ماونتن ديو
17-12-07, 12:45 PM
بسم الله
اذا مسكت شارع بوشر .. يجيك مخرج 6 تطلع على الشمال وتدخل مع شارع يفصل حي البطحاء يمينك وعلى شمالك حي العين .. كل هذا المناطق وهذي الشوارع وهذي الدائري كانت خالية عام 1999.. واي عزوبي تضيق به الوسيعه ما تستقبله الا هذي المنطقه .. كنت اسيّر ايامها بعد كل فتره على واحد من الربع هناك الآن طبيب ما شاء الله وعزم علي ياخي ايش في هذا العالم اذا توظفوا يكرهوا اصدقائهم ايام الصياعة وكنت اشوف شقته آه يا زين الاستقلال والحريه والفوضى المقننه >>> يا ويلي من ايام شيخة:biggrin: .. وكل شي يجيك بالتلفون من مقاهي الاتراك .. مره يوم جا يطلب يخيرني بين عش البلبل او فطاير زعتر قلت له نوّع ما عشان التنويع بس مواشلني عش البلبل هذا ما اعرف ايش يطلع ؟ ودش وتلفزيون وتلفون ثابت الكبير ذاك ابو سماعه اللي تحط مسج اذا مالقيت الرجال والذي غالباً ما يستخدم لأغراض غير شرعيه :tongue: .. كنت دايم اذا جيته اريد نروح ونرجع عشان بس نستعرض اصوات المتصلين ..يلعن ام الحب والعيشه والمرتبه .. وهناك انترنت وفله .. وهذي قهوه وشاهي وتمر خلاص خ آه وين اودي نفسي في زحمة هذا الترف :cool:.. وهناك بنطلون جنز وشنطه منتثره صور وافلام فيديو .. يا حظه معه جواز يروح ويجي على كيفه وانا وراي اختبارات وما معي حتى حق ملخص كيف عاد سفريه .. وهذا شاحن هناك يشحن جواله .. وانا معي بيجر ومحد يدق عليه لأنه مقسم ..يلعن ام حياة الضيق اللي اعيشها .. انا الغريب واللي مدهشني هو ما اعرف كيف سلم مني وتخرج طبيب هههه :biggrin: .. تخيّل مع هذي العيشه وفلة الحجاج الواحد يطلع آخر الليل للسكن ممنوع التدخين والأكل والشرب والترفيه .. فقط تجي تقفل على نفسك وتعيش الضيم من اضيق ابوابه وقدامك كتاب غاص بالأبواب وبطانيه ريحتها غاويه . اقرأ واستلقي على ظهرك من قريّب
كان هذا آخر ترم عندي .. اريد اخلص واعيش كذا .. اريد اطلب عش البلبل واستبدل البيجر بجوال :biggrin: !
انتهى بالفعل الترم .. قضت الدراسه .. ودخلت مرحلة الوظيفه .. والسكن يقولوا لم عفشك .. الله واكبر يا هذا العفش كومة جرايد وبطانية مخيسه .. حذفتها كلها عند مسجد للمساكين :tongue:.. وابيع البيجر والله و جاب قيمه واشتريلك جوال نوكيا حتى ضيعت اسمه الحين بس هو يجيك على شكل رِجل خروف ويوم جيت ادور سكن الاستقلال والفله اقترح علي صديقي الطبيب آخذ شقته رقم 9 لأنه اصلا متخرج وبيتعين في صحار وقال غيّر الاثاث اذا تريد انا ما فيه شي يحملني آخذه معي .. وكأن كل واحد فينا دخل مرحله اخرى ارقى من اللي قبلها .. قلت حتى التلفون الكبير هذا ما تريده قال حلال عليك .. يومني تشقق فرحة داخليه مكتومه ما اريد ابينها عشان لا يشل التلفون معه :tongue:.
