مشاهدة النسخة كاملة : لعبة الصراحة
العاصمي
31-08-06, 09:46 PM
دمرتي كل معنى للغة العربية . . .. خخخخـ . . . .
بإعتقادك الدنيا لسه بخير؟!؟!؟!؟
حورالعين
31-08-06, 09:58 PM
دامني بخيرة الدنيا أكيد بخيرة.....
ههههههههههههههه
لا والله الدنيا كل يوم تنفسد أكثر من اليوم إلي قبله بس رغم جي يبقى القلوب الطيبة التي تسعى لنشر للخير والسلام وهذا ما نحتاجه في هذا الدنيا الدنيئة..(الله يهدينا ويوفقنا).
ياك مرة وبكيت فيها لمدة يوم كامل بدون توقف؟؟
العاصمي
31-08-06, 10:53 PM
بيصير بحر إذا كذا السالفة . . . . لا أختي ما جالي الشرف . . . خخخخخ
جالك سرقت . . . من جد؟!؟!؟!؟
لا الحمد الله..........
جالك ندمت من شي وتمنته ما صار وشو هو؟؟؟؟؟؟؟؟؟؟؟؟
العاصمي
31-08-06, 11:40 PM
إيه جالي . . . . ضربت أخوي . . . لأنه ضرب أخوه الصغير . . . . خخخخـ
جالك إنضربت بالمدرسة قدام الطلبة ؟!؟!؟!؟
حورالعين
31-08-06, 11:42 PM
أنا لحد إلحين ما ندمانة في شيء والحمدلله
بس مرة صار لي موقف وما اجول إني ندمت فيه
كنا رايحين المسبح في رحلة ويا ربيعاتي وبعض البنات وربيعاتي جالوا ما بنتسبح فأنا وهم ما يبنا ملابس سباحة ولما وصلنا هناك الكل كان يتسبح وأنا أعشق السباحة فرحت ودبرت لنفسي ملابس وتسبحت وأرتحت.ههههه
ملآمح أمل
31-08-06, 11:46 PM
لا الحمد لله .......
بس ان شاء الله قــــــــــــــــــريبا ههههههههههههههههههه........
جالك حلمت حلم خرعك وحمدت ربك انه كان حلم ؟؟؟؟؟؟؟؟؟؟؟؟؟؟؟؟؟؟
العاصمي
31-08-06, 11:54 PM
سكتي والله . . . تصدقين . . . حلمت ثعبان جايني وكان على وشك يلدغني طلع ثعبان ثاني كوبرا وحجز بيني وبين الثعبان الأول . . . وبعد ما خلصوا من المعركة صار يناظر فيني وهو يضحك . . . وأشوي لا أبول بفراشي . . .خخخـ ، ، ، ثاني يوم الصبح زميلي إلي بالغرفة الثانية قام يسألني، شفيك انت أمس، سألته خير. ؟!؟! قال لي: كنت تدق على غرفتي . . . . . . . الله لا يوريكم . . . .
جالك طحتي قدام الناس ، يعني بالشارع؟ّ!؟!؟!؟!
حورالعين
31-08-06, 11:57 PM
لا الحمدلله
سبحان الله وانا أحس عندك سالفة انت والثعابين
حورالعين
31-08-06, 11:59 PM
هههههههههههههه موضوع (ولا في الخيال) أكبر دليل....
أعترف يالعالصمي كشفتك الثعبان وراك وراك حتى في الأحلام
العاصمي
01-09-06, 12:05 AM
إيه . . . أخرتها تطلعين إنتي الثعبان هاه . . . اناكوندا . . . .
متى أخر مرة ما صليت ؟!؟!؟!؟
ملآمح أمل
01-09-06, 12:49 AM
مو شغلك
متى آخر مره كنت ملجوف ؟؟؟؟؟؟؟؟؟؟؟؟؟؟؟؟؟؟؟؟؟؟
حورالعين
01-09-06, 12:50 AM
ما اتذكر
تحب اليهال؟
ملآمح أمل
01-09-06, 01:33 AM
واااااااااااااااااااااااااااااااااااااااايد
شو افضل إسم لك ؟؟؟؟؟؟؟؟؟؟؟؟؟
العاصمي
01-09-06, 10:06 AM
محمد . . . . .
كم رقم جوال ، وجوال عندك؟!؟!؟!؟
شُموخيـﮯ يكسرﮒ
01-09-06, 06:31 PM
999999999
هذا الرقم بعينه
هههههههه
الريّال قاعد يسأل عن ارقام جوالات البنات
شو يعني دكتور ؟؟؟
العاصمي
01-09-06, 09:26 PM
سبحان الله . . . . .
دك أساساً كلمة إنكليزية ، بالعربي يعني بط
تور ، خلطة مطبعية أساساً هي ثور
يعني الدكتور جالس يكلم بط إلين صار ثور . . . . عشان كذا لقبوه دكتور . . . .
شو أحسن مكان بالبيت تحب تجلس فيه؟!؟!؟!؟
شُموخيـﮯ يكسرﮒ
01-09-06, 09:50 PM
ههههههههههه
هالريّال قاعد ينكت وللا شو بالضبط
احسن مكان غرفتي اللي قاعده فيها الحينا
شو يعني قهر ؟
العاصمي
01-09-06, 09:56 PM
قهر إحساس تعرفينه زين لأنه ياكل قلبك وتخربين أسنانك من كثر ما تعضين شفايفك . .
شو يعني وناسه؟!؟!؟!؟!؟!
