المساعد الشخصي الرقمي

مشاهدة النسخة كاملة : كفاااااااااااااااااية



نسايم وله
25-02-06, 05:25 PM
كفاية صار لك شهرين غايب عني يالغالي
كفاية يا أعز الناس ترى والله ما أقدر
دخيلك لا تخيب فيك هقواتي وآمالي
واذنها عالصبر والله وغلاتك عندي راح أصبر
أبتحمل عنا فرقاك وحالي يرثي لحالي
مع اني والله لين اليوم مدري ليش بس تهجر
أبعرف شو السبب أرجوك وش اللي بس يجرالي
اناشسويت يا ربي عشان تثور وتتفجر
انا اولله ما استاهل أبد كل اللي جرالي
أقل ما فيها بس قلي سبب خلاك تتغير
أبعرف بس شالموضوع علامك صرت ما تبالي
بذمت كل اهلك فيوم شفتني بشي انا مقصر
عطيتك قلبي وروحي وهبتك حالي ومالي
حملت احساس هالدنيا عطيته لك وانا افخر
عشقتك عشق لا قبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا امسح رسالاتك اتم اقراها وافكر
واحلل كل كلمة بالمسج الله يا غربالي
واقول بخاطري معقوله حاسس فيني ويشعر
وأرد أقول لأ يمكن تذكرني وهو سالي
لأني توني مطرش مسج طرش مسج يشكر
وأرد أقول لأ أدري يبيني وحاسس بحالي
وأرد أقول لأ ما اظن على باله انا اخطر
الين اني انا تأكدت قلبه بالفعل خالي
ولا غيري انا فقلبه يحبني موت ويقدّر
لأني مرة من المرات طرت فكرة على بالي
نويت أزعل بدون اسباب واشوفه لو بيتأثر
أبعرف قدري بقلبه بيهمه وضعي الحالي
أو انه رح يطنشني ولا يسأل ويستفسر
وفعلا دق ما جاوبت حرق لي والله جوالي
3000 مرة دق وانا مطنش ولا معبّر
كتبلي بالمسج اطلع انا عند بابك الحالي
قسم بالله ما تطلع لخربها انا واحدر
ومشكلتي أعرفه زين يسويها ولا يبالي
نزلت وخاطره مكسور يقول اشفيك متغير
وقلت له بس أبتأكد اذا قدري معك عالي
ضحكلي وقال لي اتأكدت ودمعه دلل المحجر
وطارت فيني الدنيا لمكاني صاحبي جالي
تعذرلي وانا الغلطان واانا اللي لازم اتعذر
بعدها عشت انا احلى أيام في قربه هنيالي
وصلنا لمرحلة ما نفترق عن بعضنا واكثر
بعدها فجأة خلاني ولا يسأل عن احوالي
وانا في خاطري أدري محال فيوم يتغير
أدق له ما يجاوبني بديت أشك في حالي
أخاف انه حصله شي اخافه بس متكدر
لعب في قلبي الوساس خياله ما تهيالي
حوالي1000 مسج طرشت حبيبي يا عسى ما شر
ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر
الين اني عرفت اشلون أخلي خلي الغالي
يكلمني وجت فكرة بعد ما مت وانا افكر
وفعلا اتصل فيني وبدت احزاني واهوالي
وكانت صدمتي كبيرة علي الغالي يتكدر
وكانت صدمتي كبيرة علي الغالي يتغير
سألته قلت له وش فيك ما من شر يالغالي
وش اللي صار بالدنيا علامك ليش متبعثر
او انك يعني ما تدري بدونك صرت انا لحالي
ولا لي خلق أي انسان كثر ما فيك انا افكر
جاوبني وقال ارجوك أبي هالدنيا تصفا لي
