مقهى رمسات عمانيه ... [الأرشيف] - منتدى رمسات عُمانية

شُموخيـﮯ يكسرﮒ

22-09-06, 06:45 PM

لسلام عليكم ورحمة الله وبركاته

العطر من التحايا يصل قلوبكم قلباً .. قلباً

أفتتح هذا المقهى .. فهل ستكون بدايةً موفقه .. أم لا
المشروبات ليست مجانيه هنا .. بل بمقابل .. والمقابل هو ( حكمه - طرفه - خبر - موضوع للنقاش )

منو بيشرب وياي فنجانه الأول

أنتظركم جميعاً

الفكره منقووووووله

حورالعين

22-09-06, 08:08 PM

هلااااااااااااااااااااااااااااااا فكرة حلوة كثير
تسلمين شوق على النقل الجميل

وانا راح أبدي وياج وأشرب الفنجان
الله ما أطيبه.......

شُموخيـﮯ يكسرﮒ

22-09-06, 08:27 PM

هااااااااااي غناتي

اشحالج ... والله كنت اتريا احد يشرب وياي القهوه الحمد لله ييتي

العاصمي

22-09-06, 10:57 PM

قهوة عمانية ذي . . ولا بس أي كلام . . . . . ممكن أتفضل وياكم . . . تراني بالقهوة أنا ما يحتاج . . . . .

صالح الشريف

23-09-06, 04:41 AM

ممكن شرررررررررررح اوسع للعبه ما ني فاهم

بس القهوه حلوه وايد خصوصا انها من يد شوق الغرام

العاصمي

23-09-06, 08:56 AM

الفكرة أخوي إنك تجيب وحده من هذولا الأفكار إلي طرحتهم أختنا . . ( ( حكمه - طرفه - خبر - موضوع للنقاش ) ) وبالمقابل راح نعطيك مشروب مجاني من إختيارك . . . . . .

وهذه مشاركة بسيطة مني بمناسبة الشهر الفضيل . . . . .

نشيد :
رمضان قد أتى
أنور ومسلم العاصمي

http://www.filelodge.com/files/room11/273633/nasheed/05_anwar_ramathan.mp3

آخر العنقود

23-09-06, 04:19 PM

وانا بالبدايه اشكر صاحبة المقهى على الافتتاح
وان اشاء الله بتحصل الربح الكثير والوفير من المعلومات والطرفه

يسلموو شوااااقي

وانا بقولكم

كل عام وانتم بخير بمناسبة شهر الخير والغفران
شهر رمضان
واطلب من كل شخص الدعاء لي بل ليس لي يكتفي بالقول
اللهم اغفر لي ولجميع اعضاء رمسات

تحياتي

شُموخيـﮯ يكسرﮒ

23-09-06, 06:57 PM

ان شاء الله بدعي لك في كل صلاه ... بس انت بعد لا تنسى اختك

وين الباقي .. يمكن ما يحبون القهوه من ايدي

يلا ابيكم تسون دعايه حق مقهى رمسات ..

سويره

23-09-06, 08:25 PM

انا امووووووووووووووووووووووووووووووووووت عالقهوه واكيد القهوه من ايديج ما في مثلها

مشكوووووووووووووووره عالمقهى

مسكـ سلطآني

23-09-06, 08:28 PM

الفكرة أخوي إنك تجيب وحده من هذولا الأفكار إلي طرحتهم أختنا . . ( ( حكمه - طرفه - خبر - موضوع للنقاش ) ) وبالمقابل راح نعطيك مشروب مجاني من إختيارك . . . . . .
وهذه مشاركة بسيطة مني بمناسبة الشهر الفضيل . . . . .
نشيد :
رمضان قد أتى
أنور ومسلم العاصمي
http://www.filelodge.com/files/room11/273633/nasheed/05_anwar_ramathan.mp3

حلو النشيد .. واااايد ..

وحلو صوت المنشد ... وجهة نظر وراي يرجى احترامه

مسكـ سلطآني

23-09-06, 08:32 PM

شو شو تبون قهوة .. ذابحين روحكم عشان فنجاان قهوة ..

كاهي القهوة .. اتقاسموا ما بينكم .. اوكي ..

ايه لحظة شوي شوي بالعدال عن ينكب .. يييه غجر

http://www.w6w.net/album/35/w6w200504230800262cbf9974.gif

العاصمي

23-09-06, 10:45 PM

أنا أول . . . حطيت نشيد من عندي . . . .

آخر العنقود

24-09-06, 12:39 PM

وانا اريييييييييييييييد موكا الايطاليه شئ عندكم

وبقولكم نكته ومع احترامي للكل وما قصدي اهانات تمامووو شاب

سالو عماني حاسد: وين تريد تروح الجنه او النار؟؟
قال: وين يروحو اللواتيا والزنجبارين؟؟!!
تمسخرون وقالوله: بيرورحون النار
قال انا معاهم لان هالجماعتين ما يرورحو مكان الا فيه فايده

شُموخيـﮯ يكسرﮒ

24-09-06, 12:58 PM

ههههههههههههههههههههههه

عاااد بدايتها رعب ... ما زين تتكلم على الناس .. انت صايم وللا

الحمد لله انا لا لواتيه وللا زنجباريه

العاصمي

24-09-06, 02:47 PM

هنديه إنتي . . . . . ؟!؟!؟!؟!؟!؟!؟

ضـــوء القمـــر

24-09-06, 03:36 PM

انتظر فنجان القهوه بعد الفطور طيب

أبني سلم التفوق بما تقذفه الناس عليك من حجاره

هذي من أقوالي http://www.ramsat.net/forum/smilies/smilies_05/Lighten.gif

إن شاء الله أستاهل عليها الفنجان...

العاصمي

24-09-06, 03:53 PM

لاااااااا . . . . إنتي تستاهلين فيها الدلة كاملة . . . مو بس فنجان قهوة . . . .

شُموخيـﮯ يكسرﮒ

24-09-06, 07:59 PM

هنديه إنتي . . . . . ؟!؟!؟!؟!؟!؟!؟

هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههههههههه هههههه

اش فيهم الهنود ؟,,,, بس ما حزرت يا شطيطر .... انا بنغاليه وللا اقول انا من جنوب افريقيا لالالالا

انا عاصميه شراتك خخخ

العاصمي

24-09-06, 11:03 PM

الهنود . . . . مشتقه من كلمة الهندوس . . . . إذا ما كنتي تدرين . . . خخخـ . . . . . وبعدين الله يعزهم العواصم . . . خخخخخـ . . . . شيوخ. . .. . خخخخخخـ

al-lteefh

25-09-06, 07:54 AM

اوووووف اللللللله جت بوقتها القهوه لاني مصدعه حدي ...بس صايمه الحين شلووون ؟؟؟

بصراحه مقهى ولا احلى منه ...الله الديكور هذا من مسويه بصراحه روووعه وراقي اكيدهذا ذوقك شوشو :)

يسلمووو عالمقهى حبيبتي :)

العاصمي

25-09-06, 09:42 AM

شو . . . شوشو إنتي . . . ما لها ذوق ابد . . . أنا المصمم هنا . . . . أحم أحم . . . . عندي شهادة تقدير . . . ما تشوفين شلون ذوق التصميم . . . من الطراز الإسلامي القديم الممزوج بالحداثة الدينية . . . . . خخخخـ . . . . تفلسيف . . .