شُموخيـﮯ يكسرﮒ
01-09-06, 09:58 PM
وناسه يعني انا لما اكون متواجده بالمنتدى
شو يعني دمار ؟
العاصمي
01-09-06, 10:04 PM
لما يكون العاصمي موجود بالمنتدى ، هذا هو التعريف الحقيقي للدمار . . . . ولما نكون مع آخر العنقود يكون شامل .. . . . .
شو يعني إذا طاح الجمل كثر سكاكينه؟!؟!؟!؟!
شُموخيـﮯ يكسرﮒ
01-09-06, 10:07 PM
يعني يعني يعني ... اذا طاح العاصمي استوى زلزال
شو يعني خنفسانه؟؟
العاصمي
01-09-06, 10:13 PM
لا إذا طاحت شوق الغرام تختفي الكره الأرضية . . . .
تريدي تعرفي شو يعني خنفسانه . . . روحي شوفي نفسك بالمرايه . . ز بتعرفين . .. . . خخخخخـ
ليش انا كبيت البارد بالطاولة ؟!؟!؟!؟!؟
شُموخيـﮯ يكسرﮒ
01-09-06, 10:18 PM
اعتقد ما شي عندكم مرايات
لأنك شفت الرد اللي كتبته حقك ... وعقبها صار اللي صار
ليش واحد مضايقني ؟؟
العاصمي
01-09-06, 10:21 PM
لأنه ملان وما لاقي شيئ يسويه . . . .ولأنه الدهج للحين ما جى . . . .؟!؟!؟!؟!؟
أنا صحيح مضايق شوق الغرام؟!؟!؟!؟
شُموخيـﮯ يكسرﮒ
01-09-06, 10:25 PM
لا اش دعوه ... كنت امزح ... بس تكفى لا ترفع ضغطي
منو الدهج ... ليكون تقصد العنقود الأخير ؟؟
العاصمي
01-09-06, 10:29 PM
بس مره وحده أوكي . . . . دهــ . . . . عنيقيد ياحليله بإجازة اليوم . . . .
شو تغديت اليوم الظهر . . . .؟!؟!؟!؟
شُموخيـﮯ يكسرﮒ
01-09-06, 10:49 PM
والله ما تغديت ... وبعدني ما متعشيه
شو احلى نك ؟؟
العاصمي
01-09-06, 10:57 PM
وليش مجوعة نفسك إن شاء الله . . . . وبعدين لا تروحين تصلين وإنتي
جوعانه . . . العَشاء قبل العِشاء . . .
والله ما خطر ببالي ولو دمعة أحسها أجمل لأنها تعبر الكثير. . . .بس الأكيد كل لقب تعني شيئ لصاحبه هو أدرى بها . . . .
كم خاطرة تكتب في الأسبوع؟!؟!؟!؟
Nourouk
02-09-06, 07:01 AM
ولا وحدة ....!
كم مرة توكل عيش في اليوم ؟؟
العاصمي
03-09-06, 05:48 PM
نص مرة . . . . .
كم مرة في اليوم تون؟!؟!؟!؟!؟
ونتن ونيتها يوم صليت ونت الغرابة طارببها حمامة؟!؟!؟!؟!؟
آخر العنقود
04-09-06, 08:50 AM
اقول كاكا العاصمي انا الدهج هاه ماقصرت
وانا وانا والعاصمي كاكا وماشئ طلعت مزناج في الطنا
سؤالك ما اعرف اجاوبه..
وشوق الغرام مررررره مستانسه وحاطه فبالها انا الدهج
ومسكينه ماعارفه منو الدهجه دادا شوااااااقي
من الاثنين اللي دايما يتكاسرو بالرمسة.. وكل واحد يرفع ضغط الثاني..؟؟
al-lteefh
04-09-06, 10:53 AM
وهل يخفى القمر ...
عنيقيد + عصوووووم <<<<<<شوق المسيكينه كل طايحين فيها ..
عضو يعجبك في المنتدى ؟؟بصراحه ..وابي واحد بس ..لوسمحت
ليريوات .com
04-09-06, 11:51 AM
كلهم حلوين وطيبين ما اقدر اختار
عضو تحسه مسوي ريجيم
العاصمي
04-09-06, 12:08 PM
سعيد العامري . .. . . مسوي ريجيم قاسي على المنتدى . . . .
تحب تتكشخ قدام البنات ؟!؟!؟ وليش؟!؟!؟!؟
آخر العنقود
04-09-06, 04:31 PM
انا دومي كااااشخ وماعندي فرق
بس اتكشخ ترتوب لما يطلعوني بالتلفزيون هاي غصب عني
تحب تطلع بالتلفزيون...؟؟
العاصمي
04-09-06, 05:31 PM
أنا ما أحب أطلع بالصور وتقولي تلفزيون . . . . إذا كنت ألعب مباراة هذا شيئ ثاني . . . . .
تسوي حركات بايخة لما تشوف نفسك بالمرايه ، ولا حتى حركات عاديه؟!؟!؟!؟!؟!؟
آخر العنقود
04-09-06, 05:40 PM
عندي حركه وحده ودايما اعملها احط يدي مثل المسدس وانقع على نفسي
خخخخخخخ
في عندك كلمه معينه دايما تنطقها على لسانك اذا عندك شو هي الكلمه..؟؟
العاصمي
04-09-06, 11:23 PM
سبحان الله . . . . . عاروه . . . . هذولا أكثر شيئ . . . .
تلبس بنطلون ولا وزار تحت الدشداشة؟!؟!؟!؟
آخر العنقود
06-09-06, 09:49 AM
بنطلون
اكثر الملا بس تلبسها دشداشه او قميص وبنطلون... تلبسين جلابيه او بنطلون وقميص..؟؟
al-lteefh
06-09-06, 10:01 AM
جلابيات اكثر شي ..........
