«®°·.¸.•°°·.¸¸.•°°·.¸.•°®» يوم في حياة عضو «®°·.¸.•°°·.¸¸.•°°·.¸.•°®»

[مس كرستيانو]

مرحبـــــــــــــااا
شحالكم عساكم طيبين اليوم حبيت اطرح لكم فكره وايد عيبتني وانشاء اللهـ
تعيبكم وتتفاعلون وياي
«®°·.¸.•°°·.¸¸.•°°·.¸.•°®» يوم في حياة عضو «®°·.¸.•°°·.¸¸.•°°·.¸.•°®»
موضوع جميل وخفيف وياليت الجميع يشارك فيه ...
سنقوم باستضافة عضو..يحكي لنا عن مسار يومه
منذ ان يصحو صباحاً حتى يحل الليل وينام...
متحدثاً بحريه تامة وبأسلوب..عفوي جداً.وكم جميل لو كان به
بعض المــرح والإنطلاق والتحرر من قيود المواضيع الرتيبه
ثم بعد أن ينتهي يقوم هو شخصياً بأختيار عضو آخر
ليحكي لنا عن تفاصيل يومه وكيف يقضيه...
طبعاً حبذا لوكان التحدث عن يوم عادي وليس يوم إجازه
وذكر التفاصيل ليكون الموضوع ممتع...
طبعا كل عضو نختاره ويتكلم عن نفسه بعد ان ينتهي
يختار هو العضو الذي يليه وهكذا....
وانا اول من سيختار ,,,,,,,,, وراح اختار (( المهـــــا )) يالله نزلي على ساحة
المعركهـ

[الـــمـــهـــا]

هههههههههههههههههه

مالقيتي الا انا!

مااعرف اعبر

اممممممم
بقول اللي سويته من اول ماقعدت من النوم

طول امس كنت راقده لاني تعبانة وايد هالفتره
قعدت الساعه 5ص بتوقيتنا يعني 6 عندكم

قمت طبعا غسلت ويهي وصليت

لقيت خواتي المزعجات قاعدين وسهرانين خبركم اجازه وماكو نوم
قعدت معاهم شوي سولفنا وتهاوشنا كالعاده

بعدها دشيت المنتدى لعبت ومليت لان محد كان معاي

دردشت شوي عالمسن مع شخص عزيز علي خذت اخباره

وبعدها ....

خلوني اشرب ماي ريجي نشف من كثر السوالف

المهم

من نص ساعه تقريبا وديت ملابسي الدوبي وخذت لفه على البحر

ووديت سيارتي مغسله السيارات وانتظرها تخلص علشان اروح اجيبها


نسيت اقولكم بطلع الدوام تقريبا الساعه 1 ونص

وبرجع اكمل لكم شو صار في باقي اليوم

بــرب

[سموإنسانه]

موضوع جمييييل لتوااااصل اروع من الاعضـــــــــــــــاء

يسلمووووا حبوبهـ عالطرح الرآآآئع موو غريبـ ع تميزكـ ^^

[صالح الشريف]

الله يعينك وربي يسعدك ويوفقك

[رفيــــعـــهـ الشــــآآآآن]

سلااام حلوة الفكره

وعااد نتظر اخر شي سوته الاخت مها

[جروح لاتنطفئ]

متابع للموضوع حتى أشعار أخر

[آبتسـآمـه]

فكره حلوه حبوبه ^^

ننتظر اختياار بقية الاعضاء ^^

[العندليب]

موضوع جميل جدا




تحياتي

[جروح لاتنطفئ]

متابعه حتى أشعار اخر

[رفيــــعـــهـ الشــــآآآآن]

؟ ؟ ؟ ؟

ليش الموضووع راكد

؟ ؟ ؟ ؟

[جروح لاتنطفئ]

أنتهت المتابعه للموضوع
نبي عضو يديد

[مس كرستيانو]

تسلمون فديتكم ع المتابعهـ

وانشاء اللهـ راح تختار العضو اليديد

[الـــمـــهـــا]

السموحه منكم نسيت والله من ضغط العمل


اامممم بختار
جاسم الباسم

[جروح لاتنطفئ]

