اهداء لجميع أعضاء هذا الصرح الشامخ

[{الجرح}]

السلام عليكم ورحمة الله وبركاته


وصبحكم الله ومسيكم بالخير جميعاُ وذي ابيات طرت على أتمنى تنال ولو الشي القليل من أعجابكم







المنتدا اللي ضمنا مثـل الاخـوان




مايستحق انـا نضحـي عشانـه




اليوم شفنـا فيـه زودً ونقصـان




ومهما يجي لاشـك ماقـل شانـه




هذا رحل ولو تنشده قال طفشـان




وهذاك غاب وقـال مالـي مكانـه




وهذا يجي ويروح ماحط عنـوان




مدري متى يصفح ونقـراء بيانـه




والله ماهديتهـا غيـر شفـقـان




ودي يكون النا مع النـاس خانـه




ادري احنا خليجنا لهم فالزمن شان




ولاهم بحاجـة مـدح ولاضمانـه




لاكن نبي نبدي ونثبـت علي شان




من لاعرف تاريخنـا قلـت عانـه




نصوغ مجد اجدادنا فوق سيسـان




ونبثها فـي النـت دامـه زمانـه




ننوع دروسه علـى كـل الألـوان




ونضحك ولاهو عيب لاجاء ميانـه




لاكنها بحدود وبطيـب واحسـان




وكلـن يـداري مايقولـه لسانـه




ومن حل ضيف نعد كرسي وتيجان




يامـر وينهـا كـن هـذا مكانـه




الضيف دايم عندنا عالـي الشـان




مهما حصل ماقـل قـدره وشانـه




تكفون خلونا سوى مثل الأخـوان




وملعون من يسلك دروب اللعانـه


وسلامتكم

[سعيد العامري]

عليكم السلام ورحمة الله وبركاته

اخوي/ الجرح

مساك الله بالخير و السرور ، تسلم و صح لسانك ع ها الابيات الرائعه و انا اناشد كل الاعضاء عالتواصل وان نكون اخوان و الضيف اكيد بيننا له عالي المقام.


لك مني اجمل تحيه

أخيك/سعيد العامري

[ساحر العينين]

تسلم الجرح على الطرح وصح لسانك اخوي ..


شاكر لك

[الروح]

هلا وغلا ,,
صح لســــــــانك يالشاعر ,, وما عليك قصــــــــور ..
وكلامك درر ,, المنتدى يحلى و يكبر دام الكل فيه أخوان ,, وشعارهم فيه الطيب و الإحسان ,,
لاهنت يــــــــــالشاعر ,,
و بإنتظار جديدك ^_^

[عاشقة السلطنة]

فعلا صح لسانك يالشاعر ما عليك زود..واحنه كلنا اخوان

[بلسم الروح]

http://imagecache.te3p.com/imgcache/f8ebde2372d1f6dabe60b14b1e054425.gif
إن شاء الله نبقى أخوة في الله وتشملنا رحمة الله !!
شكرا الجرح على طيب مشاعرك !!
http://imagecache.te3p.com/imgcache/f8ebde2372d1f6dabe60b14b1e054425.gif

[تفاح اخضر]

صح لسانك يا اخي الجرح ،،
بصراحة ماقصرت ،، كلمات جميلة من قلب رائع ،،


تكفون خلونا سوى مثل الأخـوان

مشكور على الابيات الجميلة ،،

بارك الله فيك اخي ،،

[{الجرح}]

اول اشكر اخواني وعلي راسهم اخوي سعيد العامري... واشكر خواتي اللي شرفوا صفحتي وان دل علي طيبهم وتوصلهم معي ومع خواني الاعضاء

[مسكـ سلطآني]

تكفون خلونا سوى مثل الأخـوان

وملعون من يسلك دروب اللعانـه

....

القصيدة بأكملها إبداع ولكن ..عجبتني كثير البيتين اللي فوق ...

[دارين]

يع يع يسلمووو

[حاملة القران]

صح لسانك والله يعطيك العافية

[رنيم]

صح لساانك وع الكلمااات الجميييله
يعطييك العااافيه يسلمووو خيوووو

[نسمة روح]

صح لسانك اخي الكريم
وان شاء الله الغايبين يرجعوا
والضيوف تسجل ان شاء الله
والمنتدى راح يرجع مثل اول واحسن بكثير ان شاء الله


تسلم ع الطرح الموفق اخي