انت فضولي ؟؟
العاصمي
06-09-06, 10:34 AM
لا . . . أنا العاصمي . . .
تسبح لما تتوسخ؟!؟!؟!؟
حورالعين
06-09-06, 04:03 PM
ااااية طبعا
شنو ننطر الشغالة تنظفنا هههههههههههههه
بكم أصابع تطبع؟؟
العاصمي
06-09-06, 06:29 PM
بكم يعني . . . بعشرة ونص . . . .
بكم عين تشوف . . . صح كذا؟!؟!؟!؟
حورالعين
09-09-06, 07:22 PM
بعين ونص
هههههه
طبعا بعينيين
ويا عقل في ناس يطبعون بأربع أصابع او خمس مو مثلك جحش ما شايف خير عشرة ونص أو آه ونص
حورالعين
09-09-06, 07:23 PM
شو لون أظافرك؟؟؟؟
العاصمي
09-09-06, 10:47 PM
وردي على أحمر . . . . يوم أنقع يصير أخضر . . . .
أي ماركة تفضل تلبس؟!؟!؟!؟
حورالعين
10-09-06, 05:43 PM
مانجو وبرمود
تفضل تغش ولا تغشش؟
العاصمي
11-09-06, 12:32 AM
لا هذا ولا ذاك بس أحب أتغشمر . . . .
شو رأيك بالسرقة الإلكترونية إلي قاعد تصير بالهبل ها الأيام؟!؟!؟!؟!؟!
شُموخيـﮯ يكسرﮒ
11-09-06, 03:22 PM
معارضه للأبد
شو يعني فأر ؟؟؟؟؟؟
حورالعين
11-09-06, 05:57 PM
الماوس
شلون الجو عندك؟؟
العاصمي
12-09-06, 09:50 AM
مشحووووون على الآخر . . .
السؤال موجه لشوق الغرام :
عطنا مثال عن السرقات الإلكترونية على حسب مفهومك؟!؟!؟!؟
شُموخيـﮯ يكسرﮒ
12-09-06, 02:42 PM
على بالك ما اعرف ..... السرقات الكترونيه انت صاحبها .... بالمشمش
شو يعني اسعار ؟
آخر العنقود
12-09-06, 03:25 PM
يعني قيمه
شو رايك اذا انا بطلع من المنتدى....؟؟؟
حورالعين
12-09-06, 04:15 PM
إذا هذا نيتك الله يسامحك
skeleton
12-09-06, 05:13 PM
بصراحة ---- هل الجدية في حياة المراء عيب !!
---- ما هي اسوى كذبة كذبتها في حياتك !!
---- ما هو الخلاص !!
بصراحة تامة -- -- -- لغير المزوجين -- -- -- هل فكرت / فكرتي لو للحظة ان تتزوج / تتزوجي عضو من اعضاء المنتدى !!
بصراحة مطلقة -- -- -- للمزوجين -- -- -- ما هو شعورك ان تكتشف ان زوجتك هي عضو في منتدى انت عضو فية ولك صولات وجولات فية وان زوجتك هي من ترد على معظم مشاركاتك او مشاركات عضو فعال !!
والعكس -- -- -- ما هو شعر الزوجة عندما تجد ان زوجها يرد عليها بكلام معسل وعلى عضوات في المنتدى !!
وبصدق واخلاص --هل من لعدل انت كمزوج ان تسمح لنفسك ان تضحك مع هذي وذيك ولا تسمح لوجتك بالمثل !!
مجرد مجموعة من التسؤلات دار في ذهني !!
---------------------------------------------------- الخاتمة ههه ----
آخر العنقود
12-09-06, 08:45 PM
-هل الجدية في حياة المراء عيب !!
--لا طبعا.
-ما هو الخلاص !!
--ما فهمت شو المقصود بيها واذا كان القصد الاخلاص فيعني الوفاء والصدق.
-هل فكرت لو للحظة ان تتزوج عضوه من اعضاء المنتدى !!
--بكل صراحه لا ولافكرت بلحظه عن الزواج.
-ما هو شعورك ان تكتشف ان زوجتك هي عضو في منتدى انت عضو فية ولك صولات وجولات فية وان زوجتك هي من ترد على معظم مشاركاتك او مشاركات عضو فعال !!
--انا اعزب.
-هل من لعدل انت كمزوج ان تسمح لنفسك ان تضحك مع هذي وذيك ولا تسمح لوجتك بالمثل !!
--انا اعزب والحمدلله ردودي بالحد المعقول.
******************
واطلب من اللي بعدي يجاوب على نفس اسئلة اخوي سكتلون...؟؟؟
شُموخيـﮯ يكسرﮒ
15-09-06, 02:39 PM
هذي الأسئله لازم توجهوها حق واحد متزوج مب انا ....
ليش انا مشغوله الحينا ؟؟
آخر العنقود
15-09-06, 02:42 PM
لانك هب فاضيه
شو رايك بقوات اليونيفيل الدوليه اللي الحين نزلت بلبنان الجريحه؟؟؟؟
شُموخيـﮯ يكسرﮒ
15-09-06, 02:45 PM
والله ما سمعت عنهم .. ما اتابع الأخبار وايد خخخ
كيف كانت حالتك لما كان المنتدى تحت الصيانه؟
آخر العنقود
15-09-06, 02:51 PM
شو اقولج بصراحه حسيت النت كلش ممل
كم منتدى مشارك فيه؟؟؟؟؟
شُموخيـﮯ يكسرﮒ
15-09-06, 02:54 PM
واااايد .....