بختار
الريم

[جاسم الباسم]

اممممممممممممم


تسلمين اختي المها ع اختيارك لي ،،،،، الموضوع حلو وخفيف بس تراه زين انه يتحدث عن يوم لا اكثر













يلله ، بسم الله






انا بصراحه كسوووول شوي يعني اقضي ساعات كثيرة بالنوم ،،، وطبعا لان عندي اجازة اليوم




قمت الساعه 11 الصباح ،،، غسلت وجهي ولبست ملابس خفيفة نزلت اسلم ع الاهل ،،، سلمت ع الوالده ورحت المجلس حصلت جدي ( ناصر ) - الله يطول بعمره ان شاء الله - واثنين من خواني ( رايد ورياض ) وهم طلاب بالجامعه - يسولفون جلست معاهم اسولف وبعدها جا وقت الصلاة قمنا رحنا المسجد نصلي ،،،،



بعد الصلاة جا وقت الغدا وانظم معانا ( خالد ) نسيبي زوج اختي العوده تغدينا مع بعض وع سوالف وضحك

بعدها كل واحد راح بغرفته وجلست انا بغرفتي رجعت ارقد ( قلتلكم كسووووول ) هههههه




قمت العصر حصلت عمي جايب هنود معاه مادري شو يبي يسوي ( ع فكرة احنا عيلة كبيرة يعني جدي واعمامي واولادهم كلنا ساكنين في بيتين يجمعهم حوش واحد )



المهم جلسنا بالحوش انا والاهل لان من عادتنا العصر نجلس كلنا بالحوش نسولف وكان الجو اليوم جميل بصراحه وبارد وهبوب خفيفه



والمغرب بعد الصلاة رحت ازور جدتي واسلم عليها وعلى خالاتي وخبروني ان خالي ( محمد ) رجع من استراليا ورحت اسلم عليه واسأله عن الدراسه وعن علومه




وبعدها رجعت البيت وهي جلستي لحد الساعه ،،، مع العلم اني ماحب اطلع كثير من البيت




وسلامتكم














وانا بختار الاستاذه سمو الغلا ،،،،، فلتتفضل مشكوووووووووووووره

[الـــمـــهـــا]

يوووووووووووم سعيد ان شاءالله يالغالي


والله يخليكم لبعض

بس طلعت كسول واااايد

[جروح لاتنطفئ]

ياسلام عليكم ياجاسم
والله حسستني كأني معك
والله يومك رائع
بصراحة والله مأكذب عندك أسلوب جميل بالطرح الشيق
تكفى طلبتك عطنا عن يوم أمس
طلبتك
وتكفى تهز رجال
أخوك

[جاسم الباسم]

يوووووووووووم سعيد ان شاءالله يالغالي
والله يخليكم لبعض
بس طلعت كسول واااايد





آمين يارب وانا اسعد بمرورك

تسلمين اختي المها ع مرورك العطر

ايه والله كسووووووووول هههههه

[جاسم الباسم]

ياسلام عليكم ياجاسم
والله حسستني كأني معك
والله يومك رائع
بصراحة والله مأكذب عندك أسلوب جميل بالطرح الشيق
تكفى طلبتك عطنا عن يوم أمس
طلبتك
وتكفى تهز رجال
أخوك






والله احرجتني بكلامك ياخوي ،،،،

تسلم والله ع الكلام الطيب


خلاص انتظر الاذن من اختي المها اني اكتب ع امس وعشان اتذكر بنفس الوقت ههههههه

[الـــمـــهـــا]

ههههههههههههههههه

بالعكس والله وناااسه

خذ راحتك ويومك حلو

يلا ننتظرك

[جروح لاتنطفئ]

يلا جاسم
ننطرك
لاتتأخر يالغالي
بسرعه أكتب
لأني يوعان
حاظر والباطن خالي
هههههه

[جاسم الباسم]