كيف بتعطيوني قهوة عشان التصميم . . . خخخـ؟!؟!؟!؟

آخر العنقود

25-09-06, 11:00 AM

شئ عنكم شاي كرك عدني هاه

بعدين اشوف السالفه فيها هنود مني
هاه ماماجي شواقي كيساهيه؟؟
بركل نيهي هيى؟؟

بياه العاصمي يى شواقي كيو دماغ خرابو كياه؟؟

شُموخيـﮯ يكسرﮒ

25-09-06, 01:05 PM

ههههههههههههه من قدك تعرف هندي بعد .. انا بعد اعرف لا تفشر وااايد

هلااااا لطوف ... لحظه دقايق وتجهز القهوه

سويره

25-09-06, 01:32 PM

اخر العنقود تبي شاي كرك انا بعد ابي ياللللله شواقي سيري سويلي شاي كرك هههههههههههههههههههههههه والله امووت عالشاي كرك كاني هنديه هههههههههههههههههه

شُموخيـﮯ يكسرﮒ

25-09-06, 01:40 PM

ههههههههههههههه سويره استحي... الناس صايمين الحينا وانتي تطلبين شاي .. بس امري تدللي .. ثواني والشاي الكرك فدامج

سويره

25-09-06, 01:44 PM

ولا اقولج خلااااااااااص

فضيحه بعدين يقولوا عنا مب صايمين

العاصمي

25-09-06, 05:12 PM

أوين صايمات هذيلا . . . قولوا بس هذاك الـ . . . . . خخخخـ

أنا بشرب القهوة بعد ساعة إن شاء الله من الحين . . . .

مسكـ سلطآني

25-09-06, 08:20 PM

احم احم .. السلااام عليكم ..

احم اشحالكم ..

يييه نوروك ليش ما يدش المقهى ..

تدرون ليش .. لان هذا اسمه مقهى .. واحنا الحين في رمضااان

نحن صايمين يا شطار ما مثلكم .. نشرب فهوة ..في النهار .

هههههههههههههههههه
ههههههه

كل كلام اخونا العاصمي نكت هههههه

صالح الشريف

25-09-06, 08:33 PM

هلا بالجميع في مقهى رمسات
لصاحبته شوق الغرام
لجميع انواع المشروبات الساخنه والبارده
ههههههههههههههههه

// من جهلنا نخطي ومن اخطائنا نتعلم //

الوالي

26-09-06, 01:52 AM

وعليكم السلام ورحمة الله وبركاته

أختي شوق الفكره حلوه

وعندك فنجان قهوة بس كثرين من البن العربي

آخر العنقود

26-09-06, 08:26 AM

وانا عن نفسي بقاطع هالمقهى
علشان اريد اعرف وين شواقي وسويريتا يبون يطلعون من المنتدى

الوالي

27-09-06, 01:04 AM

الصراحة هذا غير معقول

al-lteefh

27-09-06, 03:37 AM

لاااااااااااااا وين رايحيييين انا احتج وبشده

شنو الدعوى فوضه يطلعون اصلا مو بكيفهم ي يخلوننا ...

شواقوه يالدبه قومي عن الدلع سويلي كايتشينو بسرعه

قالت ابطلع قالت ..!!!!!!!!!!!!!!على كيفج انتي والدبه اللي معاج

انا اوريكن زين ؟؟؟

العاصمي

27-09-06, 07:17 AM

سلامات . . . شباب . . . بتخلوني وحدي في المقهى مع هذه الخالة . . . .؟!؟!؟!؟!؟!

إنتظروني أروح أجيب الحبل وبربطكم كلكم . . .

al-lteefh

27-09-06, 07:51 AM

خاله بعينك يالديناصور ...

خايف على نفسك اشوفك ...ترى انا ما اكل لحوم بشر ..

الخوف ان انت ما اكلتني يالمتوحش ..

يحصلك انت تقعد معاي يالدب ..

قوم قوم اريد اروق على فنجان ما بي احد عندي

يالله فااااااااااارق

آخر العنقود

27-09-06, 09:22 AM

جاري المقاطعه......

العاصمي

27-09-06, 10:58 AM

إيه . . . يبعون بيبسي وكوكا كولا هنا . . . . خخخـ

آخر العنقود

27-09-06, 11:54 AM

يبيعون كل شئ

وانا مقاطع صاحبة المقهى.....

مسكـ سلطآني

27-09-06, 06:44 PM

خخخخخخ ليش .. هي شو مسوية

الوالي

27-09-06, 11:37 PM

لا لا الصراحة المقاطعة ممنوعة

جاسم الباسم

28-09-06, 02:17 AM

لا لا لا لا ما اسمحلكم تزعلوووووووون لطوووووووووف

عصووووووووم لو سمحت روح انت والشله وخذوا كراسيكم وطاولاتكم من هنيه

وانا اليوم راح اتكفل بخدمتكم ... وانتوا الزباين الحلوين ..عاد هله هله بالبخشيش

الوالي

28-09-06, 02:43 AM

هذااااااااااااااا الكلام المعسل ولا بلاش تسلم جسوووووووووووووم

آخر العنقود

28-09-06, 09:25 AM

وانا مو وياكم

جاري المقاطع...........

شُموخيـﮯ يكسرﮒ

28-09-06, 09:58 PM

هااااااااااااااااااااااااي

عاااادت لكم صاحبة المقهى ويا شريكتها سويره ..

شو هاي زباله وللا مقهى ... يايين تفطرون هني بعد

ما صدقتوا على الله اننا طلعنا خخخخخخ .... لا قاعده امزح

شاي ... قهوه ... عصير ... من يبي

صالح الشريف

28-09-06, 11:27 PM

هلاااااااااااااااااااا مليووووووووووووووون

يويويويويو

انا في حلم والا علم

الحمد لله على السلامه وهلا فيك نور المنتدى

الوالي

29-09-06, 01:37 AM

آخر العنقود أنت على راسنا من فوق أذا ما شالتك الكراسي

ونورت الرمسة بشوق الغرام ويا سويررررررررررروه وسجن جاهز ومافي أفراج هذي المره

آخر العنقود

29-09-06, 08:15 AM

الله يخليك اخوي الوضاحي

وعلى حسابي اعزم كل الاعضاء بالمنتدى والعزيمه هي:

اللهم وفق اعضاء الرمسه في حياتهم العلميه والعمليه
اللهم لا تدع لهم في هذه الدنيا
ذنبا الا غفرته
ولا هما الا فرجته
ولا مريضا الا شفتيه
ولا يتيما الا اسعدته
ولا جاهلا الا علمته
وصعبا الا يسرته
ولا طالب علم الا وفقته
ولا حاجة من حوائج الدنيا الا واتممتها بالخير عليهم
يالله يا ارحم الراحمين

اللهم امين
اللهم امين
اللهم امين

هاه شو رايكم بالعزيمه اتمنى انها تعجبكم

al-lteefh

29-09-06, 08:27 AM

اميييييييييين

والله احلى عزيمه مشكوووووووووووور عنييييييييقيييد
الله يجزاك الف الف خير
ويجعله في ميزان حسناتك ويتقبل منك
ويرزقك على نيتك يالطيب
ويوفقك دنيا واخره

آخر العنقود

29-09-06, 08:42 AM

آمين جميعا يالغاليه

شُموخيـﮯ يكسرﮒ

29-09-06, 08:16 PM

هلاااااا

جيت اسلم عليكم

تآمروني على شي لا تستحون مني ترا اختكم

صالح الشريف

29-09-06, 09:29 PM

ايوه شوق

باكر عازم زملائي في العمل على الافطاااااااااااااار

وابي منك تجهزي لي كم وجبه كذا من ذوقك

واهم شي (( سمبوسة بالخضار )) اموت فيهاااااااااااااااااا

وتحيااااااااااااتي للجميع

سويره

29-09-06, 11:52 PM

الله يسلمكم

يالللللللللللللللله انا يوعانه ابي اكل وينج شواااقي

جاسم الباسم

30-09-06, 01:50 AM

انا مابي كثير .............