وينزل ذيك الايام الهيوماكس الدش الرقمي .. ويش هذا الجنان .. دش تمشي على قنواته من العصر للمغرب ماتخلصه .. والله كنت اوقت الساعه الخميس من صباح الله خير وعلى الريموت وما افكه الا العصر .. والتلفون الكبير ذاك جنبي الناس تدقدق ما ارد واسمعهم يسجلون مسجاتهم واقول يا صبر الارض .. وفطوري وغداي وعشاي كلها عش البلبل مافيه تغيير ابد .. وعلى هالمنوال حتى كان وقتها ربيع والناس تبيني اطلع وانا مفلي في عش البلبل فاضي انا برياني ومكابيس :mad: .. كانت شقة رقم 9 بحر من الأنس والعربده المقننه >>> ثاني يا ماونتن .. وصارت مرتع من لا مرتع له .. وزبالة من لا زبالة له .. حتى اذكر واحد من الربع اشترى له فراش وجلس عندي فتره مع العلم ان اهله في الغبرة بس ما الومه .. الفعاليات التي كانت تنضمها شقة رقم 9 كانت مغريه لدرجة التنكر للأهل والأصحاب وزاد الطين بله يوم اشتركنا في اوربت :biggrin:.. سوبر موفيز اللي ماكنا نشوفه الا في مقاهي ابو هيثم .. وافلام عربي لا يسمح بمشاهدة من هم دون الثامنة عشر .. والله كان واحد من العيال حول هذا العمر بس كنا نتغاضى عن هذا البند بدعوى الصداقه والعشره ولا زال التلفون الكبير يرن وما ارد .. اتسمع على الاصوات واتحمد الله
عش البلبل ما صرت اداني شوفه .. اوربت بدت برامجها تتراخى وتنعاد .. التلفون الكبير قام يح لالشريط .. اخترب .. واصواتهم ذبلت مع العلم اني ما كنت ارد عليه
البلوت كرهته وتركته وسويت مباراة اعتزال اخيره ومع ذلك خسرت .. اول مره اشوف واحد ينصك في مباراة اعتزاله صكه محترمه .. والله كنت امشي مع ناس ماتستحي .. الزواج قرّب .. يا حلاة الزواج اشباع للرغبات وللذات .. تاكل نظيف وتغسل ملابسك نظيف بدل ما تخلط مع بناطيل العمّال .. تنام وتصحى بشكل منظّم .. هناك من يسأل عنك ويهتم لك .. ما كذاك مفلوت بلا هويه محد يعرف عنك .. قرب الزواج قرب .. آه متى اطوي هالملف متى !
واحد من اخواني نزل قرار تعيينه في مسقط .. اصغر مني .. يوم قلت له خذ شقتي كان ما مصدق .. معقوله كل هذا العالم بيكون ملكي .. قلت توكل على الله يا رجال والله يوفقك .. وتراني ما اريد شي من الشقه حتى التلفون الكبير الخربان ذا صلحه تراك بتستانس عليه بشرط انك ما ترد عليه
تزوجت وصرت ادقدق على الشباب احيانا اكون ملان واريد ازورهم .. بس ما كان يرد مرات .. حتى التلفون الكبير صرت ادق عليه مع العلم اني اعرف انه ما بيرد بس قلت احتمال .. واحط تسجيل صوتي انا ماونتن اتمنى الاتصال بي .. شكل الملعون يتسمع ويضحك
الحي الفاضي الآن يغص بالبشر والخليقه ومحلات الفطائر وعش البلبل على قفى من يشيل .. لازم اخذ عليه لفه كل بعد حين واردد قول الشاعر :
يا دار وين احبابك اليوم يا دار .. يا دار وين الحب وين المحبين
يا دار كيف اتبدلت جنتك نار .. واتغيرت الاحوال حين بعد حين
لازم بعد ما تنهي ترديد هالبيت تقول في نفسك عاش تركي مروّس
ختاماً
الحياه مراحل .. والانسان بطبعه ملول .. عن نفسي كل ما شفت نفسي طفشان قلت يالله لك الحمد والشكر على نعمة الصحة والعافيه .. لأني لو ما متعافي ما صرت طفشان:biggrin: .. لذلك الواحد عليه ما يتذمر من الطفش واجد لأنه في نعمه عظيمه .. يشدني الحنين الى مراحل كنت اشوفها مؤلمه مثل مرحلة الدراسه .. آه ما الذها الآن وما انقاها .. في رأيي الشخصي ان الانسان لا بد ان يعتز بكل مرحله مهما كانت قاسيه .. والخطأ الكبير مقولة ( الله يقطع ذيك الايام ) .. ياخي حتى شرعاً ما يجوز.. خصوصا اذا كانت تلك الايام هي مرحلة بناء ذاتي لك ولمستقبلك .
