هذا النصيب

[عاشق المسراء]

روحي وكل اللي جرى منك مسموح ... في غيبتك يبقى العزا في جروحي
محبتك فاقت على النفس والروح ... تبقى بقلبي ساميه مثل روحي
ليت المجال بحاضري يفرض البوح ... وأظهر بساعات التحدث وضوحي
أصارحك وأبني لك أمجاد وصروح ... وأعلن على دنيا غرامك نزوحي
العالم الله .. كلي أحزان وجروح ... والكل حولي يعتبرني مزوحي
والذكريات اللي معي وين ما روح ... تكشف خفايا النفس من غير بوحي
هذا النصيب ولا بقى وقت للنوح ... رغم إجتهادي ما تحقق طموحي
لاشك كل اللي مسجل على اللوح ... يجري علي وسنين عمري تروحي

[الوالي]

كلمات رائعة ولطيفه
شكراً لك أخي الطيب

[al-lteefh]

كلمات اكثر من رائعه تعبر عن الكثير مما يكنه القلب من الاشجان ..
سلمت اناملك اخي عاشق المسراء
تقبل مني كل الشكر والتقدير

تحياتي ؛؛

[بوحمد]

اخوى / عاشق المسراء

صح لسانك

سعدت بقراءة ما كتبت

اسلوبك مميز واحساسك صادق

دوما رائع في كل ما ينسجه قلمك المميز

ويجود به حسك

انتظر جديدك

تمنياتي لك بالتوفيق

[عاشق المسراء]

alwadahi
تسلم خوي على مرورك الجميل والرائع بحضورك
تحياتي لك
أخوك

[عاشق المسراء]

al-lteefh
اسعدني مرورك الرائع ويكفيني فخرا بأنها نالت إعجابك
تحياتي لك
أخوك

[عاشق المسراء]

بو حمد
حضور يصاحب إحساسي
ليمنحني الثقة والصدق.
ذلك النهر الذي لايروينا يغرقنا ولا جدوى من مد يدينا !!!
باقات وأطواق من الزهر الأبيض بلون روحك أهديك أياها
مع كل الامتنان لحضور قلمك الهادىء
تحياتي لك
أخوك

[سجين عينيك]

كلمات حلوه
من إحساس احلى
تسلم اخوي ع القصيده

[samt_al7zn11]

كل الشكر والاحترام لك ولقلبك الطيب بس انت انتظر المفاجئه اللي ابيها الكل يعرفها عشان افتخر بوجود اشخاص شراتكم والكل يشوف بس لما اهداء واحس اني اقدر ادش المنتدى بس هذا سرنا الصغير اللي ما ابي احد يعرفه حتى الوشاحي رفيجك اللي هالايام طالعين فيها كله ويا بعض وربي يديم اللي بينكم ودعواتي لكم باستمرار هالعلاقه الطيبة

[عاشق المسراء]

سجين عينيك

الف شكر لك خوي على مرورك الطيب بطيبت قلبك
تحياتي لك
أخوك

[عاشق المسراء]

كل الشكر والاحترام لك ولقلبك الطيب بس انت انتظر المفاجئه اللي ابيها الكل يعرفها عشان افتخر بوجود اشخاص شراتكم والكل يشوف بس لما اهداء واحس اني اقدر ادش المنتدى بس هذا سرنا الصغير اللي ما ابي احد يعرفه حتى الوشاحي رفيجك اللي هالايام طالعين فيها كله ويا بعض وربي يديم اللي بينكم ودعواتي لكم باستمرار هالعلاقه الطيبة

مشكورة أختي على مرورك ولو إني مافهمت السالفة
تحياتي لك
أخوك

[فهدعادل]

جميلة الفكره ، وجميلة الكلمات ، جميل انسيابها وتتابعها .
يعطيك العافيه .
اتمنى لك التوفيق.

[عاشق المسراء]

جميلة الفكره ، وجميلة الكلمات ، جميل انسيابها وتتابعها .
يعطيك العافيه .
اتمنى لك التوفيق.
خوي تسلم على مرورك الجميل
وإذا بها جمال فهو جمال حضورك وهو شرف للقصيدة وصاحبها
تحياتي لك
أخوك

[خليفه المقرشي]

روحي وكل اللي جرى منك مسموح
في غيبتك يبقى العزا في جروحــــــي
كلمات عذبه اخوي /عاشق المسراء واتمنى ان اصل بقصائدي الى هذا الاحساس والابداع الجميل . تحياتي والى الامام

[عاشق المسراء]

روحي وكل اللي جرى منك مسموح
في غيبتك يبقى العزا في جروحــــــي
كلمات عذبه اخوي /عاشق المسراء واتمنى ان اصل بقصائدي الى هذا الاحساس والابداع الجميل . تحياتي والى الامام
تسلم خوي على مرورك وهم على كلماتك الجميلة الله يجمل
أيامك ولياليك يااارب
خوي كلنا بالبدايه كذا لاكن مع الأستمرار والتعلم من الأخرين وهو
ليس بالعيب بل العكس نستفيد من من سبقونا
وبأذن الله ستصل لما تتمناه
تحياتي لك
أخوك