محتاج للبسمة

[عاشق المسراء]

مات الحكي واحرجني الموقف احراج ... وعجزت اعبر عن هواي اعذريني

ماغير جمله حاطها الخوف بسياج ... قلبي يحبك حيل لا تتركيني

نطقتها واخشى تسبب لك ازعاج ... لولا الغلا ما قلتها صدقيني

محتاج للبسمة من شفاك محتاج ... ياللي رسمتي صورتك وسط عيني

ماشفت بين الناس مثلك ولا داج ... ضياء شمسي من جبينك يبيني

جمر المحبة دايم الدوم وهاج ...في خافقي تكفين منه انقذيني

اللي تصيبه نظرتك ما له علاج ... الموت لا ناظرت عينك يجيني

[بوحمد]

جمر المحبة دايم الدوم وهاج ...في خافقي تكفين منه انقذيني

اللي تصيبه نظرتك ما له علاج ... الموت لا ناظرت عينك يجيني

اخوى / عاشق المسراء

صح لسانك

على الكلمات الرائعة

وبلاغة المعنى

قرأت الكلمات لأكثر من مره

وفي كل مره تحلو بخاطري أكثر

دمت بخير

[عاشق المسراء]

بوحمد

يكفيني قرائتك لحروفي

فقد أضفت على متصفحي طابع الشموخ... بحضورك

كم اسعدني هذا الحضور

تقبل مني جل التحايا

أخوك

[الكتمان]

كلمات اكثر من رائعه تسلم اخوي عاشق المسراء
بارك الله فيك

[عاشق المسراء]

كلمات اكثر من رائعه تسلم اخوي عاشق المسراء
بارك الله فيك
........................................
الكتمان

تسلمين أختي حضورك أسعدني لاعدمتك

تحياتي لك

أخوك

[صفاء القلوب]

عاشق المسراء

اتسمح لي بهذه المداخله وهي من كلماتي :-
ابهديك يا الغالي بسمة شفاي
يوم انها تشفي ضنينك
لا تجول انها ازعاج
المحبه دومها ترتويني
ابهديك ذاك الغلا اللي بيني وبينك
بسمتي وضحكتي والقلب وياه
.................
هذه مجرد مداخله بسيطة لان كلماتك جعلتني ابحر
في عالم الخاطره والكتابه فاعذرني اخي

تحياتي (( صفاء القلوب ))

[عاشق المسراء]

صفاء القلوب

وهبتينا أختي مشاعر من الأعماق نرتوي منها اشواقا

لجديدك صح لسانك ويعطيك العافية.

أختي اشكرك على مرورك العطر ووجودك على متصفحي المتواضع

تحياتي لك

أخوك

[بسمه ألم]

محتاج للبسمة من شفاك محتاج ... ياللي رسمتي صورتك وسط عيني


عجبني عشان اسمي فيه

صح السانك مليووووووووووون ياعاشق المسراء

[عاشق المسراء]

محتاج للبسمة من شفاك محتاج ... ياللي رسمتي صورتك وسط عيني


عجبني عشان اسمي فيه

صح السانك مليووووووووووون ياعاشق المسراء


.................................................. ................................................

كان ابتسمتي مبسمك يكسف الشمس ... والأرض يذبل وردها لابتسمتي

أختي مادام ذكر اسمك في بيت يعجبك هذا البيت سبق ان كتبته ببداية قصيدة

واهدية لك

أختي كلمة شكر لاتجدي لكن لا املك سواها
شكرا على مرورك العطر
تحياتي لك

أخوك

[بسمه ألم]

كان ابتسمتي مبسمك يكسف الشمس ... والأرض يذبل وردها لابتسمتي


اول هديه اتلقاها لن افرط بها

لك الشكر

[عاشق المسراء]

بسمه ألم
أختي ألف شكر على مرورك وتواصلك الجميل
أختي تستاهلين أكثر
تحياتي لك ودمتي ودام غاليك
أخوك

[صالح الشريف]

اخي عاشق المسراء

يعطيك العافيه على النقل الرائع والقصيده الاروع

تقبل تحياتي