اللي متفاعله وياهم 8 والباقي بس عضوه عاديه
وانا الحينا مشغوله عشان قاعده اكلم صديقاتي في مقهى البنات في منتدى ثاني
شو احلى منتدى شاركت فيه ؟
آخر العنقود
15-09-06, 02:57 PM
صعبه كلهم مهتم فيهم والكل اوكي
كم اكبر عدد مشاركات وصل عندك في المنتديات الثانيه؟؟؟
العاصمي
15-09-06, 03:05 PM
هنا بالمنتدى . . . . قريب بوصل 9000
كم واحد صفعت للحين؟!؟!؟!؟
شُموخيـﮯ يكسرﮒ
15-09-06, 03:08 PM
ما صفعت احد ...........صح اتذكرت مره صفعت اختي الصغيره ... بس ما تهون عليي
وابي اصفع شخص ثاني عشان ....
شو احلى سياره ؟
العاصمي
15-09-06, 03:10 PM
فيراري أف 50
وين أحلى طلعة طلعتها ؟!؟!؟!؟
شُموخيـﮯ يكسرﮒ
15-09-06, 03:13 PM
لما رحنا صلاله
شو نوع جوالك ؟
آخر العنقود
15-09-06, 03:25 PM
عندي 3 تلفونات
2 نوكيا
واي ميت
كم مصروفك اليومي؟؟؟؟
ما اعرف
يعتمد اذا طلعت من البيت ولا لا
شو اللون اللي تكرهه؟
Nourouk
16-09-06, 03:48 PM
الاصفر الفاتح
ويش تريقت اليوم
العاصمي
16-09-06, 04:56 PM
خبز أسمر بالقمح . . . وكوفي . . .
كم بريد إلكرتوني عندك؟!؟!؟!؟
حورالعين
16-09-06, 08:33 PM
واحد اشدعوى افتح اثنين
بصراحة بصراحة
تحب الصراحة؟؟؟
العاصمي
16-09-06, 08:36 PM
وفي حد ما يحبه . . . . بس أعتقد هو يموت فيني . . . . خخخخخـ
كم لك المدة القانونية قبل الإغلاق اليومي؟!؟!؟!؟!؟!
حورالعين
16-09-06, 08:52 PM
الله يستر
في أي بنك فاتح حسابك؟؟؟
العاصمي
16-09-06, 08:54 PM
البنك الوطني العماني
بنك مسقط . . . .
من وين تشتري لزوماتك؟!؟!؟!؟
حورالعين
16-09-06, 08:59 PM
يالله قلاد حتى في البنوك...!
من كل محل أشوف في شيء عيبني فيه
العاصمي
16-09-06, 09:48 PM
ترى أنا لازم أرابع معرستي وين ما تروح . . . . . خخخخخخخـ
وبعدين يالناقعة هين سؤالش؟!؟!؟!؟!؟
السؤال يقول : هل بالفعل حورالعين ناقعة؟!؟!؟!؟!
بعض الأحيان
هل صحيح في بعض الأحيان يشبهوك بلمخبول ؟؟؟
آخر العنقود
18-09-06, 02:18 AM
بصراحه اي لما العب مباراه واسجل هدف
متى بكيت اخر مره بسبب ضيقة كنت حابسه بقلبك؟؟؟
العاصمي
18-09-06, 01:21 PM
الحمد لله رب العالمين على كل حال . . . بس مرة بكيت بحرقة بسبب فقدي لشخص حبيته بصدق وفقدته بلحظة . . . . .وهذا قبل سنة تقريباُ
العاصمي
18-09-06, 01:21 PM
متى تحس إنه العالم لابد له من نهاية؟!؟!؟!؟
آخر العنقود
18-09-06, 05:11 PM
شانا متاكد وما احس بس
متى اخر مره كذبت فيها على والديك؟؟ وليش...؟؟؟
العاصمي
18-09-06, 06:41 PM
حاولت أتذكر بس بصراحة ما قدرت أتذكر موقف . . . . .
كيف تخطط لمستقبلك؟ ؟ ؟ ؟ ؟
حورالعين
18-09-06, 07:31 PM
بالعقل الراجح والذكية
شلون تلعب لعبة الصراحة\؟؟؟
العاصمي
18-09-06, 07:35 PM
بالعقل والمنطق والحقيقة . . . . . . ...
ما قولك بالأبراج؟!؟!؟!؟!؟!
حورالعين
18-09-06, 07:41 PM
كذب المنجمون ولو صدقوا ولكن رغم جي الأبراج لمعرفة شخصية الأشخاص الأخرين وأنا بصراحة أقراه علشان هالشيء بس.....
هل أنت مريض بمرض مزمن؟
العاصمي
18-09-06, 08:06 PM
لا والحمد لله . . . ..
سويت عملية قبل ؟!؟!؟!؟!؟
al-lteefh
19-09-06, 08:33 AM
نعم ...واخرها عمليه الليزر لعيوني :).....استغنيت فيها عن العدسات الحمدلله ..
معجبك وضعك حاليا ؟؟؟
آخر العنقود
19-09-06, 01:02 PM
ما اقول غير
الحمدلله على كل حال
شو الاوقات اللي اكثر شئ تتذكر فيها امك وابوك....؟؟؟
العاصمي
19-09-06, 10:46 PM
لو قلتلك الصراحة إنهم مزروعين براسي وهم فيني ومني في كل الأوقات وخاصة المرحوم أبوي . . . . . الله يذكرهم بالخير إن شاء الله . . . . . .
كم مرة باليوم تستغفر ربك؟!؟!؟!؟!؟
Nourouk
20-09-06, 02:30 PM
ما عندي وقت محدد .. بس دائما ..!
ويش تغديت اليوم ؟؟
العاصمي
20-09-06, 04:01 PM
سمك تكه . . . . مع عيش بالطريقة الصينية . . . .
