المساعد الشخصي الرقمي

مشاهدة النسخة كاملة : يـــــوم فــــــي حياة عضـــــو



مجنون تايه
10-10-07, 08:33 PM
][®][^][®][يـــــوم فــــــي حياة عضـــــو][®][^][®][



موضوع جميل وخفيف وياليت الجميع يشارك فيه
سنقوم باستضافة عضو..يحكي لنا عن مسار يومه
منذ ان يصحو صباحاً حتى يحل الليل وينام...

متحدثاً بحريه تامة وبأسلوب..عفوي جداً.وكم جميل لو كان به
بعض المــرح والإنطلاق والتحرر من قيود المواضيع الرتيبه
ثم بعد أن ينتهي أقوم أنا شخصياً بأختيار عضو آخر
ليحكي لنا عن تفاصيل يومه وكيف يقضيه...

طبعاً حبذا لوكان التحدث عن يوم عادي وليس يوم إجازه
وذكر التفاصيل ليكون الموضوع ممتع
طبعا كل عضو أختاره ويتكلم عن نفسه بعد ان ينتهي
يختار عضو يليه وهكذا....



ونبدأ على بركة الله وأختار أولاٌ

شوق الغرام أو الريم

وحده منهم ..... وبعدين غيرهم

الريــــــم
10-10-07, 08:59 PM
ههههههههههههههههههههههههههههههههههههههههههههههههه

حلوة اللعبه وايد,,,

اول شي اقوم الساعد 6 واول ماأصحى اتصل في رفيجتي عشان تقوم((صايرة مثل الديك منبه حق الناس)) وبعدين اقوم اخلص اموري وأصلي وانطر الباص تقريبا الساعه 7 يوصل عند الباب وبعدين اوصل الكليه ونقعد احنا والربع ضحك وغشمرة لين تبدا المحاظرة تبدا تقريبا من الساعه 8 لين الساعه 10 ونص بعدين ناخذ بريك ربع ساعه((بما أن احنا في رمضان ومافي اكل)) وبعدين تبدا المحاظرة الثانيه لين الساعه 12 ونص وبعدها نروح نتجمع احنا والشله في الكافتيريا وهذا أحسن وقت عندي لأن نقعد نضحك ضحك لين ننفجر وبعدين يجون العاملات ينادونا عشان نركب الباصات ونروح انا وسويرة لأن احنا في نفس الباص وكل وحده من الشله تركب باصها واوصل البيت عالساعه 2 الا ربع تقريبا,,

واول ما أوصل اصلي وانطبز لين الساعه 5 واول مأقوم اصلي واروح تحت اجهز الاكل معاهم
ونفطر مع بعض شوي بعدين نروح نصلي ونرجع نفطر وبعدين لين نترس الكرش كل نقعد نشوف المسلسلات والبرامج وبعدها اطلع غرفتي وافتح اللاب توب وادخل المنتدى ولين اخلص اروح اصلي وبعدين اروح اتكلم بالتلفون مع ربعي او اني اروح السوق او اني اروح بيت خالتي او نطلع مع بنات خالتي نقعد ندور مع الدريول واذا رحت عندهم ماأرجع الا اربع الفجر اصلي وانطبز واليوم الثاني نفس الشي اقوم الساعه 6 وأظل على هالمنوال,,,


عاد ألحين ابي العاصمي يعطينا بالتفصيل المملللللللللللللللللللللللللللللل,,,,

مجنون تايه
10-10-07, 09:04 PM
حلووووو


شكلج سبقتي شواقي .....

ننتظر اللي يجي قبل ويرد

العاصمي أو شوق

صالح الشريف
10-10-07, 09:11 PM
العاصمي .... بس يا ريومه

كنت بشارك

بس خلااااااص بطلت

الريــــــم
10-10-07, 09:16 PM
افاااااااااااااااااااااا لا والله انك على الراس يابو صلووووووووووووووووووووح

بس اموت واعرف هالتمساح شلون يقضي يومه...وبالنهايه انت والعاصمي اخوان يعني مافي فرق من بينكم,,,,


بس والله ماتزعل لأني ماكنت اعرف انك رديت من العمرة لاتزعل ترى كله ولا بوصلووووووووح,,,

ونسيت اقولك تقبل الله منك اخووووووووووووووي,,, وعقبالنا ان شاء الله,,,,,

شُموخيـﮯ يكسرﮒ
10-10-07, 09:47 PM
هلاااا مجنون ........ شحالك يا الدب


ليش اخترتني فالبدايه .... كيفي ما أبا أرد خخخ

اييييه أ؟مزح لا تخبر أمك ... أوكيييه نونو


يلا نبدأ


أختار يوم وأقوله ...... مب لازم رمضان لااااه


أول شي بحط التلفون ع المنبه و يرن وقت صلاة الفجر ...لما أسمع صوته أول مره بسكره ويرن مره غيرها بسكره عاااااد بعدين أقوم يعني استسلم ...