انتي بعد الله يهديك لو تقوولي لا ما يصير كل واحد له يوم واحد يوصفه

يعني لازم اتدبس هههههه




المهم







امس كانت الاحد صح




يلله ، بسم الله










قمت من النوم ساعه 5:15 طبعا وقت الدوام اطلع بدري عشان اتفادى الزحمة ومسقط وااااااااااايد زحمة مهما رحت ومهما تحاول تختصر راح تحصل الشارع واقف قدامك



المهم قمت خذيت دش وقمت اصلي الفجر ،،، وبعدها رحت الصاله واحصل الوالده كالعاده موجوده ما شاء الله عليها تقوم من الفجر تصلي يعني عادتها تقوم الساعه 4 تصلي وبعدها تجلس بالصالة تسبح ،،،، المهم رحت وبست راسها واتطمنت عليها ودخلت المطبخ شربت حليب ورجعت الغرفه ،،،،

تجهزت ولبست دشداشتي وطلعت شغلت السياره وتحركت ع الدوام ،،،، احلى شي لما تطلع بدري تحصل الشارع مريح ومافي زحمة والجو حلو ،،،،


وصلت الدوام بحمدلله ،،،، دخلت المكتب وشغلت الكمبيوتر وبعدها جلست اقرأ الجريده شوي وانا من عادتي اقرأ الصفحه الاولى والاخيرة والعناوين الرئيسية وبعدها ابدأ شغلي

شغلي بشكل عام متعب شوي ومش روتيني ،،،، المهم بديت شغلي وبديت بأسم الله ،،، ووقت الظهر في وقت بريك الغدا طلعت مع زملائي نتغدى ،،، تغدينا مندي لحم ودجاج باحدى المطاعم اليمينة ،،، وعاد احنا لما نجلس خاصة مع هذي الشلة نسولف كثير ونضحك وما نحسب حسابنا للأكل ،،، ومن كثر ما ضحكنا ما قدرت اقوووم من كثر الاكل وحسيت نفسي بطة ما قادرة تسبح هههههههه ( احلى تشبيه )


المهم رجعنا الدوام وبنصف الطريق حصلنا زحمة بالشارع وسببها اطار شاحنة مبنشر تخيلوا عاد اطار شاحنة يعمل زحمة بالشارع وطبعا كذا شوارعنا زحمة لأتفه الاسباب وعاد اذا في حرمة صايرة عندها مشكله وموقفة سيارتها ع الجنب تحصل الشارع يوقف ،،، الله يهديهم بس


المهم رجعنا للدوام ولشغلنا ،،، ووقت الظهيرة كان هناك اجتماع مع الرئيس التنفيذي طبعا انا ما حضرته كالعاده هههههه دوم اطنش اجتماعاته لان اعرف مو منها فايده كلها كلام في كلام


طلعت من الدوام المغرب تقريبا ،،، وكنت مشتهي عصير ليمون ونعناع فطلبت من المطعم اللي دوم اخذ منه اسمه ( قرنفول ) مطعم زنجباري هو بس بصراحه يعملون عصير الليمون والنعناع بشكل يخليك تطلب زياده منهم مادري شو يسوون فيه اخاف مخدرات ههههههه امزح طبعا



وصلت البيت والحمدلله ،،، وبعدها خذيت دش وصليت العشا


وجلست شوي مع خواني وبعدها ،،،،،،،،، اممممممممممممم رقاااااااااااااااااااااااد





ودمتم سالمين

[جروح لاتنطفئ]

لا جاسم
غلط مو الأحد الثلاتاء ياشيخ

[طبْعـے شيُوخِـے]

http://www.7rkt.at/uploader/uploads/308a2c5bba.jpg


كيفمآ اكوون لآشبهني الآخرون


ههههه حلوو يومك جاسم

وتسلم ع الورطه اللى ورطتني فيها

المهم

حياتي تبدا من الليل!