جامع الناس كما تحب أن تُجامع . . . . كيف تطبق هذا المثل؟!؟!؟!؟؟!؟!؟!؟!
حورالعين
20-09-06, 06:29 PM
بصراحة الشيء إلي ما ترضاه لنفسك لا ترضاه لغيرك فمثلا أنا أحب الناس الطيبين الحبوبين إلي يحسنون الكلام وتحس في كلامهم المنفعة وعادي إذا يتغشمرون لإنه fun فأنا راح أطبق هالشيء مع الناس إلي أنا أرمس وياهم .....لإن بإختصار (جامع الناس كما تحب أن تُجامع).
أصف شعورك ألحينا؟
العاصمي
20-09-06, 10:18 PM
شعوري مثل شعور أي مواطن قاعد يشارك وياكم . . . . . . ولكن شعوري يختلف عنهم لأنه غيرهم يشاركون لمجرد المشاركة وإكتساب النقاط بس أنا غير . . . لما اشارك أشارك بشعوري وإلي يشارك بها الشعور صدقوني بيشارك بفرحة عارمة وخاصة لو كان يعرف مدى صداقة الأعضاء ها هنا . . . . . . . .
جالك تهاوشت مع وحده بالشارع ؟!؟!؟!؟!؟
الحمد لله لا يوجد
كم مره أنضربت وأنت صغير
العاصمي
21-09-06, 08:19 AM
يووووووو ياما إنضربت إلين كسروني . . . . مظلوم والسبب أخوي . . . كان مدلع واااااجد . . . . . . خخخخخخـ . . . . بس الحين أطلع حرتي فيه . . . . خخخخـ
صدمة ما توقعتها من شخص أقرب ما يكون إليك، شوي هي الصدمة ومن منو؟!؟!؟!؟!؟!؟
حورالعين
22-09-06, 05:11 PM
الحمدلله حياتي خالية من الصدمات وخاصة للمقربين مني عاد هذا مولية ما صار والحمدلله....
نفس السؤال؟؟؟؟
Nourouk
22-09-06, 09:24 PM
من .. صديقي .. عزمني على عييش بابلوه سمك .. بس كان الغداء مجبوس دجاج الصراحة أنصدمت سألته ليش .. !! فقالي عوين ما شي سمك في السوق اليوم ؟؟ وأعرفك ما تحب السمك المثلج..!وبعدين عذرته .. وضربت العيش وقلت له شي غيره ...! كان لذيذ ..!
ويش تعشيت اليوم ؟؟
ضـــوء القمـــر
22-09-06, 09:35 PM
هريس
شي سويته وندمت عليه؟؟
العاصمي
22-09-06, 11:15 PM
نازعت أخوي . . . . كان يتهاوش مع ولد الجيران . . . . . وهو كان الصحيح . . . . .
قالولك شخص الفلان ، وأنت تعرفه . . . منافق، بشو بترد ، ويش بتقول؟!؟!؟!؟!
حورالعين
23-09-06, 06:20 PM
ما بصدقه لين ما أتأكد من الخبر او أشوفه بعيوني وهو ينافق.........
ليش كل الناس تحب الفلوس؟؟؟
شُموخيـﮯ يكسرﮒ
23-09-06, 07:44 PM
انا ما احب الفلوس ... بس احب الكشخه
ولأنها صايره عديل الروح بعد .. الله يستر
منو الأذكى ......الإنسان وللا الكمبيوتر ؟
العاصمي
23-09-06, 10:39 PM
سؤال مثلك . . . الإنسان طبعاً لأنه مخترع الكمبيوتر وبعدين . . . . وفضلناه على كثير ممن خلقنا تفضيلا
عندك كتاب الله وسنة نبيه . . . . . شو سويت عشان تطبق إلي فيه للحين؟!؟!؟!؟!؟
ضـــوء القمـــر
24-09-06, 04:29 PM
أنفق بيمنك بالخفاء لكيّ لا تعلم شمالك ما قدمته يمينك ‘
الله أعلم ونقول الحمدلله وعسى الله يقدرنا ونجمع أكبر عدد أحكام ونفذها ‘
مثالك الأعلى في الحياة ....؟
العاصمي
24-09-06, 04:37 PM
المرحوم أبوي . . . وجدي . . .
حكمة دائماً ترددها ولكن لا تقوم بالعمل بها . . . .؟!؟!؟!؟
al-lteefh
25-09-06, 08:33 AM
لاتعمل عملا حتى تنظر في عواقبه ..
موقف صارلك تمنيت ساعتها انك ما انولدت على الدنيا ؟؟
العاصمي
25-09-06, 09:49 AM
شو سويتي إنتي . . . خرابه . . . خخخخـ
حرقت سيارة الجيران لأنه شتمني وشتم أهلي وما حد داري بالسالفة ليومك هذا . . . . . خخخخخـ
كم شخص موجود وياك بالماسنجر . . . وهل أنا من ضمنهم ؟!؟!؟!؟!؟! . . . . .. خخخخخـ
آخر العنقود
25-09-06, 11:38 AM
اكيييييد انت منهم عصوم
وعدهم 126
تحب تعمل شات واذا تحب مع منو تجلس تحادث اكثر شئ؟؟
حورالعين
25-09-06, 09:19 PM
أحب بس مو دايما إلي في الماسنجر وبس
وأكثر الناس أحادثهم هم إلي دوم متواجدين اون لاين واللي أسلوبهم ذوق واحترام بس أكثر شيء أشتاج حج الغايبين.....