كتشوري + خلية نحل + فيمتو باااااااااااااااااااااارد

بس يكفيني ترى التانكي 1.4 مو وايد يعني

al-lteefh

30-09-06, 08:37 AM

ههههههههههههههههههههه

شوشو لاتنسين حبيبتي العصيرات الطبيعيه

تراني عطشااااااااااااااااااااااااااااااانه

آخر العنقود

30-09-06, 08:54 AM

ياجماعة الخير وين الويتر

انا اطلب نصيحه اخ او اخت لاخيها شئ عندكم..؟؟

شُموخيـﮯ يكسرﮒ

30-09-06, 10:49 AM

اووووووووووووف

شو هالطلبات ... سمبوسه بالخضار .... صويلح تعال خذهم ...بس مب حقك كلهم قاسمهم على ربعك فاهم

كاتشوري وخلية النحل ..... جسوم بسرعه .. الحق اذا تأخرت ترا بعطيعهم حق اخر العنقود

والفيمتو في الثلاجه اللي هناك شفتها وللا

لطووووف ... كل انواع العصائر تترياج

اخر العنقووود ......نصحيتي لك ... دير بالك على نفسك .. ولا تقصر في عباداتك على حساب اشياء ثانيه ...

سوسو .......اليوم نتعشى مع بعض ... بس انا ما اتعشى موول بس عشان خاطرج .. اكل لقمتين

آخر العنقود

30-09-06, 11:40 AM

ان شاء الله
يسلمووو شواقي

والحساب ان شاء الله بيكون مدفوع في ميزان حسناتك

سويره

30-09-06, 01:40 PM

لا فديتج اول اشوفج تاكلي بعدين باكل

مسكـ سلطآني

30-09-06, 02:02 PM

سلااااااااااااااام للجميع .. اشحالكم

شو رايكم بصورتي الشخصية .. حلوة وللا مال قبل كانت احلى

وشو رايكم بمكان تواجدي ؟؟

آخر العنقود

01-10-06, 08:35 AM

هو كلش حلو وانت الاحلى دوم

هاه شو بحطلنا المقهى للفطور اليوم هاه..؟؟

شُموخيـﮯ يكسرﮒ

01-10-06, 10:49 AM

هههههههههههههههههه

تبي تفطر هاه ...

اعطيك خبز وجبن وعسل ... اكله صحيه صح

آخر العنقود

01-10-06, 12:18 PM

يمي يمي

كل اللي يجي منك حلو

شُموخيـﮯ يكسرﮒ

01-10-06, 12:21 PM

يا عنقيد انت من صجك ... ليش ما صايم هاه .. قول لي ما اخبر حد بستر عليك

آخر العنقود

01-10-06, 12:27 PM

افا افا بس كيف ما صايم هاه

امس كان باقي شوي وبفطر من كثرة الصداااااااااااع

شُموخيـﮯ يكسرﮒ

01-10-06, 12:34 PM

والله تكسر الخاطر ... ما تقول شو سالفتك ويا الصدااااع

يلا بسرعه البس دشداشتك ونعالك .. خلا بوديك المستشفى

آخر العنقود

01-10-06, 12:38 PM

الصداع هاي قصتة طوييييييله

وتسلمين والله ماتقصرين انا اعالج الصداع بروحي

شُموخيـﮯ يكسرﮒ

01-10-06, 12:41 PM

الجوع طباخ ماهر ما صح

آخر العنقود

01-10-06, 12:47 PM

والله اسميك حكيمه
وهاي كلامك طلع حكمه

صح والله

سويره

01-10-06, 01:00 PM

واللـــــــــــــــــــــه يوووووووووووووووووووعانه

متى بياذن

مسكـ سلطآني

01-10-06, 01:58 PM

شو قصدج متى يأذّن الظهر .. عاد مؤذن ..روحي فطري خخخخخ

اريد اعرف انتو كيف تجوعوا .. انا ما اجوع البر ...

بس اعطش مرات ..

انتوا كبار ما تستحون على ويوهكم .. انا عاادي افطر خخخخخ بعدني صغيرة .. بس انتوا ..

استغفر الله .. ما ادري شقول ..

اسمحولي .. لاني اكتب كلام واايد

استغفر الله

استغفر الله

استغفر الله

اللهم اني صايمة

الوالي

01-10-06, 02:02 PM

تو أنتي موقاعده تخرفين

مسكـ سلطآني

01-10-06, 02:07 PM

ولا شي .. انا قاعدة استغفر ربي ..

على فكرة انا صايمة ..

هههههههههههههههههه
ههههه

هههههههههههههههههههههههههههههههههههههههههههههههههه ههههه

ههههههههههههههههههههههااااي حلوة

الوالي

01-10-06, 02:19 PM

أقول الظاهر الصيام مأثر عليك شوي

مسكـ سلطآني

01-10-06, 02:23 PM

كيف يعني ؟؟

اوه على فكرة انا بنت مو ولد

حورالعين

01-10-06, 04:12 PM

ههههه الصيام مئثر ع الكل يا أخي

سويره

01-10-06, 07:07 PM

وانا اولهم ههههههههههههههههههههههه

حورالعين

01-10-06, 09:04 PM

امبين هههههههه سلامتج يالغالية

جاسم الباسم

02-10-06, 02:25 AM

والله حاله ، الي اللي يقول هاذول طالعين من مستشفى بن سيناء

اقول يا غلام ...او يا غلامه ..او اي واحد من الغلمان ...تركش كوفي لو سمحتوا

الوالي

02-10-06, 02:40 AM

أبو شباب أنت واصل متأخر

آخر العنقود

02-10-06, 08:33 AM

هلا يالربح انا راحت عليا نومه
وسمعت انكم متسحرين بعوال وقاشع وباربيكان
والله زين ما اتسحرت وياكم
خخخخخخ

شُموخيـﮯ يكسرﮒ

02-10-06, 09:19 AM

شوفوا شو ياكلون ... اون عوال وقاشع ... حد يتسحر بالقاشع ... اصلا ما احب هالأكله

آخر العنقود

02-10-06, 09:57 AM

انا ايش دراني انت صاحبه المقهى وانت اللي عامله السحور
خخخخخخخ

شُموخيـﮯ يكسرﮒ

02-10-06, 10:07 AM

ههههههههههههههههه

لا والله

شو على بالك انا اللي اطبخ

لا .. انا بس صاحبة المقهى ...يعني الطباخ عالباقيين

سمعت انت اللي يبت القاشع .. وانا اقول شو هالريحه من الصبح

آخر العنقود

02-10-06, 12:08 PM

اهع هع هع
ويك ويك ويييك

انا امس ماموجود بالمقهى وياكم وبعدين من وين اييب القاشع
هاذ مقهى انت المسؤوله عنه
واذا كنت اييب شئ للمقهى كان جبت شوية صراصير
خخخخخخخ

حورالعين

02-10-06, 05:30 PM

اخييييييييييييي شو هالأرف

أنا بطلب ماي وبس

شُموخيـﮯ يكسرﮒ

02-10-06, 08:59 PM

اخ عليك يا عنقيد ...... انا اقول ليش اللي يدشون المقهى فرحانين ولما يطلعون كل واحد ايده على بطنه ... ما عليك اخبرهم ..

الوالي

03-10-06, 02:29 AM

قات أنه المسأله فيها سر معين بطبخه

أقول أعترفوا أحسلكم ويش تسوين في الأكل الصرحة أحس دوم بصداع

آخر العنقود

03-10-06, 08:18 AM

وانا اقول ليش الصداع ما يروح مني موليه طلعت السالفه من المقهى
الوضاحي شو الراي نروح نبلغ البلديه

شُموخيـﮯ يكسرﮒ

03-10-06, 09:12 AM

ههههههههههههههههههاهاهاهاي

يلا روحوا بلغوا البلديه ...