انا مليت من وضعي وأشوف الكل متغير
انا ضاقت بي الدنيا وابي أبقى انا لحالي
خلاص اتركني لا تسأل وانا برجع عقب اشهر
وقلت له مو علي تكذب أعرفك تضعف قبالي
تكلم قول شالموضوع بدى قلبي يدق أكثر
سكت لحظة وقال أرجوك ابعد عني يالغالي
وخلني أذكرك بالخير وانت مثلي اتذكر
ولا تطرش مسج واحد ولاتدق لي أبد تالي
واذا لي خاطر عندك لا تتكلم أبد سكر
قلت له والله ما سكر الين تقول وتصفا لي
قال لي والله ما اتكلم ولو تبكي دمع أحمر
ولكن شوف ربعك وانت تعرف بس وش جالي
خلاص افهمها عالطاير لا تحرجني بعد اكثر
وسكر والدمع فيني على الخدين همالي
قسم بالله ما ادري علامه قلبه تحجر
فؤادي انهار وانا حملي يهد جبال وجبالي
في لحظة صارت الدنيا في عيني هالكبر واصغر
حسافة ما توقعته يصدق فيني عذالي
حسافة ما هقيته يوم يصد عني ويتغير
بعدها صار لي ما صار وربي يعلم بحالي
فؤادي باقي بس شوي واحسه من الجسم يظهر
بديت اعرق مدري ليش وخابت كل آمالي
انا توقعت كل الناس ولا توقعت هو ينكر
وقلت بخاطري خله مصيره يرجع الغالي
أكيد انه سمع أي شي وجوّه صار متعكر
ولكن طول غيابه وزادت فيني علالي
مرض قلبي تعب فكري واحسه جسمي متخدر
وقلت خلني اطرشله مسج وأشكي له احوالي
وطرشت المسج وشوي دق لي ودون ما افكر
هلا والله يا اغلى الناس هلا والله بالغالي
ألو طارق ما قلت لك لا تذكرني أو أذكر
أبي بس أذكرك بالخير ياخي خلني في حالي
وقلت وخاطري مكسور انا اسف وما كرر
قسم بالله لين اليوم حالي يرثي لحالي
قسم بالله لين اليوم ولا ادري ليش هو تغير
قسم بالله ما غضت عيوني ولا هدى بالي
قسم بالله ما مر يوم إلا وفيه انا افكر
قسم بالله قلت بنساه بس طيفه يتهيالي
قسم بالله لو حالوت انا انساه اتذكر
الين اليوم انا عندي أمل يرجع ويصفالي
أقول الشوق بي رده على فرقاي ما يقدر
إلين اليوم و ضحكاته وبسماته على بالي
الين اليوم ما أرقد كثر ما فيه انا افكر
أبعرف شو السبب ارجوك وشللي بس يجرالي
اناشسويت يا ربي عشان تثور وتتفجر
انا اولله ما استاهل أبد كل اللي جرالي
أقل ما فيها بس قلي سبب خلاك تتغير
أبعرف بس شالموضوع علامك صرت ما تبالي
بذمت كل اهلك فيوم شفتني بشي انا مقصر
انا رح انتظر ردك ولو حتى بمسج خالي
واذا ما جاني منك رد وغلاتك عندي راح اصبر
سنة سنتين اللي يهم أشوفك ثاني قبالي
3 سنين او أربع أبصبر يعني راح أصبر
ولكن حكم احساسك وجاوب يا أغلى كل غالي
بذمة والديك يهون تنساني ولا تذكر
يهون انك تخليني ولا تسأل ولا تبالي
يهون انك تنام اللي وتتركني انا أسهر
كفاية صار لك شهرين غايب عني يالغالي
كفاية يا أعز الناس ترى والله ما اقدر
دخيلك لا تخيب فيك هقواتي وآمالي
واذنها عالصبر والله وغلاتك عندي راح أصبر