ليش نوروك كل كلامه أكل في أكل؟؟؟؟
العاصمي
25-09-06, 10:56 PM
صايم . . . وعقله في بطنه . . . خخخخـ
بالتقريب . . . . كم عدد الخطوات التي تمشيها في اليوم؟!؟!؟!؟!؟
ضـــوء القمـــر
25-09-06, 11:07 PM
أقول العاصمي أسأل أسأله معقوله ايش عرفني كم خطوه واجد وخصوصاً بالدوام
مقلب سويته لشخص ندمت عليه ليومكـ ؟؟
العاصمي
25-09-06, 11:15 PM
خخخخخخخـ . . . . طيب . .تمام . . .
مقلب سويته الله يسلمك . . . مو لشخص بس . . . فظيع صراحة . . . شو سويت . . .:
كنت أنا وخالي قاعدين بره البيت . . . وبيتنا تقريباً مو بعيد عن الشارع . . . قلت لخالي تعال نسوي حركة بايخه . . . قالي شو ؟!؟!؟
قلتله : نحط طابوق بوسط الشارع ونغطيه بكرتون فاضي . . .، وخلنا نشوف أكشن السيارات إلي بتدعمه . . . والله وسويناها . . . . إحنا قعدنا شوي بعيد عن الشارع نشوف . . . إلا تجيك شاحنة كبيرة ، وأعتقد هو ما إهتم لأنه كرتون . . . لما جى ودعم الطابوق . . . والله في نفس اللحظة حسينا الدنيا سودت بوجهنا . . . شوي لا تنقلب الشاحنة . . . وانا وخالي شردة عالبيت . . . خخخخـ
إذاكر لنا موقف . . . ما تبيه تذكره لأحد ؟!؟!؟!؟!؟
ضـــوء القمـــر
25-09-06, 11:26 PM
حرااااااااااااااااااااااااااام عليكـ العاصمي يخرب بيت عقلكـ كذا عاد لو صاير بالرجال شي ايش استفدت من مقلب..بس اقول ترا اللي معكـ الله يصلحه قال الخال قال
مرا طاح كوب الشاي بالدوام زجاج انكسر محد جنبي الا اوقفلك خمس دقايق ربع ساعه فاكه حلقي وعيوني ولا تحركت من مكاني مصدومه من صوت الكوب وهو ينكسر..
اكله تحب تاكلها بشراهه..؟
مقلب عصابات على أحد أصدقائي كان خر مقلب
متى تم عليك القبض من جهة الأهل !!!! وماذا كان السبب؟؟؟؟؟؟؟
العاصمي
25-09-06, 11:42 PM
من زمااااااااااااااان ايام خسوفيتي . . . . . مسكوني وانا جالس ادخن . . . . خخخخـ
ونفس السؤال؟!؟!؟!؟
من زمان كنت أضرب ولد لجيران بدون سبب أشوفه بطريق أمسكه وأطيح فيه ضرب علين ما مسكوني الأهل وطاحو فيني تكسير
ويش من دول تحب ؟؟؟ وكم مره سافرت إليها؟؟؟؟؟؟
العاصمي
26-09-06, 12:05 AM
مكه . . . . أحس أحسن بقعة زرتها ولو إني سافرت أماكن ثانية بس . . مكة . . . غير . . . . 5 مرات . . . .
شو هي أجمل لحظات إنفرادك بنفسك؟!؟!؟!؟
أفكر بلي حولي
ما هو مقياس العقل
العاصمي
26-09-06, 12:17 AM
بمقدار التقوى والعلم . . .
كيف يقاس الإنسان من جميع النواحي؟!؟!؟!؟!؟
بصفاته وطيب أ‘ماله وحبه لمساعدة الآخرين وأحترامه للجميع
بماذا تصف نفسك؟؟؟؟؟؟؟؟؟
آخر العنقود
26-09-06, 12:30 PM
باللي يوصفني فيه اقرب الناس الي
واللي بعدي هم نفس السؤال
بماذا تصف نفسك؟؟؟؟؟؟؟؟؟
حورالعين
26-09-06, 04:03 PM
اصف نفسي بالصفات التي اودعه الله لي وبحكم من هو قريب مني ويحبني
متى أخر مرة كسرت زجاج النافذة؟
العاصمي
26-09-06, 05:12 PM
أتذكر وأنا عمري 12 سنة . . . . . . . وبالكورة بعد . . . .
تخطيطك للمستقبل . .. وبناء حياتك الخاصة . . . إلى أي مدى وصلت للحين؟!؟!؟!؟!؟
ضـــوء القمـــر
26-09-06, 05:27 PM
أحب اخلي حياتي للقدر واللي يجي من الله حياه الله بس يمكن بحياتي العمليه طموحه وكل يوم أتطور فيها والحمدلله
متى آخر مره بكيت ع محاسبتكـ لنفسكـ
العاصمي
26-09-06, 05:57 PM
أقرب ما يكون . . . ما بقول متى. . . . خليها على نفسي . . . وإنما أقرب ما يكون في التصور من الآن . . ..
للحين كم جزء كملت من القرآن ؟!؟!؟!؟!
ولله علم الغيوب
وين السهرة اليوم
العاصمي
27-09-06, 06:59 AM
سبحان الله . . .. . .
السهرة بالمسجد إن شاء الله . . . بتجي؟!؟!؟!؟
شو هي ردة فعلك في حالتين :
1 - سمعت أنه أخوك له علاقة بفتاة؟؟!
2 - سمعت أنه أختك له علاقة بشاب؟!؟!؟!؟
آخر العنقود
27-09-06, 09:50 AM
اخواني الكل واخواتي الكل متزوجين والحمد لله
حلو سؤالك العصمي وانا هم بسئل اللي بعدي لانه ما عندي الاجابه,..
شو هي ردة فعلك في حالتين :
1 - سمعت أنه أخوك له علاقة بفتاة؟؟!