اصلا كيف تبلغ البلديه وانت بروحك سويت الجريمه

بس عاااادي انا محاميه خخخخخ .. اسويلك واسطه

الكل متسمم .. بعد زين ما جربت اكل هالمقهى ترا من طباخ اخر العنقود

يا الوضاحي سمعت بيتكم قريب من مركز الشرطه .. شو ناطر يلا روح بلّغ عن عنقيد ويا القاشع

والصراصير اللي وياه ...

اون يبي يطّلع نفسه من الجريمه يروح يبلغ البلديه قبلنا...

آخر العنقود

03-10-06, 09:27 AM

اهع هع هع

ولي يييييييييييي مافيه دليل ضدي
نياهاهاهاهاهااااااااي

دورين غيرها

شُموخيـﮯ يكسرﮒ

03-10-06, 09:31 AM

ويايي الدليل ... وكل البنوتات شاهدات على هالشي

والوضاحي بعد .... اسأله

آخر العنقود

03-10-06, 09:55 AM

ما شئ منه ومافيييييه دليل
شو بشهدون زور وهم صايمين
خخخخخخخ

شُموخيـﮯ يكسرﮒ

03-10-06, 09:58 AM

ههههههههههه

اصلا هم يعرفون اني ما اكذب .. ويصدقوني اكثر من ما يصدقوك ... بالمشمش

روح دورلك محامي احسن لك ما فينا شده حق الفضايح

آخر العنقود

03-10-06, 10:10 AM

خايفه عن الفضائح حبو هاه

اوكي بنعقد اتفاق
ادعيلي دعاء بالصحه والعافيه
وبنسى موضوع الفضيحه

شُموخيـﮯ يكسرﮒ

03-10-06, 10:13 AM

اللهم رب الناس .. أذهب الباس .. اشف أنت الشافي
لا شفاء إلا شفاؤك .. شفاء لا يغادر سقما
أسأل الله العظيم رب العرش العظيم أن يشفيك بفضله ومنه وكرمه
اللهم ياحي ياقيوم ...ياذالجلال والاكرام ..ياارحم الراحمين
ويالطيف ...يامن اذا دعي اجاب ...واذا سأل اعطى
نسألك بمنك وفضلك ...نسألك بجودك وكرمك
نسألك بلطفك وعفوك ...ياعفو ياكريم
ان تشفي أخر العنقود وتلبسه ثوب الصحه والعافيه
اللهم اشفيه...اللهم اشفيه ...اللهم اشفيه
اللهم عافيه من كل سقم ... واحفظه لاحبائه وكل عزيز عليه
يارب

اللهم امييييييييييييييييييييييييييييييييييييين

آخر العنقود

03-10-06, 10:57 AM

اللهم امييييييييين جميعا
اشكرك الغاليه على هالدعاء الطيب
بارك الله فيك اختي العزيزه
وعن جد يسلموووو

والله اقشعر جسمي لما قريته

شُموخيـﮯ يكسرﮒ

03-10-06, 11:12 AM

ولو ... هذا واجبنا لازم ندعي لك ... الله يبعد السوء عنك وعن الكل ... آمين

آخر العنقود

03-10-06, 11:18 AM

آآآآمين جميعا الغاليه
والله يخليك يارب

شُموخيـﮯ يكسرﮒ

03-10-06, 11:29 AM

اشوف هالأيام محد يدش المقهى غيرنا ... ليكون اتسمموا من طباخك

آخر العنقود

03-10-06, 11:43 AM

والله انا شو دراني بالطبخ
وما انا اللي بطبخ اللي اعرفه بانه كل اللي يطبخون بالمقهى
هم بنات الرمسه وماحد غيرهن

شُموخيـﮯ يكسرﮒ

03-10-06, 11:45 AM

انا صاحبة المقهى وبس ... ما اللي شغل بالطباخ

صح شفتوا الصوره اللي هناك ؟

آخر العنقود

03-10-06, 12:17 PM

اي صوره انا مشفت شئ ؟؟؟

شُموخيـﮯ يكسرﮒ

03-10-06, 01:11 PM

اللي هناك شوووف زين ؟ الشاطر يفهم

سويره

03-10-06, 01:40 PM

ما فهمت ههههههههههههههههههههه

شُموخيـﮯ يكسرﮒ

03-10-06, 01:53 PM

شو ما فهمت يا سويره ... معقوله ما تفهميني

سويره

03-10-06, 11:34 PM

والله ما فهمت

جاسم الباسم

04-10-06, 02:35 AM

بسكم سوالف ابي شاي اخضر .... جلديه يلله

الوالي

04-10-06, 03:39 AM

يا لحبيب المقهى مسكر لطلبات الخفيفه

الموجود كله لسحور

وعندك برياني لحم

آخر العنقود

04-10-06, 08:08 AM

انا اريد بقلاوه عالفطور
كيف موجوده..؟؟

شُموخيـﮯ يكسرﮒ

04-10-06, 10:33 AM

حتى لو ما موجوده .. بنسويها لك وللأعضاء ... ترا اعرف اسويها

الوالي

04-10-06, 04:28 PM

ومشتهين الفطور من يدك شوق بنتظار .......

مسكـ سلطآني

04-10-06, 04:34 PM

انتوا كل كلامكم عن الاكل ..

ما عندكم سالفة ثانية ..

يلا ابي سيريلاك .. اهىء اهىء ..

سويره

04-10-06, 11:19 PM

هههههههههههههههههههههههههههههه

انا ابغي بيبسي وبس

ما ابي اتعب شوااااااااااااااقي

الوالي

04-10-06, 11:47 PM

مسك شوفي هذي مقهى مو حضانه

وسويره خلي عنك الغازاااااااااات بتبطي

سويره

04-10-06, 11:56 PM

هههههههههههههههههههههههههههه

ياللللللللللللللللله الوضاحي اعزمني لا تكون بخيل

الوالي

05-10-06, 12:00 AM

سحور اليوم على حسابي ولا يهمك تامرين أمر

سويره

05-10-06, 12:03 AM

مشكووووووووووووووووووووووووووووووووور

بس لا تعزم الشباب هههههههههههههههههههههههه

الوالي

05-10-06, 12:11 AM

يبالهم بنك بحاله

سويره

05-10-06, 12:14 AM

ههههههههههههههههههه هيه والله

اما احنا البنات مهتمين برشاقتنا ههههههههههههههه يعني ما بنخسرك

الوالي

05-10-06, 12:17 AM

قالولها كحليها قلعتلها عينها

سويره

05-10-06, 12:31 AM

كيف؟؟؟؟؟؟؟؟؟؟؟؟؟؟؟

الوالي

05-10-06, 12:33 AM

سلااااااااااااااااااامتك

سويره

05-10-06, 12:37 AM

الله يسلمك

والله جد شو قلت؟؟؟؟؟؟؟؟؟؟؟؟؟

الوالي

05-10-06, 12:43 AM

قصدي العزيمه لشخص واحد مو أكثر

خخخخخخخخخ ما تلحين على شيء بطيتي حلقي

سويره

05-10-06, 12:44 AM

هههههههههههههههههههههههههههه

المهم تعزمني هذا اهم شي ههههههههههههههههههههههههههههه

الوالي

05-10-06, 12:54 AM

وخلتين أنحرج من شعب وهذي عزيمه على سنتوب مال خمسين للجميع

خخخخخخخخخ

جاسم الباسم

05-10-06, 01:48 AM

ابو الشباب ...خلي عنك هالبنات ..وانت تعرف سوالف قهاوي الحريم

يلله انت جيب الفطور وبنجلس بكرنيش السيب وجيب معك السحور مرة وحده

عاد الجو عندنا قبل صلاة الفجر ما شاء الله تبارك الرحمن الجو باارد وهدوء

ها شو قلت !!!؟؟؟؟

الوالي

05-10-06, 01:51 AM

أبشر بس عااااااااااا سمحولي من بيقاسمني يعني من بيشيل عني باقي المصاريف

آخر العنقود

05-10-06, 07:52 AM

افاااااا بس يالوضاحي كلنا موجودين انت امر بس

بس شو رايكم نستاجر قارب وبنصيدلنا بعد بالليل انا بيب سنارتي هاه

مسكـ سلطآني

05-10-06, 03:30 PM

الله يعيننا مع خططكم الجهنمية هذي

اوكي بس عزمونا معاكم ..

