{الجرح}
06-06-10, 05:49 PM
ابيك اليوم تذكرني وتذكر اسمي المجهول=على الجوال كلمني وكلمه منك تكفيني
تراني كلما دقيت الاقي هاتفك مشغول=احاول من كذا مره بدون اسباب يجفيني
ابي منك ولو مره ترد تقول اللي تقول=انا مشتاق لك اكثر واكثر يا نظر عيني
احبك حب دون حدود احبك والفراق يطول=احبك وانت ما تدري بان البعد يكويني
بلا ميعاد لاقيتك وفي ساعة وله وذهول=بدون اسباب حبيتك سوى نظرات تسبيني
انا في يوم اخترتك جنوني صار لي معقول=وقلبي ذاب في حبك واسكنتك شراييني
وقلتي يومها اهواك ومنك كل شي مقبول=نعم قلتي احبك انت عمري واجمل سنيني
كتبتي بالخضاب اسمي قلاده لك وحوله لول=اريدك تذكري هذا وآخر رد تعطيني
على الجوال اسمع رد منك فيه كل حلول=ومهما كان ردك لي اكيد انتي تحبيني
اكيد انك تعزيني وتغلي قولي المعسول=وتطري كل اشعاري ومثل الشعر تطريني
ولو قلتي انا ما باك اكيد القول ما هوقول=وهذا القول منك مزح ما جد يا النيني
تحبي تمزحي لكن مزح الحب له مفعول=يجرح فيني الخفاق يقتلني ويحييني
قلي امزح معك مزحه تراه اهون ومزح يزول=قلي امزح ولو انك نويتي تلعبي فيني
علامك ساكته ردي كفى ورد الخدود ذبول=جبينك بالعرق ندا بحيره لا تخليني
اذا ما قلتي اعذرني ومنك العفو لي مأمول=اقلك ايه يا حلوه نسيتك وانتي انسيني
نسيت الحب والذكرى نسيت العاشق المهبول=وهذه آخر اقوالي وامرك ليس يعنيني
نهاية حب والقصه حزينه بابها مقفول=اغير رقم جوالي نعم والغي عناويني
وقبل اختم وصية موت حب العاشق لبلبول=سمت الصوت منها كان في همسه يناديني
تقلي ايه انا احبك احبك والاصول اصول=احبك وانت ساعدني على قهر الزمن فيني
ولا ترضى على من حب قلبك يخسر المحصول=ترى محصول حبك عطف في حزني يواسيني
وسلامتكم
تراني كلما دقيت الاقي هاتفك مشغول=احاول من كذا مره بدون اسباب يجفيني
ابي منك ولو مره ترد تقول اللي تقول=انا مشتاق لك اكثر واكثر يا نظر عيني
احبك حب دون حدود احبك والفراق يطول=احبك وانت ما تدري بان البعد يكويني
بلا ميعاد لاقيتك وفي ساعة وله وذهول=بدون اسباب حبيتك سوى نظرات تسبيني
انا في يوم اخترتك جنوني صار لي معقول=وقلبي ذاب في حبك واسكنتك شراييني
وقلتي يومها اهواك ومنك كل شي مقبول=نعم قلتي احبك انت عمري واجمل سنيني
كتبتي بالخضاب اسمي قلاده لك وحوله لول=اريدك تذكري هذا وآخر رد تعطيني
على الجوال اسمع رد منك فيه كل حلول=ومهما كان ردك لي اكيد انتي تحبيني
اكيد انك تعزيني وتغلي قولي المعسول=وتطري كل اشعاري ومثل الشعر تطريني
ولو قلتي انا ما باك اكيد القول ما هوقول=وهذا القول منك مزح ما جد يا النيني
تحبي تمزحي لكن مزح الحب له مفعول=يجرح فيني الخفاق يقتلني ويحييني
قلي امزح معك مزحه تراه اهون ومزح يزول=قلي امزح ولو انك نويتي تلعبي فيني
علامك ساكته ردي كفى ورد الخدود ذبول=جبينك بالعرق ندا بحيره لا تخليني
اذا ما قلتي اعذرني ومنك العفو لي مأمول=اقلك ايه يا حلوه نسيتك وانتي انسيني
نسيت الحب والذكرى نسيت العاشق المهبول=وهذه آخر اقوالي وامرك ليس يعنيني
نهاية حب والقصه حزينه بابها مقفول=اغير رقم جوالي نعم والغي عناويني
وقبل اختم وصية موت حب العاشق لبلبول=سمت الصوت منها كان في همسه يناديني
تقلي ايه انا احبك احبك والاصول اصول=احبك وانت ساعدني على قهر الزمن فيني
ولا ترضى على من حب قلبك يخسر المحصول=ترى محصول حبك عطف في حزني يواسيني
وسلامتكم