2 - سمعت أنه أختك له علاقة بشاب؟!؟!؟!؟
حورالعين
27-09-06, 03:42 PM
إذا عرفت ان أخوي بعلاقة جادة مع بينة وهو ما يلعب عليها وبصدج يحبها بيطلبها بالحلال دام البنية أخلاق وشريفة ومافي شيء غلط في علاقتهم والريال مب ياهل هو يعرف مصلحته ومنو تنفعه أما إذا كان غير هذا راح أعارضه لإن بإختصار بنات الناس مو لعبة وإلي ما أرضيه لنفسي اشلون ارضيه لغيري....أما في حالة الأخت فأنا بنت مثلها وكل شيء يوصلني منها بلسانها مو ضروري اسمع واحاتي....
إذا انقطع عليك أحد أعز أصدقائك بسبب كلام العواذل؟؟؟ماذا سيكون ردة فعلك؟؟؟
العاصمي
27-09-06, 03:59 PM
وليش تسمع كلام العواذل على قولتك . . . صديقك وأنت أدرى فيه وهو الأكيد بيكون أدرى بيك . . . والمفروض ما يكون بيكون كلام الناس . . . . ولو إن اللسان ما فيه عظام . . .
شاب أنت تعرفه إنه مؤدب وخلوق. . . . بس دائماً تشوفه يجالس الشباب الصيع . . . شو نصيحتك له؟!؟!؟!؟!؟!
حورالعين
27-09-06, 04:02 PM
لا يتوقف نصيحتي له حتى أراه شخصا مستقيما يصاحب الأخيار......
أحد السور القرآنية الطويلة تحفظه عن ظهر قلب؟؟
العاصمي
27-09-06, 04:06 PM
يوسف . . . والكهف . . . .
كم سرعتك المعقولة إلي تسرعها بالشارع؟!؟!؟!؟!
حورالعين
27-09-06, 04:09 PM
ما شاء الله الله يزيدك.......
ما اسوج......
وانت؟
حورالعين
27-09-06, 04:10 PM
عااااد انت اكيد تطير العصافير إلي بالشارع من سرعتك الزايدة......الرادار ما سلمت منك...!!
العاصمي
27-09-06, 04:14 PM
ما أزيد عن 200 . . . . ترى السرعة يقتل . . .خخخخـ
الله يسلمك أنا على حدود 100 - 120 . . . . عنبوك. . . وين بمسقط بالله عليك بتقدر تسوق أكثر من 40 . . . .
شو نوع سيارتك المفضلة؟!؟!؟!؟
مسكـ سلطآني
27-09-06, 06:54 PM
بيكاب 1640م
خخخخخخخ
شو الاكلة اللي كليتها اليوم الساعة 12 الظهر ؟؟
الطائر الحزين
27-09-06, 11:47 PM
كليتيها مخذوفه أكلت وجبات مو بس وجبه
ويش أحساسك بعد الأفطار
أحسا س الصائم الفاطر خخخخخخخ
ويش كانت الوجبه الحساسة بلأفطار
آخر العنقود
28-09-06, 12:03 PM
الاكلات الثقيله
من هو اخر شخص تحب تكلمه بالليل قبل النوم...؟؟
العاصمي
28-09-06, 01:56 PM
الوالدة . . . . . . .
شلون تحب تنام؟!؟!؟!؟
آخر العنقود
30-09-06, 10:29 AM
مثل ما متعود انام
كم مره تفرش اسنانك باليوم...؟؟
شُموخيـﮯ يكسرﮒ
30-09-06, 10:58 AM
مرتين
شو سلبيات شوق الغرام وشو اجابياتها ... عااادي اذا ما في اجابيات بس تكفون قولوا شو سلبياتي عشان اغيرها .. والله ضميري قاعد يأنبني .. ؟
آخر العنقود
30-09-06, 12:10 PM
انا بصراحه ما اقدر اجاوب هالسؤال لاني ما اعرفك معرفه شخصيه فما بقدر احكم
وبسئل اللي بعدي نفس السؤال وانشوف شو جوابه
صالح الشريف
01-10-06, 05:07 AM
اممممممممممممممممممم
سلبياتك احيانا تفكري تتركينا وحنا نصعب نستغني عنكم
وايجابياتك طيبة قلبك
al-lteefh
01-10-06, 06:45 AM
وين سؤالك صالح ؟؟؟؟
وش اللي يجذبك لمنتدى رمسات عمانيه ؟؟بكل صراحه؟
آخر العنقود
01-10-06, 09:22 AM
ما فيه مضايقات والحمدلله وهم بعيد عن المناقشات الحاده
هل فكرت بترك منتدى رمسات وليش...؟؟
شُموخيـﮯ يكسرﮒ
01-10-06, 10:55 AM
هيه فكرنا ... وجربنا .. بس ما قدرنا ع فراقكم ... ورجعنا انا وسويره شفتوا كيف معزتكم عندنا .. وان شاء الله ما نكرر هالشي
شو اخر كلمه نطقتها ؟
حورالعين
01-10-06, 08:50 PM
هههه حلوة السؤال
أعتقد (تروحي).
في موضوع قرايته في منتدى أن المرا تنطق في اليوم أكثر من 4000-8000 كلمة والريال 2000-3000 كلمة فقط وهذا يأثر طبعا لإن الريال وهو راد البيت يكون ماله خلج يرمس لإنه نطق بالشغل أكثر من 2000 كلمة أما المرا فيكون بعد عندها تقريبا 5000 كلمة ما جالته بعد فترمس ويا ريلها مع ندرة تحدث الريال وهذا إن دل على شيء دل على أن المرأة كثيرة الكلام وهذا فطرة ولابد ان من ورائه حكمة كبيرة يجهلها الناس ولكن وحده علام الغيوب يدري......