ههههههههههههههه
هههههه
هه احم

شُموخيـﮯ يكسرﮒ

05-10-06, 07:35 PM

مسكووووه خلي الشياب يرحون بروحهم ... انا بعزمج انتي ويا بنات رمسات .. باجر الجمعه في ديوانيتنا ... ترا كلنا بنات هناك... ما في فيروسات

جاسم الباسم

06-10-06, 02:23 AM

فيروسات بعينك يالطفيليات

خلاص وضووووح ابشر عنيقيد النصف وانت النصف هههههههههه

انا علي آآآآآآآآآكل

الوالي

06-10-06, 02:28 AM

سمع انته ما خبرررررررررروك شباب كل واحد يدفع شي

آخر العنقود

06-10-06, 07:25 AM

كيييييييييييف تتناقشون عالمبلغ انتو بس خلا وان شاء الله خير
وكل واحد يجيب سنارته معاه

شُموخيـﮯ يكسرﮒ

06-10-06, 12:39 PM

اون يبون يغايرونا على طلعاتهم ... ما فاضين حق البحر وريحة السمك

الوالي

07-10-06, 02:11 AM

أقول السمك له ناسه يا راهيه

جاسم الباسم

07-10-06, 02:23 AM

عطيها وضووووووووح بعد

يلله انا بجيب معي شبك كبير ... نصتطاد بيه وبالمره نلعب كره خخخخخخخخ

الوالي

07-10-06, 02:28 AM

إيه الكوره برمضان حلوه صحيح تنزل هذا الأكل شويه

شُموخيـﮯ يكسرﮒ

07-10-06, 10:52 AM

هههههههههههههههه

صباح الخير يا جماعه

يا بنات الشباب راحوا البحر وما ردوا للحينا .. اخاف اكلهم القرش العووود .

آخر العنقود

07-10-06, 02:32 PM

لا موجود وانا امس اكلت ماكولات بحريه بعد
اكلنا كنعد وروبيان وحبار
يمي يمي

هاه سمعت عندم ساندوتشات مثل كنتاكي
عيل انا اريد وحده توستد توستر سبايسي
ومطافي وحده للطوفه لاني عازمعها
خخخخخخ

شُموخيـﮯ يكسرﮒ

07-10-06, 07:31 PM

هنا وعافيه يا خويلد

اصلا من قال لك نعطيك سندويتش ...

لا عم بمزح .. شو تبي بعد ...

لطووووف تعالي خذي السندويتش مالتج ....

حورالعين

07-10-06, 09:38 PM

لو سمحتي عندكم عصير ليمون طازج؟؟؟؟بسني من التانج لوع جبدي

آخر العنقود

07-10-06, 10:54 PM

عللللللله صاحبة المقهى مقاطعه آخر العنقود

ياجماعة الخير انا هم مقاطع

تشااااوووو

الوالي

07-10-06, 11:04 PM

أقول عنيقيد لو قاطعتك راح نقاطعها وإلي يرشك بالدم راح نرشه بالماء

خخخخخخخخ

أقصد العكس

آخر العنقود

07-10-06, 11:15 PM

اوكي تبدأ المقاطعه وانشر الخبر

خخخخخ

الوالي

07-10-06, 11:36 PM

ولتطرق طبول المقااااااااااااااطعة

لدقائق فقط

آخر العنقود

07-10-06, 11:41 PM

بس لا زم نطلع اشاعات بالاول

لاكن ياحسره ما اعرف اكذب
خخخخ

الوالي

07-10-06, 11:54 PM

ما يحتااااااااااااااااج نجيبلك سحالي وسنانير

آخر العنقود

07-10-06, 11:59 PM

براااااابر خطه ترتوبيشن وانا ببلغ البلديه
خخخخخخ

الوالي

08-10-06, 03:31 AM

ورااااااااااااااااح المقهى بس ما عليه بكره بينفتح من جديد

خلاص أحنا صرنا اليوم يعني اليوم المساء بينفتح

al-lteefh

08-10-06, 09:11 AM

مشكوووووووووور عنيقيد
بسم الله وش دراك اني ما اشتري من كنتاكي الا مطافي ...اموووت فيها السندويشه ...

ممممممممممم تسلم ايدك شوشو يجنن طعمها :)

شُموخيـﮯ يكسرﮒ

08-10-06, 09:39 AM

الله يسلمج لطوووووووووووووف

هنا وعافيه

اش فيه خويلد عليي ... سمعنه يقول ابلغ البلديه ..

صج ناكر المعروووف .. ما يستاهل السندوتشه اللي اكلها البارحه

عنقيد تعال خذ السندويتشه .. عاد لا تقول انا ما عطيتك .. فاهم

جاسم الباسم

09-10-06, 02:05 AM

حبيبي وضوووووووح البلدية ما تمسك الا مقاهي الفقارى اللي ما عندهم واسطات

اما هالمقهى واسطته عوووووووده ..يعني موظفي البلدية يحروووا مخالفة من هالجانب والموظفين الثانيين يمحوها من الجانب الثاني

وعلى طاري المطافي اخوكم مسكين معزوم على هالسندويشة وما يعرف شو مطافي ما مطافي وانا على نياتي وربيعي طلب ثنتين قلت انا تكفيني وحده

بس شوووووووو ...صدج مطافي ما فاد معاها ...لا بيبسي ولا فيمتو ولا كوكتيل فاد ...والفم شاب نااااااااااار ....قلت التوبة ما اقبل عزيمتكم مره ثانية

الوالي

09-10-06, 02:22 AM

خخخخخخخخخخخخخخ

جسوم أخوي ضحكتني من الخاطر

خخخخخخخخخخخخخخ

al-lteefh

09-10-06, 08:03 AM

ههههههههههههههههههههه ليت من شافك وانت قاعد تاكلها خخخخخخخخخخخ

شدعوى جسوووم اهي صدق حاره بس حرارتها حلوه تعجبني صراحه ..

شُموخيـﮯ يكسرﮒ

09-10-06, 08:39 AM

اهم شي لطوووف عيبتها السندويتشه ........

يا جماعه جسوووووم البارحه خذ 12 سندويتش + ديو + كوب شاي بالنعناع وما دفع وللا بيسه ..

