~: سولفوا :~ لـ { محمد بن فطيس }

[نسمة روح]

،؛، .. السلام عليكم ورحمة الله وبركاته .. ،؛،




~ سولفوا تكفون لا عاد تسكتون ..
.. قبل لا أهوجس وياتيني بلاي ~



~ السكات يزود طعوني طعون ..
.. وتنكسر لا جا على راسي عصايئ ~



~ سولفوا لو ما بغيتوا اتسولفون ..
.. قبل لا اقعد في الحزن رايح وجاي ~



~ واضحكوا لو بالعماله تضحكون ..
.. وجاملوني لو يضايقكم حكاي ~



~ لي وليفٍ راح جعله ما يهون ..
.. هو دواي وداي أو داي ودواي ~



~ راح لكن طيف زوله في العيون ..
.. مرةٍ قدامي ومرة وراي ~



~ وإن سكتوا جا وهو طيفه يمون ..
.. رحت أهوجس له وأبين له ولاي ~



~ مكسب عيوني من الفرقا مزووون ..
.. تمطر لطاريه .. والبرق ؟ أصدقاي ~



~ كل ما طروه لو هم يمزحون ..
.. احرموني من غداي ومن عشاي ~



~أدري إنه ما تناسى الود كون ..
.. تسمع إذنه في قفاي اللسن عداي ~



~ وكانهم قالوا نسيته يكذبون ..
.. وإلا أنا فيه أمتلك نظرة وراي ~



~ كان حبه لي على خبري مصون ..
.. والله ان كني بقدري .. وبغلاي ~



~ ذي بقايا الحب وأطلال الجنون ..
.. والله أعلم في ضميره وش بقاي ~



~ غير طيعوني ولا عاد تسكتون ..
.. ولا والله إن أسمعكم بكاااي ~




وسلامتكم

[ذوق وراسي فوق]

~ واضحكوا لو بالعماله تضحكون ..
.. وجاملوني لو يضايقكم حكاي
......
قصيده رااائعه جدا
لقد وفقت في هذا الطرح

[نسمة روح]

تسلمي ع المرور خيتوو

[الروح]

~ ذي بقايا الحب وأطلال الجنون ..
.. والله أعلم في ضميره وش بقاي ~


روعه صح لســــــآن الشاعر ,, أسلوبه جميل ..
وتسلمين الغلا على روعة الذوق~

ربي يسعدج ^_^

[نسمة روح]

تسلمون ع المرور

نورتوا الصفحة بتواجدكم

[قلب الخابورة]

~ مكسب عيوني من الفرقا مزووون ..

.. تمطر لطاريه .. والبرق ؟ أصدقاي ~





قصيدة جدا رائعه


كعادته متألق و مبدع في قصائدة شاعرنا محمد بن فطيس



تسلميين على الإنتقاء الجميل
شاكرة لج

[نسمة روح]

اشكركم لمروركم
نورتوا وانستوني بمروركم المبهج