مدري ليش يمكن عسب الهدووووووء


البارحه كنت سهرانه كنت يالسه ع الفوتشوب وTV شغااال يعني عين عالفوتشوب وعين ع الفيلم هههههه

بعدها قمت شغلت اغنيه قووويه و حطيت السماعات وقمت استعبط جداام المراايه,,

بعدها كلمت وحده من ربيعاتي ليييييين الفجر بعدها قمت صليت ورقدت ليييييييييييييييييييييين الساعه 12 الظهر

بعدها اقوم ايلس مع خواتي وجو العائله نقعد نسوولف ونتهاوش والعب مع اليهال الصغار استعبط عليهم هع هع هع <<<ملللللل

بعدها فترة الظهر ايلس ف غرفتي و,,,,,,,,,,,,,,,على حسب النفسيه يمكن ارجع ارقد او افتح الماسن او اكلم وحده من ربيعاتي

العصر طلعت مع خواتي نتسوق بس ما شتريت شي<<تحفه ما يعجبها شي

بعدها يلست اتصفح النت واكلم ربيعتي

بس


يوم ملل

واختار اللي بعدي

[جاسم الباسم]

اقووووووووول خوي شو رايك

تخبرنا عن يومك اليوم ؟؟؟؟؟؟؟


يلله بانتظارك

[جروح لاتنطفئ]

ياسلام والله أبداع ياجاسم
بس حياتك كله دوام في العمل
الله يعينك
بعدين لاتكثر من المندي
ههههههههههههههه
كان طرشتلي بالبلوتوث
ههههههههههههههههه
موفق جاسم
أِشكرك حبيب قلبي

[جروح لاتنطفئ]

هلا أخوي جاري التفكير
بكلم مدير مكتبي

[جاسم الباسم]

http://www.7rkt.at/uploader/uploads/308a2c5bba.jpg
كيفمآ اكوون لآشبهني الآخرون
ههههه حلوو يومك جاسم
وتسلم ع الورطه اللى ورطتني فيها
المهم
حياتي تبدا من الليل!
مدري ليش يمكن عسب الهدووووووء

البارحه كنت سهرانه كنت يالسه ع الفوتشوب وtv شغااال يعني عين عالفوتشوب وعين ع الفيلم هههههه
بعدها قمت شغلت اغنيه قووويه و حطيت السماعات وقمت استعبط جداام المراايه,,
بعدها كلمت وحده من ربيعاتي ليييييين الفجر بعدها قمت صليت ورقدت ليييييييييييييييييييييين الساعه 12 الظهر
بعدها اقوم ايلس مع خواتي وجو العائله نقعد نسوولف ونتهاوش والعب مع اليهال الصغار استعبط عليهم هع هع هع <<<ملللللل
بعدها فترة الظهر ايلس ف غرفتي و,,,,,,,,,,,,,,,على حسب النفسيه يمكن ارجع ارقد او افتح الماسن او اكلم وحده من ربيعاتي
العصر طلعت مع خواتي نتسوق بس ما شتريت شي<<تحفه ما يعجبها شي
بعدها يلست اتصفح النت واكلم ربيعتي
بس
يوم ملل
واختار اللي بعدي










اممممممممم يومك حلو اختي ،،،،، عاد كذا ممل برايك !!!؟


بس احلى شي لما الواحد يجلس ع المرااااااايه ويبدا العبط منه وفيه ههههه ،،،،،


ربي يحفظك ويخليك لاهلك


تسلــــــــــــــــمين والله

[جاسم الباسم]

ياسلام والله أبداع ياجاسم
بس حياتك كله دوام في العمل
الله يعينك
بعدين لاتكثر من المندي
ههههههههههههههه
كان طرشتلي بالبلوتوث
ههههههههههههههههه
موفق جاسم
أِشكرك حبيب قلبي





هههههههه اخاف يبدأ يتجشأ جهازك من المندي قبل لا يوصل لك هههههه


تسلم يالطيب ع مرورك ودوامي متعب شوي بس ممتع بنفس الوقت والحمدلله


يلله عاد كلم مدير مكتبك ولا تتغلى علينا زياده

[الـــمـــهـــا]

يوم خفيف سمووو


يلا حسن بانتظار يومك

[طبْعـے شيُوخِـے]