وبعده يبي يبلغ البلديه ... شو هذا ... بلا رجّع الفلوس قبل ما تروح عند البلديه .. فاهم يا حول

رمسااات

حورالعين

09-10-06, 05:16 PM

مسكينة شوق متبهدلة هني وهناك الله يساعدج هذا نهايته منو ما يبي مساعدين وياه

al-lteefh

09-10-06, 09:37 PM

لااااا مسكين جسووووم اصلا من يوم اكل السندويتشه تخسبق وراه عند الثلاجه يشرب مويه ومن الربشه اللي فيه طلع ونسى يدفع فلوووس خخخخخ

بس وين بيروح مرده يرجع وناخذ الفلوس منه غصب :)

آخر العنقود

10-10-06, 12:04 AM

كيف شئ شيشه خخخخخ

بحكيلكم موقف محرج صارلي قبل كم يوم
يوم السبت الماضي اول مره اطلب شيشه بمطعم لا والغم معاي الوالد ونسيبي
خخخخخخخ
انا مو دراني بالشيشه المهم دشينا مطعن اشوف مباره فطلب كل واحد منا عصير وساندوتش..
وبعد لحظات الوالد الله يطول بعمره بدأ يتضايق من ريحة الشيشه وانا جالس اقوله اصبر نكمل المباره بالبدايه رفض لغاية ما جلست على راسه ووافق..
المهم اللي جالس خلفنا صرخ للعامل وقال: " يامعلم عطني حجر فراوله مع الثلج"
وعاد آخر العنقود عجبته الجمله حجر فراوله مع ثلج...
وقلت اريد اجربها وصرخت انا للعامل وانا بعد اريد...

المهم بعد 10 دقائق جابلي ابو الشباب شيشه ويقولي اتفظل قدام الوالد
يالله الفشيله وقام الوالد وقال للعامل لا روح جيبله بعد جلاص خمر احسن...
- - - - - - - - - - - - - - - - - - - - - - - - -

هاه شواقي شئ شيشه بس هالمره ما اريدها بثلج اريدها ببيبسي
خخخخخخ

آخر العنقود

10-10-06, 12:49 AM

على فكره لازم تحطون اعلام سلطنة عمان

:crying::crying::crying::crying::crying::crying::c rying::crying::crying:
:crying::crying::crying::crying::crying::crying::c rying::crying:
:crying::crying::crying::crying::crying::crying::c rying:
:crying::crying::crying::crying::crying::crying:
:crying::crying::crying::crying::crying:
وشعارنا سيفي والخنجر عمانيه

al-lteefh

10-10-06, 03:27 AM

هههههههههههههههههههههه

حلوه عنيقيد ياليت الوالد كفخك قدام العالم كان تحلى الصوره اكثر خخخخخخخخ

تعيش وتاكل غيرها خلوووود

شُموخيـﮯ يكسرﮒ

10-10-06, 09:36 AM

اقووول خويلد ... مدام الوالد ما موافق ... مستحيل اعطيك .. نمشي على خطى الوالد الرواحي خخخخ

انا مب فاضيه اخرب الاجيال ..... تبي اي شي اعطيك الا الشيشه ابيك تنساها من بالك .. فاهم

يلا عاد قول شو تبي .. هالمقهى مو حق الشيشه والخرابيط .. ما نبي نضيع الشباب

يلا وحده وحده وحده

يا جماعه شوفوا خويلد كيف ماسك العلم

http://www3.0zz0.com/2006/10/10/05/96261632.gif

حيوا العماني ,,, حيووووووه

على فكره لا تنسوا السعوديه والامارات

آخر العنقود

10-10-06, 10:58 AM

لطوووووفه جذي شغلك هاه تبين الوالد يكفخني قدام العالم اوبس اوبس اوبس
لا الوالد اذا يبي يقول شئ يخليها بالبيت والحمدلله هاي العاده كثير حلوه

شواااقي انا شو دراني بالشيشه تنحط حشى لله ما ادوخ هالشئ

:crying::crying::crying::crying:
:crying::crying::crying:
:crying::crying:
:crying:

وشعارنا سيفين والخنجر عمانيه

شُموخيـﮯ يكسرﮒ

10-10-06, 11:04 AM

يعني انت كنت قاعد تكذب علينا .... الله يسامحك

:crying:
:crying: :crying:
:crying: :crying: :crying:
:crying: :crying:
:crying:

يلا حيوا العماني حيوووووووه

لوووووووووووووووول

آخر العنقود

10-10-06, 11:11 AM

لا ما اكذب عليكم انا سمعت هذاك يقول جيب حجر فراوله مع ثلج انا شو دراني انها تطلع شيشه انا فكرتها اكله او شئ من هالقبيل وكلت اريد اجربها
خخخخخخخ....

:crying::crying::crying::crying:
:crying::crying::crying:
:crying::crying:
:crying:

وشعارنا سيفين والخنجر عمانيه

:051h::051h::051h::051h:
ياسلاااااااام شوفون الجمهور كيف يزيد

شُموخيـﮯ يكسرﮒ

10-10-06, 11:15 AM

لا انت قلت كلاااام ثاني قبل .. بعدين عاد يبت طاري الفرواله

:crying:
:crying::crying:
:crying::crying::crying:
:crying::crying:
:crying:

حيوووا العماني حيوووووووووووه

لا تفرحوا وااايد يا ناس

آخر العنقود

10-10-06, 11:25 AM

لا حبو اقرآين المشاركه رقم 159 مره ثانيه
انا ما اكذب وما احب الكذب

شُموخيـﮯ يكسرﮒ

10-10-06, 11:28 AM

اهاااا .. خلااااص فريت المشاركه يا حبابو .. لا تصيح

al-lteefh

10-10-06, 09:08 PM

هههههههههه
تكفى قول وش قالك يوم رجعتوا البيت خخخخخخخخخخخخخخخ

اقول عنيقيد يقولون حجر التفاح حلو طعمه صج؟؟؟وشواااقي تضبطه بشكل رهيييييييييب هااااه

شرايك تجربه :)

وما نعلم الوالد ....سكيتي

سويره

10-10-06, 09:21 PM

هههههههههههههههههههههههههه هيه والله مسكين اخر العنقود لو عن ابوك كنت قمت وضربتك

هههههههههههههههههههههههه

بس موتني ضحك ههههههههههههههههه

الوالي

11-10-06, 12:08 AM

عنيقيد ويش سالفه أغيب يوم أشوفكم مقلبين رمسه فوق حدر خخخخ لهجه محليه فوق تحت

آخر العنقود

11-10-06, 12:58 AM

لطووووفه الوالد ماقالي شئ بس سألني اذا كنت اشرب شيشه او لا فقلت لا لانه فيه ثقه والحمدلله وبعدين انا شو دراني بانه الشيشه يسمونها حجر.. اما من ناحية التفاح شو رايك انت تجربينه بالاول هاه خخخخخخخ

سويريتا والله الحمدلله في ثقه بيناتنا والوالد ما يمد يده على اي حد من لما كنا صغار...

الوضاحي انت هيش وراك حنو هاعه مانتكلم عاميه خخخخخ

:crying::crying::crying::crying:
:crying::crying::crying:
:crying::crying:
:crying:
وشعارنا سيفين والخنجر عمانيه

:051h::051h::051h::051h::051h:

هذا العماني وياكم

جاسم الباسم

11-10-06, 02:20 AM

عيل سمعوا قصتي مع الشيشة هههههههههه والله اتذكر هالقصة رغم ان مر عليها اكثر من 8 سنوات

الله يسلمكم كانت هالقصة لما كنا نبني البيت ... كنت دايم اروح مع خواني عشان نشرف على التشطيبات .. المهم اخواني راحوا مع الفورمن فوق بالطابق الثاني وجلست انا ادور بالطابق الاول ووفجأة حصلت هالشيشة ..بصراحة كنت اعرف انها شيشة بس هي للباكستاني ( الفورمن ) وانا وطبعا هذول الارجيلة تبعهم مش عادية وماعرف كيف يتحملوها ...

