المساعد الشخصي الرقمي

مشاهدة النسخة كاملة : تعلمتي على الايميل



هبولة الدلوعة
22-04-06, 03:23 PM
تعلمتي على الايميل وعندج ع الماسنجر ناس
حلفتي لــي صديقاتج ويامــــا جذب الحالف

صدفــه ساقهـا ربــي وبلا قصــدن عــرفت الباس
فتحته وشفت كم صوره معاهم كم رقم هاتف

انا وش ذنبي يومني عطيتج صــادق الاحساس
لعبتي فيه وماصنتيه بكذب احساسج الزايف

ترا عرق الذي مثلج ولو طـــــــال الزمن دساس
واذا فيج الغدر مذهب ترا مسموحه ما يخالف

عرفته مذهب امثالج وكل شي راجعن لساس
ونا ماعاد يعنيني غـــرامج صار شي سالف

طفح جدرج مــن الزحمـــه طلع مافيه بلا ملاس
فضح امرج غباء وطيش وقلبي صار لج عارف

فضيحه ذوقج الواطــي محتفظه بصور نسناس
عمى يعميج يافلانه على الصوره تراه صارف

قعد يومين يتكشخ وعلى كرسي المصور خاس
رتوش ورســم لعيونه وخشم لويهه مخالف

وصـــورة ذاك المعضــل مصـــور لج بدون لباس
صحيح اللي اختشو ماتو .. فقته ذوقج التالف

قوية عين ماتخييلين ولا تحشمين عالي الراس
قليلة اصل مــن يومج انــا الغلطـان انا عارف

لكن والله ما ارجع قدرج تحت ريلي انداس
بعد ماخنتــي الباقـــي وبدلتيــه بالذالف

عيشي اليوم ندمانه وذوقي الهم والوسواس
ونا غيرج بيوفي لي بيضمد جرحي النازف

بكمل لج بعد ســـاعه متأخـــــر وعندي كلاس
اذا في وقت تنتظرين على الايميل نتشاوف

واذا مشغــــوله لج عذرج عنــدج دوري عندج كاس
مثل جدر الهريس اصبحتي كل من يغرف وطايف

رخيصه وبيزه ماتسويين وحبج قمة الافلاس
ومن مثلي رفيع الشان حرام وياج يتوالف

لعبتي من ورا قلبي وفضح لعبج شديد الباس
واذا غمضت انا في يوم ترا رب الملا شايف

...
..
منقول ..

Al dustoor_88
22-04-06, 03:48 PM
ههههههههههههههههههههههههههههههههههه


الله الله .... والله تهبلللللللللللللللل القصيدة !!!!!!!!!!!!!

قصيدة رائعة بألفاظ محلية سهلة ، تحمل افكااار ومعاني كثيرة !!!

شكري لج الهبولة ع النقل الجميللللللللللللللللل !!!!

هبولة الدلوعة
22-04-06, 08:12 PM
مرورك الاجمل خيو


مشكووور عالمرور

بوحمد
25-04-06, 08:28 PM
هبولة الدلوعة

سلمت اناملك على القصيده الشيقه والطريفه
اتمنى تواصلك الدااااائم
لكَ أجمل الأمنيات

سويره
25-04-06, 11:41 PM
ياويل حالي

الله على شاعرتنا كلمات رائعه

القصيده وايد حلووووووووووووووه

حميد القتبي
03-05-06, 10:09 PM
مشكوره يا هبوله على هذي الكلمات
وان شاء الله متواصله معنا

al-lteefh
05-05-06, 04:11 AM
مشكوووور هبوله ..

كلمات اكثر من رائعه ..

تحياتي ؛؛

اسيرالغرام
22-05-06, 06:41 PM
مشكوررررررره