اذا مسكت شارع بوشر .. يجيك مخرج 6 تطلع على الشمال وتدخل مع شارع يفصل حي البطحاء يمينك وعلى شمالك حي العين .. كل هذا المناطق وهذي الشوارع وهذي الدائري كانت خالية عام 1999.. واي عزوبي تضيق به الوسيعه ما تستقبله الا هذي المنطقه .. كنت اسيّر ايامها بعد كل فتره على واحد من الربع هناك الآن طبيب ما شاء الله وعزم علي ياخي ايش في هذا العالم اذا توظفوا يكرهوا اصدقائهم ايام الصياعة وكنت اشوف شقته آه يا زين الاستقلال والحريه والفوضى المقننه >>> يا ويلي من ايام شيخة:biggrin: .. وكل شي يجيك بالتلفون من مقاهي الاتراك .. مره يوم جا يطلب يخيرني بين عش البلبل او فطاير زعتر قلت له نوّع ما عشان التنويع بس مواشلني عش البلبل هذا ما اعرف ايش يطلع ؟ ودش وتلفزيون وتلفون ثابت الكبير ذاك ابو سماعه اللي تحط مسج اذا مالقيت الرجال والذي غالباً ما يستخدم لأغراض غير شرعيه :tongue: .. كنت دايم اذا جيته اريد نروح ونرجع عشان بس نستعرض اصوات المتصلين ..يلعن ام الحب والعيشه والمرتبه .. وهناك انترنت وفله .. وهذي قهوه وشاهي وتمر خلاص خ آه وين اودي نفسي في زحمة هذا الترف :cool:.. وهناك بنطلون جنز وشنطه منتثره صور وافلام فيديو .. يا حظه معه جواز يروح ويجي على كيفه وانا وراي اختبارات وما معي حتى حق ملخص كيف عاد سفريه .. وهذا شاحن هناك يشحن جواله .. وانا معي بيجر ومحد يدق عليه لأنه مقسم ..يلعن ام حياة الضيق اللي اعيشها .. انا الغريب واللي مدهشني هو ما اعرف كيف سلم مني وتخرج طبيب هههه :biggrin: .. تخيّل مع هذي العيشه وفلة الحجاج الواحد يطلع آخر الليل للسكن ممنوع التدخين والأكل والشرب والترفيه .. فقط تجي تقفل على نفسك وتعيش الضيم من اضيق ابوابه وقدامك كتاب غاص بالأبواب وبطانيه ريحتها غاويه . اقرأ واستلقي على ظهرك من قريّب
كان هذا آخر ترم عندي .. اريد اخلص واعيش كذا .. اريد اطلب عش البلبل واستبدل البيجر بجوال :biggrin: !
انتهى بالفعل الترم .. قضت الدراسه .. ودخلت مرحلة الوظيفه .. والسكن يقولوا لم عفشك .. الله واكبر يا هذا العفش كومة جرايد وبطانية مخيسه .. حذفتها كلها عند مسجد للمساكين :tongue:.. وابيع البيجر والله و جاب قيمه واشتريلك جوال نوكيا حتى ضيعت اسمه الحين بس هو يجيك على شكل رِجل خروف ويوم جيت ادور سكن الاستقلال والفله اقترح علي صديقي الطبيب آخذ شقته رقم 9 لأنه اصلا متخرج وبيتعين في صحار وقال غيّر الاثاث اذا تريد انا ما فيه شي يحملني آخذه معي .. وكأن كل واحد فينا دخل مرحله اخرى ارقى من اللي قبلها .. قلت حتى التلفون الكبير هذا ما تريده قال حلال عليك .. يومني تشقق فرحة داخليه مكتومه ما اريد ابينها عشان لا يشل التلفون معه :tongue:.