المهم هي محطوطة بالمطبخ والمطبخ فيه ملحق ..جيت انا وسحبتها بالملحق عشان محد يشوفني مع العلم انها بايتة يعني مستخدمه ...رحت انا واسحب شفطه شفطتين الا واشوف الدنيا ظلمة والله ما تحملت وصار وجهي ملون ... الا وارميها واركض بالسيارة ..ادور على ماي ..ركضت بسرعه على الدكان وكان قريب البيت ...تصدقون على طول فتحت ثلاجة الدكان وافتح علبة الماي واشرب واشرب ...والكل يطالع علي ...كان موقف ما ينتسى ..بس الحمدلله محد درى بالموضوع لليوم

شُموخيـﮯ يكسرﮒ

11-10-06, 08:52 AM

هههههههههههههههههههههههههههههههه

هههههههههههههههههههههههههههههه

هههههههههههههههههههههههههههههه

خلااااص الكل درا الحينا

ما ادري اش سالفة الشباب ويا الشيشيه .. اشوفها صايره موضه

آخر العنقود

11-10-06, 12:56 PM

الله يصرف بليسك جسوووووووم طلعت اخس مني
خخخخخخخخخ

جاسم الباسم

12-10-06, 01:36 AM

ههههههه ايه شفت كيف ... الدهيري عمره دهيري ما يتغير

شوق المسأله صدقيني مش موضه قدر ماهي انتحار .... الشيشة للأسف البعض يفتكر مضارها اقل من السجاير ...بس هي اكثر واكثر ضرر ... لانها تحتوي على مواد تدخل في الصناعات الكيميائية ...و تدخل كمواد ثانوية لصناعة الاسلحة المتطورة

بس من يعتبر !!!!!!

والله شباب لم يتجاوزوا العشرين بعد ..والسجاير والشيشة بيديهم ...هاذول كيف حتكون حالتهم بعد 15 سنة !!!!؟؟؟؟

الله يستر

الوالي

12-10-06, 03:51 AM

صح لسان يا جسوووووووووووووم

آخر العنقود

12-10-06, 12:47 PM

الله يعينهم ويعين اهلهم عليهم

اليوم الكل معزوم عحسابي بمناسبة فوز المنتخب

شُموخيـﮯ يكسرﮒ

12-10-06, 07:06 PM

صح كلامك ....

بس اخاااف شباب رمسات منهم

حورالعين

12-10-06, 07:16 PM

ههههههههههههههههههى

ايه مجاعة تراهم هههههه

شُموخيـﮯ يكسرﮒ

12-10-06, 07:21 PM

هههههههههههههههههه

انا شاكه فيهم

آخر العنقود

12-10-06, 11:26 PM

بس انا لا ابعدين عني الشك حبو وعن كل الشباب ترا ما ارضى فيهم
خخخخخخخ

سويره

13-10-06, 12:00 AM

ممكن حد يعزمني لاني يووووووووووووووعان اليوم بالفطور ما كان لي نفس

ياللللللللللللللله من يعزمني

آخر العنقود

13-10-06, 12:16 AM

إنت آمرين وتتدللين انا الحين وصلني توستد توستر وديو تفضلين والله

سويره

13-10-06, 12:41 AM

ما يامر عليك عدو

اقول ابغي اكثر ابغي مشاوي ههههههههه ********>>طراره وتشرط ههههههههههههه

آخر العنقود

13-10-06, 12:54 AM

قلنالك ما يغلى عليك شئ نحن كم مشعوذه معانا بالرمسه هاه

al-lteefh

13-10-06, 08:06 AM

السلام عليكم ...
صباح الخير ..

شواقي حبيبتي ما الاقي عندك علاج لكل شي مافي عله اللي موجوده فيني ...عددي كل الامراض وتلاقينها ...
والله اني تعبت ...بس الشطانه ما اخليها ...والا اللي مثلي تلاقينه الحين تحت الغطيان بفراشه وشله بالكمبيوتر والنت ...
بس والله وحشتوني وما قدرت اصبر عنكم ...

وبعد قلت يمكن الاقي علاج عندكم عن الحمى والزكام صديقي الوفي اللي ما يقارقني دقيقه ...خخخخخخخخخ

وتعلموني اياه :)

آخر العنقود

13-10-06, 04:40 PM

سلاااااااااامتك لطوفه ما تشوفين شر بس جهزين حالك انا جاي آخذك عالعياده

حورالعين

13-10-06, 05:43 PM

عافية حبيبتي عافية
عادي الزكام تروح وتي لا تحاتين

وشكله الزكام مؤثر عليج لطوفة نحن بمقهى مب بصيدلة

سوررررري أدري انج تعبانة وتحتاجين لدوى
يحليلج

آخر العنقود

13-10-06, 07:20 PM

ياجماعة الخير شئ خلية نحل

شُموخيـﮯ يكسرﮒ

13-10-06, 08:17 PM

هيه شي ... كم صحن تبي

سلامااااااااااااات لطوووووووووف ...هاي الزكمه ما تترك احد

تآمروني على شي يا جماعه قبل ما اطلع

آخر العنقود

13-10-06, 08:21 PM

ما يآمر عليك عدو
ما نبي غير سلامتك بس...

شُموخيـﮯ يكسرﮒ

13-10-06, 08:25 PM

تسلم ... بس ما يصير هاي الاصول ...

متأكدين ما تبون شي

آخر العنقود

13-10-06, 08:29 PM

اي ابي آكل شئ من طبخ يدك هالمره عيل....!!!!
مو انت صاحبة المقهى هاه

شُموخيـﮯ يكسرﮒ

13-10-06, 08:32 PM

تآمرون امر .. بس مو من ايدي .. من طباخة المقهى

اذا تبون حلويات انا حاضره

آخر العنقود

13-10-06, 08:34 PM

ممكن بقلاوه ياسيدة الطباخين

شُموخيـﮯ يكسرﮒ

13-10-06, 08:41 PM

الصراحه اعرف اسويها ... اوكي بعد ساعه خخخخ

آخر العنقود

13-10-06, 08:42 PM

براااااااابر مشكل نهي هى

شُموخيـﮯ يكسرﮒ

13-10-06, 08:45 PM

اوكي براااااااااات .... دونت وري

آخر العنقود

13-10-06, 08:52 PM

انا بقاعة الانتظار............

شُموخيـﮯ يكسرﮒ

13-10-06, 09:09 PM

وين هالقاعه . ... آآآآآآآ عرفتها اللي عند المقهى صح ... اوكي خلااااص

آخر العنقود

13-10-06, 11:13 PM

لا هاي على الدي جي تحت المقهى شو انت قاعد يصير بمقهاك بلاوي وانت هب داريه

الوالي

14-10-06, 12:19 AM

خخخخخخخخخخخخخ

أنك يعنيقيد مره

سويره

14-10-06, 12:53 AM

سلاااااااااااااااااااامات حبيبتي لطووووووووووووووووف ما تشوفي شر

مرحبـــــــــــــــا.....