و بقوم أسوي رنات حق كل ربيعاتي عشان يقومون يصلون ( متفقين على هالشي من قبل )

وبعد ما أخلص أصلي أرجع أنام شوي ... وبعدين أقوم بسير أتصفح الكتب شوي .... يعني ما أذكر ترا قلت أتصفح كأني ماسكه مجله خخخ

وبروح أتريق ... وبعد أتسبح و أتزهب حق الكليه ساعه 10 .... طبعاَ شوق عمان هي أول وحده أقابلها و

لما أوصل الكليه توصلني مسجات من ربيعاتي وينج ؟ أنا فالمكتبه / انا عند الاستراحه / انا فالكانتين

تعالي هناك .......

انزين مره أنا شواقه سرنا المكتبه .... يا واحد ماسك جهازه جلس جنب شواقه2 يسألها عن شي يخص الجهاز (( شكله ما عارف كيف يستخدمونه )) يمكن عاد الله أعلم

وهاااي شواقه2 حضرتها ما ردت عليه طنشته ...... بعدين سألني أنا كيف يسون هالشي وخبرته ... وبعدين عصبت على شواقه 2 الدبه .... قلت مب زين لو خبرتيه كيف يسونه !! قالت ما كنت فاهمه قصده .. وطلعنا من المكتبه ......

عاد لما توصل الساعه 12 يبدأ دوامنا ..... طبعاَ دايماَ نتأخر عن الكلاااااس 10 دقايق
وتدش كل الشله الكلااااس ونسلم ع الدكتور بصوت واااحد .... ( المسكين صار له ساعه ينتظرنا )
يرد علينا ويبتسم .... يقول (( come on time ok ))
بنقول أوكي أخر مره ..... زبعد ما تخلص هالمحاضره نسير نصلي الظهر وبعدين نسير نتغدا بالكانتين ... أحياناَ اذا شفنا الكانتين زحمه نطرش أخوي ربيعتي ييب لنا أكل من كنتاتي هههه مجاعه لااااه

وبعدين نفس الشي ننشغل بالأكل والسوالف والتعليقات على خلق الله .... لين ما تطوفنا ربع المحاضره الثانيه (بس مب دايما ) .... ونترك الأكل ونسرع للكلاااااس

أحيانا ندش نلقى الأستاذ مسوي لنا آبسنت ساعه وحده واحن المساكين متأخرين ربع ساعه

بصراااحه تضحكني شواقه 2 مسكينه دووووم أأخرها عن محاضراتها لأنها ما تدرس ويانا فالكلاس بس معانا فالشله ...

عاد هني فالكلااااس الاستاذ يشرح .... ربيعتي تبا تطلع من الكلاس وحضرته ما يخليها تطلع ... تقولي سوي لي رنه عشان لما يسمع الصوت أقوله عندي مكالمه مهمه لازم أرد عليها وبكذا تقدر هالذكيه تطلع من الكلاااااس خخخ ....

اذا عجبنا الدرس نقعد نسمع ونشارك ويااااه ... واذا ما عجبنا.. التماسيح يصرخون بصوت واااحد في ويه الاستاذ (( game over )) خخخخ.......... يعني خلص الوقت نبا نطلع

عاد لما نطلع من الكلااااااس كله ربشه .... لين ما أرجع البيت وأرتاح شوي ... بصلي العصر

وأمشي اليوم بالسوالف والضحك ........ وأذاكر شوي وأصلي العشا بس ما أتعشى و بسير أنام وأنا مرتااااحه ....



خلطت المواقف ويا بعض خخخخخخخ....

شُموخيـﮯ يكسرﮒ
10-10-07, 09:49 PM
اللي بعدي يا صالح الشريف يا العاصمي

اللي ييي قبل يرد

مجنون تايه
11-10-07, 08:13 PM
ههههههههه حلوه مواقفكم

مشاغبات

انتظر الباقي

بـغـداد
12-10-07, 03:52 AM
حلوه الفكره ....

تسلم يا " مجنون تايه "

آبتسـآمـه
15-10-09, 01:30 PM
لوول حلووهـ الفكـره !

بإنتظآر الـعضو الجديد

~

>> مسويه رفع للموضوع خخخ

رفيــــعـــهـ الشــــآآآآن
15-10-09, 03:40 PM
زين تسوي حبوبة بس كنه الموضوع موجود في ملتقى الاعضاء صح ولا انا غلطانة ؟

جروح لاتنطفئ
15-10-09, 04:54 PM
الموضوع كانه مكرر