انتي بعد الله يهديك لو تقوولي لا ما يصير كل واحد له يوم واحد يوصفه
يعني لازم اتدبس هههههه
المهم
امس كانت الاحد صح
يلله ، بسم الله
قمت من النوم ساعه 5:15 طبعا وقت الدوام اطلع بدري عشان اتفادى الزحمة ومسقط وااااااااااايد زحمة مهما رحت ومهما تحاول تختصر راح تحصل الشارع واقف قدامك
المهم قمت خذيت دش وقمت اصلي الفجر ،،، وبعدها رحت الصاله واحصل الوالده كالعاده موجوده ما شاء الله عليها تقوم من الفجر تصلي يعني عادتها تقوم الساعه 4 تصلي وبعدها تجلس بالصالة تسبح ،،،، المهم رحت وبست راسها واتطمنت عليها ودخلت المطبخ شربت حليب ورجعت الغرفه ،،،،
تجهزت ولبست دشداشتي وطلعت شغلت السياره وتحركت ع الدوام ،،،، احلى شي لما تطلع بدري تحصل الشارع مريح ومافي زحمة والجو حلو ،،،،
وصلت الدوام بحمدلله ،،،، دخلت المكتب وشغلت الكمبيوتر وبعدها جلست اقرأ الجريده شوي وانا من عادتي اقرأ الصفحه الاولى والاخيرة والعناوين الرئيسية وبعدها ابدأ شغلي
شغلي بشكل عام متعب شوي ومش روتيني ،،،، المهم بديت شغلي وبديت بأسم الله ،،، ووقت الظهر في وقت بريك الغدا طلعت مع زملائي نتغدى ،،، تغدينا مندي لحم ودجاج باحدى المطاعم اليمينة ،،، وعاد احنا لما نجلس خاصة مع هذي الشلة نسولف كثير ونضحك وما نحسب حسابنا للأكل ،،، ومن كثر ما ضحكنا ما قدرت اقوووم من كثر الاكل وحسيت نفسي بطة ما قادرة تسبح هههههههه ( احلى تشبيه )
المهم رجعنا الدوام وبنصف الطريق حصلنا زحمة بالشارع وسببها اطار شاحنة مبنشر تخيلوا عاد اطار شاحنة يعمل زحمة بالشارع وطبعا كذا شوارعنا زحمة لأتفه الاسباب وعاد اذا في حرمة صايرة عندها مشكله وموقفة سيارتها ع الجنب تحصل الشارع يوقف ،،، الله يهديهم بس
المهم رجعنا للدوام ولشغلنا ،،، ووقت الظهيرة كان هناك اجتماع مع الرئيس التنفيذي طبعا انا ما حضرته كالعاده هههههه دوم اطنش اجتماعاته لان اعرف مو منها فايده كلها كلام في كلام
طلعت من الدوام المغرب تقريبا ،،، وكنت مشتهي عصير ليمون ونعناع فطلبت من المطعم اللي دوم اخذ منه اسمه ( قرنفول ) مطعم زنجباري هو بس بصراحه يعملون عصير الليمون والنعناع بشكل يخليك تطلب زياده منهم مادري شو يسوون فيه اخاف مخدرات ههههههه امزح طبعا
وصلت البيت والحمدلله ،،، وبعدها خذيت دش وصليت العشا
وجلست شوي مع خواني وبعدها ،،،،،،،،، اممممممممممممم رقاااااااااااااااااااااااد
ودمتم سالمين

ربي يوفقك ان شالله

عشت الجو وانا قرا يومك:icons_th1 (7):

احلى تشبيه البطه:icons_th1 (6):

وكل الشكر لصاحبة الموضوع لانو ممتع كثير:icons_uu1 (10):

[طبْعـے شيُوخِـے]

اممممممممم يومك حلو اختي ،،،،، عاد كذا ممل برايك !!!؟
بس احلى شي لما الواحد يجلس ع المرااااااايه ويبدا العبط منه وفيه ههههه ،،،،،
ربي يحفظك ويخليك لاهلك
تسلــــــــــــــــمين والله

الله يسمك

هييه ممل

والله ودي بطايره خاصه حقي مخصوصه:icons_uu1 (10):

وتذاكرشغااله ما توووقف يما جنيف ولا اسبانيا ولا نيويورك <<يالبييه الطاري بس:icons_th1 (6):


