْ وِ يِبَكِيْكْ..
الْغَدْرْ مِنِ الْمَوَاْقِفْ الْلّيِ مَاْ هِيْ عَلَيْ بْجِدِيْدَةْ..
***
وِإلاَ الْخِيَاْنَةْ الِلّيِ مِنِ الْحِزِنْ تِعْمِيْكْ ..
كَنِ الْوِفَاْ كَنْزٍ مِنْ الْكْنُوْزِ الْفِقِيْدَةْ..
***
يَاْ صَعْبِ يُوْمِ مَاْ تِلْقَىْ حَدٍ يِحْظِنَكْ وِ يِهَدّيِكْ..
تِقْدَرْ تِقُوْلْ الْبِعِدْ صَيّاْدٍ وَ أَنَاْ صِرْتِ الْطِرِيْدَةْ..
***
سْهَاْمِ الْهَمْ سِمٍ فِيْ دَاْخِلِيْ يَاْ أَخِيْكْ..
وِدَمّيْ نِشَفْ مِنْ زُوْدْ نَزْفْ وِرِيْدَهْ..
***
الْدَهَرْ قَاْلْ لِيْ إِصْبِرْ وُ الّلِيْ تَبِيْهْ بِيْجِيْكْ..
تِعَبْتَ أَنَاْ وِ الْصَبِرْ بِدَاْ يِنْفَدْ رِصِيْدَهْ ..
***
يَاْ بِكَاْ إِفْرَحْ لِقِيْتِ مِنْ هُوْ يِخَاْوِيْكْ ..
وُ يَاْ فَرَحْ إِبْعِدْ تَرَاْ الْدَمْعَةْ صَاْرَتْ هِيْ الْعَضِيْدَةْ ..
***
يَاْ جِسِدْ أَبَدْعِيْلِكْ عَسَىْ رَبّيْ يِبَقِيْكْ ..
خَفَفْتِ شَيٍء مِنْ الْهُمُوْمِ الْشِدِيْدَةْ..
***
لَكِنْ الْوَقْتْ طَاْلْ وَ أَنَاْ طَوّلْتِ عَلِيْكْ..
طَاْلِ الْحَكِيْ وِ الْوَقْتْ وِ طَاْلَتْ هَاْلْقِصِيْدَةْ..!
***
مَرَضِيْ شِدِيْدٍ وِ أَدْرِيْ شِفَاْيْ مِنْ أَمَاْنِيْكْ ..
لَكِنْ الْدِوَاْء مَاْ بِيِشْفِيْ مَرَضِيْ وُ لاَ بِيْفِيْدَهْ ..
***
قِلْتِ يَاْ قَلْبِيْ أَبَدْعِيْ الْمَوْلَىْ يِشْفِيْكْ ..
هُوَ الْعَاْدِلْ الِلّيْ مَاْ يِنْسَىْ قْلُوْبْ عَبِيْدَهْ ..
***
إِذْكِرَ اللهَ يَاْ قَلْبِ وْ صَلْ عَلَىْ نَبِيْكْ..
هَذَاْ الْكَلاَمِ الّلِيْ عِنْدِي وْ مَاْ بَزِيْدَهْ ..
هَذَاْ الْكَلاَمِ الّلِيْ عِنْدِيْ وْ مَاْ بَزِيْدَهْ..
***
مواقع النشر (المفضلة)