شحالكم عساكم بخير؟؟؟

الوالي

14-10-06, 12:57 AM

تمام سويره وينك وين الغنائم

آخر العنقود

14-10-06, 01:06 AM

الغنائم!!!!!؟؟؟؟
شو عاملين حفلات وانا هب معزم هاه

الوالي

14-10-06, 01:07 AM

يا دب هذا مثل من طول الغيبات جاب الغنائم

سويره

14-10-06, 01:10 AM

هههههههههههههههههههههه

موجوده والله بس كنت مشغوله

اخر العنقود لا تخاف محد سوى عزومه

هههههههههههههههههههههه

آخر العنقود

14-10-06, 01:14 AM

آها فكرت كنت ابي اعزم القوم كلش

شُموخيـﮯ يكسرﮒ

14-10-06, 10:19 AM

هههههههههههههههه

عنيقيد لو نسوي عزيمه ... بتكون اول الحاضرين خخخخ

آخر العنقود

14-10-06, 01:01 PM

شوااااقي تسلميلي والله هاذ من زود طيبك

سويره

14-10-06, 01:07 PM

هاااااااااااااااااااااااي

صايمين ما نبي اي حد يطلب اكله الي مب صايم يروح بيته علشان ما يخلينا نفطر معاه

هههههههههههههههههههههههه

آخر العنقود

14-10-06, 01:28 PM

انا اريد اعزمكم اليوم كلكم وما اريد حد يعتذر
والمناسبه...
اني ختمت المصحف اليوم فجر للمره الثانيه بهالشهر الكريم والحمدلله
وعقبالكم

سويره

14-10-06, 01:40 PM

مبروووووووووووووووك وعقبالنا

اذا السالف فيها عزومه انا اول الحاضرين ههههههههههههههههههههه

آخر العنقود

14-10-06, 01:43 PM

اكيد اكيييييد بس الدخول لازم بدعاء بالخير
خخخخخخ

سويره

14-10-06, 02:20 PM

ان شاء الله انزين لكن بعد الفطوووووووور

آخر العنقود

14-10-06, 06:51 PM

الحفله بتكون بالسحور
خخخخخ

جاسم الباسم

15-10-06, 01:26 AM

مبرووووووووك عنيقيد والله يغمرك بحسنات وثواب ختم المصحف

ما شاء الله ختمته مرتين !!!!

وين انا من هالشي ؟؟!!! استغفر الله العظيم

بس فيه امل ان شاء الله باقي 6 او 7 ايام وهاي اهم ايام

الوالي

15-10-06, 03:27 AM

الله يوفق الجميع لما فيه خير

شُموخيـﮯ يكسرﮒ

15-10-06, 10:31 AM

السلام على اهل الخير

اشحالكم .... عرفتوني ..... انا وحده مو واااحد

استأذن مستعجله ...

سمره

15-10-06, 11:20 AM

السلام عليكم .......... حلفت محد يقوم اكيد صايمين وتعبانين ...شخباركم كلكم ... ما شاء الله من مزين المكان هنا ؟؟ العامري ما مقصر ما شاء الله عليه...

اقول ابغى صحن لقيمات حال الفطور شي في المقصف ولا لاء؟؟

آخر العنقود

15-10-06, 01:40 PM

لا لازم قيام سمووووره وصلت بعد طول الغياب يالله قمو كلش من مكانكم اليوم لازم حفلة استقبال......

وين صاحبة المقهى....
اوووووووووبس نسيت انها بسجن كرسي الاعتراف خخخخخخ

ما عليه ننتظركم تزورها اهناك
خخخخخ

حورالعين

15-10-06, 04:40 PM

سجن ما سجن ما يخصني عندج زباين يالحلوة ههههه

أتغشمر مسكينة شووااااقي كل التعب في دوبها الله يعينج

آخر العنقود

15-10-06, 04:41 PM

شئ برجر هاه

سويره

15-10-06, 09:04 PM

اذا في انا بعد ابغي

آخر العنقود

15-10-06, 11:10 PM

وانت لازم تقلدي
عيل انا اريد مشكل اكلات بحريه

سويره

16-10-06, 12:35 AM

ما احب اكلات البحريه

بس ما عليه اهم شي اقلدك

ههههههههههههههههههه

العاصمي

16-10-06, 08:58 AM

السلام عليكم ورحمة الله وبركاته

أرباب في كرسي فاضي بالمقهى . . . .

آخر العنقود

16-10-06, 12:20 PM

عصوم سلامات الناس تطلب اكل وانت تطلب كرسي
اسئل شواااقي اكيد شئ بس مخبتنهم
خخخخخ

شُموخيـﮯ يكسرﮒ

16-10-06, 12:23 PM

لا ما شي

تعبانه يا جماعه

بروح اصلي .. وارتاح

آخر العنقود

16-10-06, 12:27 PM

لا شئ انت عندك كرسي الاعتراف
اعطيه عصوم لاه
خخخخخ

بعدين سلامتك روحين ارتاحين الغاليه

سويره

16-10-06, 12:33 PM

خلاااااااص العاصمي اقعد على الطاوله محد قالك تيي متاخر

هههههههههههههههههههههههههههههههههههههههههه

العاصمي

16-10-06, 12:33 PM

خذي راحتك شواقه . . . ز الكل منتظرك إن شاء الله . . . . أدري هلكت بكرسي الإعتراف وعذريني عاد . . . :)

عنيقيد . . . مو مشكلة حتى إذا ماكو كرسي بوقف . . . بس أبي سمبوسة باللحم

آخر العنقود

16-10-06, 12:35 PM

شئ لحم ضب عندكم حال العاصمي

شُموخيـﮯ يكسرﮒ

16-10-06, 12:37 PM

اخ عليك .. لا تلوعنا

بعدين بعطيك السمبوسه

آخر العنقود

16-10-06, 12:45 PM

زيييييين شو رايكم اعزمكم على لحم غزال وارانب مشوي هاه

سويره

16-10-06, 12:47 PM

ههههههههههههههههههههههههههه

انا ابي بس ماي

آخر العنقود

16-10-06, 01:14 PM

لا بس فيه ديو بالمقهى

سويره

16-10-06, 01:23 PM

انزين في بيبسي

آخر العنقود

16-10-06, 01:27 PM

ما نشرب ماي حليان
نشرب ديو بس
خخخخخخ

سويره

16-10-06, 01:34 PM

هههههههههههههههههههههههههههههههه

انزين شو بسوي انا ما احب ديو

آخر العنقود

16-10-06, 03:02 PM

اشربيلك عصير ليمون يطفي العطش خخخخخخ

حورالعين

16-10-06, 04:16 PM

ياخي شهيتني بعصير ليمون على حظي اليوم بيكون في العشا

آخر العنقود

16-10-06, 06:49 PM

هاه شو عشاكم تعزموني معاكم

سويره

16-10-06, 07:23 PM

واناااااااااا بعد لا تنسيني حووووووور

ههههههههههههههههههههه

آخر العنقود

16-10-06, 10:18 PM

يوووووووه سويريتا انت كلش تقلديني هاه

شُموخيـﮯ يكسرﮒ

17-10-06, 10:48 AM

مرحبااااااااااااااااااا

في عندنا شاي بلا سكر ......منو يبي

صح تعالوا اخبركم ... امس شو صارلي

الصراحه كنت قاعده فاضيه في البيت ... قلت حق امي اروح اسوي حقكم خلية نحل

وبالفعل رحت اسويها .. وبعد ما دخلت الصينيه في الفرن ... ورحت ارتاح في غرفتي ..

ومحد يدري ان الطبخه في الفرن ... وشوااااقي غمرت في نومه .. نست كل شي وراها ..

وبعد ما قمت .... اسمع صريخ امي واختي ... وطلعت اسألهم شو السالفه ... قالت لي اختي ..

كله من بلاويج ...اوين طالعه طباخة زمانها .. تصدقون كل المطبخ شاب دخان .... اختنقت ....

وعقيت الخليه ويا الصحن في الزباله .... وعشان ما ازعلهم ... تدرون اش سويت ...ورحت سويت

لهم صحن ثاني ... سكتتهم ... والله حاله

العاصمي

17-10-06, 11:18 AM

الشيمة شواااقه . . . ترى والله أموت في خلية النحل . . . سويلي واااسطة . . . أرجووووك . . . . أنا بالصحراء وها الأكلات هنا يذبحوني . . . تكرموا في شوي . . . حسوا فيني . . . . . . . خخخخخـ