المهاجر5959
25-02-06, 05:52 PM
تسلمي يا نسايم وله على هذي القصيده
اللي لمست فيها انا اكبر انواع العتاب

والله يعينج على محبوبج


أخوج المهاجر5959

نسايم وله
25-02-06, 06:10 PM
تسلم يالمهاجر عالمرور وانا ناقله هذي القصيدة للشاعر الكبير طارق المحياس

الطائر الحزين
25-02-06, 06:13 PM
مشكووووووووورة نسايم وله

عاد ما حوار بصراحة شيق

ألف شكر لك

نسايم وله
25-02-06, 06:18 PM
مشكور الطائر الحزين على المرور الطيب والتعليق الاطيب

samt_al7zn11
25-02-06, 06:25 PM
مشكوره الاخت على ما نقلته اناملك من معاني ساميه وقصيده ولا اروع
دمتي بوووووووود

أميرة الصمت
25-02-06, 11:22 PM
كلمات رااااااااااااااااااااااااااااااااااااااائعه ، ونقل اروع
نقل متميز للقصيده ...

دمتم بود

الوالي
26-02-06, 12:31 AM
مشكوووووووووووووووره نسايم وله

قصيده جميل منك سلمت يداك

جريح الزمن2
26-02-06, 12:48 PM
مشكوووورة اختي صدق تحمل في معناها كل معاني الأحساس

نسايم وله
28-02-06, 10:23 AM
مشكوريين
صمت الحزن
اميرة الصمت
الوضاحي
جريح الزمن
على المرور...........وروعة تعليقاتكم

بوحمد
28-02-06, 01:03 PM
نسايم وله

صح لسانكِ ولسان الشاعر طارق المحياس
اختيار موفق وجميل جداً
حروف متلألأة تفيض بالمشاعر والاحاسيس المرهفة
عانقت اشعة الحب بكل رقة
معلنة عن اشتياقها ولوعتها
شكرا لكِ على هذه القصيدة الرائعه وهذا الأحساس الجميل
دمتِ بووود

صالح الشريف
28-02-06, 01:27 PM
قصيدة رائعه ونقل اروع


صح لسان قائلها وسلمت انامل ناقلهااااااااااا



تحياتي نسايم

نسايم وله
04-03-06, 08:35 PM
مشكوووووووورين عالمرور الحلو

al-lteefh
05-03-06, 02:36 AM
قصيده رائعه
يسلمو نسايم وله

تحياتي ؛؛

خليفه المقرشي
06-03-06, 12:47 AM
خليفه المقرشي مشكوره يانسايم على هالكلام الحلو وبصراحه القصيده تعبر عن مشاعر كثير من الناس وانشالله الهجر ينتهي

عاشق المسراء
06-03-06, 01:37 AM
نسايم وله
كلمات جميلة
واحاسيس شاعرية تنبع من القلب المرهف
تسلمين أختي على هالنقلة الجميلة بجمال حضورك وبحسن
ذوقك في الأختيار
تحيلتي لك
أخوك

نسايم وله
06-03-06, 06:59 PM
شكرا عالمرور

نسايم ليل
17-03-06, 10:43 AM
مشكووووره على ها القصيده الغاويه لطارق المحياااااس
ما عليج قصووووووووور :56:

هبولة الدلوعة
21-03-06, 04:25 PM
حملت احساس هالدنيا عطيته لك وانا افخر
عشقتك عشق لا قبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا امسح رسالاتك اتم اقراها وافكر
واحلل كل كلمة بالمسج الله يا غربالي
واقول بخاطري معقوله حاسس فيني ويشعر
وأرد أقول لأ يمكن تذكرني وهو سالي



نسااااااااااايم وله ... ماشاء الله عالاحاسيس اللي فاضت يوم كتبتها ... وااايد حلوة وشكلها واقعية



تسلم يالاخ

سندريلا
01-04-06, 08:03 PM
تدرين صراحة ما ادري ايش اقول

روعه اختي نسايم وله

انتي مبدعه بحق

كلمات قليلة و لكن معناها كبير جدا

ماشالله عليكي

تمنياتي لك بالتوفيق يا مبدعه

Bint Laden
03-04-06, 07:56 AM
"مرض قلبي تعب فكري واحسه جسمي متخدر"
مشكووووووورة اختي نسايم وله على النقلة المميزة
صراحة كلمات معبرة جداً

حميد القتبي
13-04-06, 08:01 PM
مشكوره يا نسايم وله على هذه الكلمات العبره والجميله
وشــــــــــــكــــــــــــــرا................... ...................