[marq]
هذي قصيده لي جديده
وحبيت اشارك اخوي سعيد العامري فيها
واتمنا اتحوز علي رضاكم
يامنجي قلبي من الحب نجه= يرجي اله الخلق هو خير راجي
محمد من الدنيا غدا فيه رجه= يالله عسى يلقا لقلبه علاجي
الصيد مايقنص مع يوم عجه= يلقا التعب قناص يوم العجاجي
يالعامري يامشكاي نبغا انتوجه= قبل الظلام يحل والليل داجي
ناخذ مع الخلان وقفه وسجه= في ديرة ماكثر فيها المداجي
لي صاحب دونه مع الوقت فرجه= ابعد رحل واصبح مراحه مفاجي
قدلي ثلاث اسنين ماسمعت هرجه= بس اتخيل صورته في مزاجي
راحوا وكثر الدمع عيني تزجه= وصبري نفذ ياوين بلقا خراجي
حنت ضلوعي حن هجنن ملجه = حنت مناحرها وفيها اخلاجي
على عشيرا حب غيره مدجه =حبه قراح وحب غيره هماجي
الحب بلوى من توطاه فجه =يالله عسى راعيه يلقا العلاجي
وسلامتكم[/marq]
مواقع النشر (المفضلة)