وينزل ذيك الايام الهيوماكس الدش الرقمي .. ويش هذا الجنان .. دش تمشي على قنواته من العصر للمغرب ماتخلصه .. والله كنت اوقت الساعه الخميس من صباح الله خير وعلى الريموت وما افكه الا العصر .. والتلفون الكبير ذاك جنبي الناس تدقدق ما ارد واسمعهم يسجلون مسجاتهم واقول يا صبر الارض .. وفطوري وغداي وعشاي كلها عش البلبل مافيه تغيير ابد .. وعلى هالمنوال حتى كان وقتها ربيع والناس تبيني اطلع وانا مفلي في عش البلبل فاضي انا برياني ومكابيس :mad: .. كانت شقة رقم 9 بحر من الأنس والعربده المقننه >>> ثاني يا ماونتن .. وصارت مرتع من لا مرتع له .. وزبالة من لا زبالة له .. حتى اذكر واحد من الربع اشترى له فراش وجلس عندي فتره مع العلم ان اهله في الغبرة بس ما الومه .. الفعاليات التي كانت تنضمها شقة رقم 9 كانت مغريه لدرجة التنكر للأهل والأصحاب وزاد الطين بله يوم اشتركنا في اوربت :biggrin:.. سوبر موفيز اللي ماكنا نشوفه الا في مقاهي ابو هيثم .. وافلام عربي لا يسمح بمشاهدة من هم دون الثامنة عشر .. والله كان واحد من العيال حول هذا العمر بس كنا نتغاضى عن هذا البند بدعوى الصداقه والعشره ولا زال التلفون الكبير يرن وما ارد .. اتسمع على الاصوات واتحمد الله
عش البلبل ما صرت اداني شوفه .. اوربت بدت برامجها تتراخى وتنعاد .. التلفون الكبير قام يح لالشريط .. اخترب .. واصواتهم ذبلت مع العلم اني ما كنت ارد عليه
البلوت كرهته وتركته وسويت مباراة اعتزال اخيره ومع ذلك خسرت .. اول مره اشوف واحد ينصك في مباراة اعتزاله صكه محترمه .. والله كنت امشي مع ناس ماتستحي .. الزواج قرّب .. يا حلاة الزواج اشباع للرغبات وللذات .. تاكل نظيف وتغسل ملابسك نظيف بدل ما تخلط مع بناطيل العمّال .. تنام وتصحى بشكل منظّم .. هناك من يسأل عنك ويهتم لك .. ما كذاك مفلوت بلا هويه محد يعرف عنك .. قرب الزواج قرب .. آه متى اطوي هالملف متى !
واحد من اخواني نزل قرار تعيينه في مسقط .. اصغر مني .. يوم قلت له خذ شقتي كان ما مصدق .. معقوله كل هذا العالم بيكون ملكي .. قلت توكل على الله يا رجال والله يوفقك .. وتراني ما اريد شي من الشقه حتى التلفون الكبير الخربان ذا صلحه تراك بتستانس عليه بشرط انك ما ترد عليه
تزوجت وصرت ادقدق على الشباب احيانا اكون ملان واريد ازورهم .. بس ما كان يرد مرات .. حتى التلفون الكبير صرت ادق عليه مع العلم اني اعرف انه ما بيرد بس قلت احتمال .. واحط تسجيل صوتي انا ماونتن اتمنى الاتصال بي .. شكل الملعون يتسمع ويضحك
الحي الفاضي الآن يغص بالبشر والخليقه ومحلات الفطائر وعش البلبل على قفى من يشيل .. لازم اخذ عليه لفه كل بعد حين واردد قول الشاعر :
يا دار وين احبابك اليوم يا دار .. يا دار وين الحب وين المحبين
يا دار كيف اتبدلت جنتك نار .. واتغيرت الاحوال حين بعد حين
لازم بعد ما تنهي ترديد هالبيت تقول في نفسك عاش تركي مروّس
ختاماً
الحياه مراحل .. والانسان بطبعه ملول .. عن نفسي كل ما شفت نفسي طفشان قلت يالله لك الحمد والشكر على نعمة الصحة والعافيه .. لأني لو ما متعافي ما صرت طفشان:biggrin: .. لذلك الواحد عليه ما يتذمر من الطفش واجد لأنه في نعمه عظيمه .. يشدني الحنين الى مراحل كنت اشوفها مؤلمه مثل مرحلة الدراسه .. آه ما الذها الآن وما انقاها .. في رأيي الشخصي ان الانسان لا بد ان يعتز بكل مرحله مهما كانت قاسيه .. والخطأ الكبير مقولة ( الله يقطع ذيك الايام ) .. ياخي حتى شرعاً ما يجوز.. خصوصا اذا كانت تلك الايام هي مرحلة بناء ذاتي لك ولمستقبلك .