ولا بعد الفلوووس تتناثر ف كل خطوه اخطيهااا<<<عاااش مليونيره:icons_th1 (7):

اصلا اللي يصبرنا ع العيشه هو الامل وونتامل ان يكون يوم غد مشرق يوم تنبض فيه الحياه والسعااده:icons_th1 (16):

[جاسم الباسم]

يو يو يو يو يو


امممممممم وديني جنيف معاك يالغلا


بس طايرة خاصة مشكله وين توقفينها بعدين ،،،،، وبعدين غربان حارتكم مسوييين مشكله هههههه


تسلمين اختي بس مهما كان الملل انتي بنفسك تطيرينه مو الاشياء الخارجيه هي اللي تبعد عنك الملل


بس فعلا يومك جميل وعسى دوم ايامك سعيده

[جروح لاتنطفئ]

مرحب
يومي على النحو التالي .
ظليت سهران من أمس الى الساعه 11الصبح على النت .
بعدين رحت نمت الى الساعه 4 بعده جلست قمت غسلت وجهي وصلينا
ونشوف الاهل جلست رحت أدور لي (غداء في المطبخ )
المهم ماتغديت أكلت لي (شيبس )
بعد هيك رجعت على النت الى أين المغرب
بعده قمنا صلينا
طلعت مشوار رحت محل النظارات ( نشتري عدسات طبية حق الأهل ) بس للأسف ماشي عدسات قهرني صاحب المحل . ههههههه قالي بعد 5أو4أيام
بعد هيك مشينا رجعت البيت .
أول مارجعت شغلت النت .
ضليت جالس عليه فتره
بعدين رحت أدورلي عشاء في المطبخ ( قلت أكل لي شيبس وبسكويت وكولا أسرع ) .
بعد هيك جاني ولد أخوي أذيه كله يبي يلعب وياي
عمره يمكن 4أو5سنوات .
وكله ينكت أحيانا . ضليت العب وياه بعدين من الزهق ( ظربته ) (موشرير أنا )
بعد هيك رحت الى my motherأسولف معه
بعد هيك أجنن أبن أختي ههههه العب معه أو أبكيه (يمكن عمره سنه أو أقل )
بعد هيك أتصلت على واحد صديقي لكن للأسف لم يرد .
بعد هيك رجعت على النت أشوف بريدي الألكتروني .
كله رسايل بايخه .
على طول deletبعد هيك رجعت على النت .
أشوف الرسائل الخاصة في رمسات عمانية
ولكن حظي زفت
ماحد يطرشلي رسايل خاصة .
بعدين تفاجأت بالسبد جاسم والأنسة المها
أن أسرد قصة حياتي لهذ اليوم .
فوقفت حيران ماذا كتب وماذا أخط .
_________________________________________________
وسلامتكم

[طبْعـے شيُوخِـے]

يو يو يو يو يو
امممممممم وديني جنيف معاك يالغلا
بس طايرة خاصة مشكله وين توقفينها بعدين ،،،،، وبعدين غربان حارتكم مسوييين مشكله هههههه
تسلمين اختي بس مهما كان الملل انتي بنفسك تطيرينه مو الاشياء الخارجيه هي اللي تبعد عنك الملل
بس فعلا يومك جميل وعسى دوم ايامك سعيده

ههههههههه
كلامك واايد حلوو جاسم
ومثل ماقلت انت مهما كان الملل انتي بنفسك تطيرينه مو الاشياء الخارجيه هي
كلامك طيب اللي تبعد عنك الملل

بحفظ الرحمن اخوي

[جاسم الباسم]

