المساعد الشخصي الرقمي

مشاهدة النسخة كاملة : يواسيني وأنا الميت



بوحمد
25-08-05, 10:31 AM
يواسيني وأنا الميت
قصيدة كتبها شاب بعد حادث سيارة ووالدته كانت برفقته
وتوفاها الله نتيجة هذا الحادث بسبب الاصابات الخطيرة
والشاب اصابته كانت خفيفه .
وقال هذه الابيات للذين جاؤوا يواسونه

يواسيني وانا الميت وحالي يجبر الدمعات=تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات=يجبروني عشان امشي ورجلي ما تمشيني
قتلت رعايتي بيدي قتلت الحب والرحمات=حرمت النفس من حقها وانا ابكيها وتبكيني
وكنه حلم قدامي يقيدني من الصرخات=ابي اصحى ولكني عجزت القى ال يصحيني
فداك القلب يايمه ومهما قلت من كلمات=صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات=صحيح اني ولد طايش وكل ما أسمعه فيني
تجول عيونهم فيني تفصل مني قياسات=وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة=وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات=وصار الهم عكازي اباكيه ويباكيني
عطيتيني بدون حساب ولا سمعتك تقولي هات=وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات=واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات=تعالي غيري هالقول واطيعك باقي سنيني
واترك عادة التدخين وانفذ ما تبي بسكات=واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات=ابيك انتي ولا غيرك على موتك تعزيني
وضميني وداويني مثل ما كانت الهقوات=ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات=انا مقوى ابكيك اذا انتي تبكيني

صفاء القلوب
28-08-05, 10:45 AM
( بوحمد ))

ابكتني هذه الكلمات عندما قرأتها
وكررتها عدة مرات بالفعل
معاناة الشاب جعلتني ابحر معه واواسيه

تحياتي لك اخي العزيز على اختيارك
تحياتي (( صفاء القلوب ))

العمانية
28-08-05, 09:55 PM
أخوي بوحمد / والله أبكيتني بهالقصيدة ، الله يصبره على فراق أمه ، الله يرحمها ويسكنها الجنة يــــارب ، محد في
هالدنيا يعوض مثل وجود الأم .
دعواتي له بالصبر وانه يتعدى هالمرحلة ويشوف الفرح والسعادة في حياته . آمين يا رب .

الشكر لك

بوحمد
28-08-05, 10:08 PM
اختى / صفاء القلوب
اختى /العمانية

اسعدنى مروركما العذب
مع أطيب الامانى لكن بالتوفيق والسعادة

بسمه ألم
29-08-05, 09:59 PM
بو حمد
مرت الايام وابعدتنا الليالي لنعود الى مرفئك الهادئ من جديد فنجد يديك محمله بما له وقع الاسئ على النفس
الله يعين ذلك الشاب ويرحم والدته





بسمه

الكتمان
30-08-05, 03:02 PM
اشكرك اخي بوحمد
الله يرحم والدته ويصبره ويصلح شانه
بارك الله فيك

بوحمد
30-08-05, 08:41 PM
بسمة الم
الكتمان

اسعدنى مروركما العذب
مع تمنياتى لكم بأطيب الامانى بالتوفيق والسعادة