برياني ع طريقتي

[ام غالب]

السلام عليكم شحالكم وعساكم ابخير ان شاء الله ...
اليوم قلت بعلمكم طريقه البرياني مالي سهله واايد ومريحه وبعد حلو طعمها طبعا بشهاده ريلي فديته انا
الموهيم
المقادير :دجاجه
باذنجان حبه وحده
فلفل رومي حبه وحده ناس تسميه فلفل بارد
طماطم حبه وحده
بطاطا حبه وحده
بصله وحده كبيره
عيش (رز) حبه العدد يعني عادي لو 4 ل 5 اكواب مش
وبهارات
ملح
الطريقه :
نقطع الدجاج ونغسله اكيد ونفوحه ف ماي لمده 20 دقيقه ونحطه ع جنب
نقطع الباذنجان والطماط والبطاط والبصل ل دوائر
نجيب الجدر (الصفريه ) ونحط زيت شوي ونحط كل المقادير + الدجاج مع البهارات
ونخليه ع جنب
نرجع ل العيش اللي هوه الرز نطبخه عادي ف الماي لكن اهم شي انه ما يستوي يعني مجرد ما يفوح الماي نحط الرز يعني العيش << خخ
ويقلب الماي مره ول مرتين نقوم نصفي الرز من الماي
ونحط الرز فوق الدجاج والخضار اللي قطعناها من قبل
و ع نار خفيفه لمده 20 دقيقه بس لكن لازم نسكر الجدر اقصد الصفريه زين ما زين بورق المنيوم ناس تسميه قصدير


وهني وعافيه انشاء الله وصلت المعلومه اعرف كني خبت بالرمسه لكن ما عليه منكم العذر

[شوق عمان]

تسلميييييين خيتي ع الوصفـــه الغاوويه ~

ربي يعطيج العـافيه ~

[أثير الصمت]

يم يم
والله الطريقه سهله ...
تسلمين حماتي ع الوصفه هع

[ام غالب]

شوق عماان

جربيها ومروج اسعدني

[ام غالب]

اهلين ب حرمه ولدي اثير

انتي بس تعالي البيت بعلمج طبخات

[صمت الليل]

ممممممممه
مشكوره ام غالب
طريقه سهله راح اجربها
تسلمي

[ام غالب]

صمت اسعدني مرورج