يا بحر أنا بسألك

[فتى بلادي]

يا بحر أنا بسألك عن مبعد الدار
يا اللي من الأشواق مبرد وخالي


أنت طويت بلجتك علم وأسرار
وانا طرالي من الهوى ما طرالي


عودت لي من ماضي الوقت تذكار
تذكار خل أبعدته الليالي


باسباب ظرفٍ حط في خافقي نار
سوى لهبها داخل القلب صالي


يا ليت يدري ناعس الطرف وش صار
إن كان ما خلاني بجو خالي


لأنه يعرف إني من الناس ما اختار
غيره ولا أبدل سواهم بدالي


ليته نشد عن حالتي وتجيه الأخبار
ويشوف مضنون الحشا كيف حالي


هو نور عيني والغلا وزهوة الدار
في بعدهم ضاق الفضا والمجالي




يقولووووون ياطير يلي.......

[الروح]

ذوق رائع.. و تميز فالانتقاء..
لا خلا و لا عدم..

[المرتاح]

شكراً جزيلاً .. على هذا الاختيار .

[عاشقة السلطنة]

راق لي ما اختارت ذائقتك..

ودي واحترامي..

[لمسة أنثى]

صح لسانك اخوي كلك ذووق

[الهدهد]

هو نور عيني والغلاا وزهوة الدار ....



قصيده رائع وواحسآس جميل ..

[المرتاح]

كلمات رائعة .. بالتوفيق .