مرحب
يومي على النحو التالي .
ظليت سهران من أمس الى الساعه 11الصبح على النت .
بعدين رحت نمت الى الساعه 4 بعده جلست قمت غسلت وجهي وصلينا
ونشوف الاهل جلست رحت أدور لي (غداء في المطبخ )
المهم ماتغديت أكلت لي (شيبس )
بعد هيك رجعت على النت الى أين المغرب
بعده قمنا صلينا
طلعت مشوار رحت محل النظارات ( نشتري عدسات طبية حق الأهل ) بس للأسف ماشي عدسات قهرني صاحب المحل . ههههههه قالي بعد 5أو4أيام
بعد هيك مشينا رجعت البيت .
أول مارجعت شغلت النت .
ضليت جالس عليه فتره
بعدين رحت أدورلي عشاء في المطبخ ( قلت أكل لي شيبس وبسكويت وكولا أسرع ) .
بعد هيك جاني ولد أخوي أذيه كله يبي يلعب وياي
عمره يمكن 4أو5سنوات .
وكله ينكت أحيانا . ضليت العب وياه بعدين من الزهق ( ظربته ) (موشرير أنا )
بعد هيك رحت الى my motherأسولف معه
بعد هيك أجنن أبن أختي ههههه العب معه أو أبكيه (يمكن عمره سنه أو أقل )
بعد هيك أتصلت على واحد صديقي لكن للأسف لم يرد .
بعد هيك رجعت على النت أشوف بريدي الألكتروني .
كله رسايل بايخه .
على طول deletبعد هيك رجعت على النت .
أشوف الرسائل الخاصة في رمسات عمانية
ولكن حظي زفت
ماحد يطرشلي رسايل خاصة .
بعدين تفاجأت بالسبد جاسم والأنسة المها
أن أسرد قصة حياتي لهذ اليوم .
فوقفت حيران ماذا كتب وماذا أخط .
_________________________________________________
وسلامتكم








ما شاء الله عليك ياخوي وايد تجلس ع النت ترهق نفسك ،،،،، وفوق هذا الغدا شيبس والعشاء شيبس :icons_wky3 (9):



حشا عدسات طبية بعد 5 ايام !!!! :icons_enm01 (7):
ومسكين ولد اخوك يبي يونسك وانت ضربته ههههههه :icons_th1 (7):


الله يوفقك يالطيب والله يخلي لك الوالده ويطول بعمرها يارب




يوم جميل وعسى ربي يحلي ايامك دووووم يارب وما تضرب عيا اخوانك ههههههه

[جروح لاتنطفئ]

ما شاء الله عليك ياخوي وايد تجلس ع النت ترهق نفسك ،،،،، وفوق هذا الغدا شيبس والعشاء شيبس :icons_wky3 (9):
حشا عدسات طبية بعد 5 ايام !!!! :icons_enm01 (7):
ومسكين ولد اخوك يبي يونسك وانت ضربته ههههههه :icons_th1 (7):
الله يوفقك يالطيب والله يخلي لك الوالده ويطول بعمرها يارب
يوم جميل وعسى ربي يحلي ايامك دووووم يارب وما تضرب عيا اخوانك ههههههه
_______________________________________
هلا جاسم
تسلملي حبيب قلبي
العدسات الطبية جق الأهل
وحياتي أغلبه شيبس
ونت
ربي يخليك لي

[الـــمـــهـــا]

ياااارب دوم يومك حلو وخفيف اخوي حسن

والله يرزقك بعيالك وتزهقهم مثل ماتبي وتترك هالمساكين

[جروح لاتنطفئ]

ياااارب دوم يومك حلو وخفيف اخوي حسن
والله يرزقك بعيالك وتزهقهم مثل ماتبي وتترك هالمساكين
___________________________________________
شكر المها
وأنتم كذلك
أحب أجنن هالأطفال
كله يتعلقون فيني
عيال أخوي وعيال خواتي
أذيه , كانه ماعدهم الا أنه
__________________________

هههه
ثنكس

[جروح لاتنطفئ]

مرحب
نرشح
سعيد العامري
يله ياسعيد ننتظرك
لاتتأخر

[رفيــــعـــهـ الشــــآآآآن]

حلوووووووووووووووو يووومك جرووح بس لا تعذب الصغاريه حراااااااااااام

[مس كرستيانو]

تسلمون على تفاعلكم فالموضوع

ماشاء اللهـ عليكم خخ

ونتريااا اخونا سعيد

[جروح لاتنطفئ]

سعيد كله مشغول
أنا كلمته وقالي مشغول
أخارو عضو جديد