تلبس تقويم؟
skeleton
09-10-06, 02:29 AM
لا و الحمد لله --
-----------------
كم صديق لديك !؟
وكيف تعرف الصديق من الرفيق -- وهل الصديق مثل الرفيق -- ؟؟
--------------------------------------------------------------------
كم صديق لديك !؟كثير
وكيف تعرف الصديق من الرفيق -- بالتعامل معه
وهل الصديق مثل الرفيق -- ؟؟لا طبعاً
ما هوه الفرق بين الصديق والرفيق
al-lteefh
09-10-06, 08:12 AM
الصديق ...من صدق معك في كل افعاله واقواله ..وشاركك في افراحك واتراحك ..
الرفيق ...هو من يلازمك فتره من الزمن ومن ثم تفارقه
متى اخر مره قبلت فيها راس الوالده ؟؟
حورالعين
09-10-06, 04:57 PM
قبل يومين
تحب تسخر من الناس ولا الناس يحبون يسخرون منك؟
العاصمي
19-10-06, 12:51 PM
السخرية لا أما المزاح الخفيف الغير جاد فالإثنين . . . . . .
ما هي الكيفية في تشكيل ألوان الطيف ؟!؟!؟!؟!؟!
حورالعين
19-10-06, 01:43 PM
إذا قصدك أشلون نبينها فسهلة الطرقة تجيب مراية مجابله الشمس وتحرك لين ما يظهر لك الإنعكاس والألوان...
أما إذا قصدت مزج الألوان ف هم بسيطة....
في بنزين في سيارتك؟
آخر العنقود
19-10-06, 03:48 PM
خخخخخخ
فيه فل وبعد التانكيين تو معبنها فول قبل لا ادش الرمسه
تحب تعمل ربشه بالشاطئ,,,...؟؟؟
حورالعين
20-10-06, 02:15 PM
في الشاطئ مفروض تأخذ حريتك
تعض أصبعك في الأوقات الصعبة؟
ضـــوء القمـــر
21-10-06, 02:11 AM
لا ما أعض بس أسوي شي أدمر أنتف شعر راسي أو أمسك راسي أخاف أقول كلمه وتعتبر كفر مثل ليش كذا يصير معي بس الحمدلله عودت نفسي ما أنطق هالعبارات
كلمه دائماً بلسانكـ والكل يعرفكـ فيها
skeleton
21-10-06, 03:32 AM
oh yeah ,, او هيي يالحبيب
--------------------------------- عموما" كل عام وانتم بخير ومستانسين و فرحانين وماكلين وشاربين ومتهنين وسعيدين ووووو مسوينهن كلهن ---- ههههه --- عيد سعيد والكل سعيد -- و ان شاء الله ينعاد علينا وعليكم بالصحة والعافية والخير والبركة و امن و السلامة --
---------------------------------------------------------------------------------------------------------------------------
----------------------------------- لا تنسو تشوفوا -- تلفزيون عمان يوم العيد -- يطلعو فية اغنية العيد و عادل امام -- وشوية سخافة من سخافاتهم يلي ملها الجميع --- مسكين مستبلي يلي ما عندة دش ----- !! ما عندهم في الاستوديو غيرهن --- فقراء ----
عموما" ---- من كم بيت تاكل في العيد !!
--- و اي واحد من جيرانك يسوي اجمل اكل !!
--- و لما اخوانك يسوى المشاكيك -- تتسنق وتروح تلهف واحد !!
---- كم مرة اخوانك الصغار يجو لعنك وانت جالس تقطع لحم --بين لمة عشان يطبخوها ---- وهل تعصب عليهم من كثر ما يسوقو الاحم -- ولا احد من حيانك الاكبار يتنازع !!!
-------------------------------------------------------- كم ثور تذبحو !!
حورالعين
21-10-06, 12:15 PM
هههه أسئلة يبالهم جلسة خاصة
تذبح ولا تُذبح يوم العيد من الطلبات؟
العاصمي
21-10-06, 12:48 PM
شكلي بيذبحوني في الشغل . . . .
كم زكاة النفس إلي بتخرجها في العيد . . .. ؟!؟!!؟
حورالعين
21-10-06, 12:51 PM
ماماتي تدري عن هالشغلات
اصابعك متورمة؟
العاصمي
21-10-06, 01:01 PM
لا الحمد لله . . . أصابعي مثل ما هم . . . . . وبعدي ليش ما تسألين ماماتش عشان تعرفين المقدار وتتعلمين من الحين . . . .. خخخخـ
تلبس نظارة شمسية لما تطلع ؟!!؟!!؟!!؟
حورالعين
21-10-06, 01:06 PM
مافيني بعدين لما يحين الوقت هي ماما ماسكة زمام هالأمور
لازم نلبس نظارات شمسية لإن شمس عمان ما ترحم سكانها
آخر العنقود
21-10-06, 01:18 PM
ووين سؤالك هاه...
تحط كريم واقي للشمس لما تطلع مكان بيه شمس..؟؟؟؟
شُموخيـﮯ يكسرﮒ
21-10-06, 01:38 PM
اكيد عشان احافظ على بشرتي
تلبس جوتي وللا نعال
skeleton
21-10-06, 02:12 PM
يا اليل --- حسب --- بس في البلاد نعال --
--- كم عمر اصغر ولاد عم اخوك ؟؟
------- تشوف قنات عمان !؟؟
حورالعين
21-10-06, 03:55 PM
أكيد أشوفه
تفشلت اليوم؟
ضـــوء القمـــر
21-10-06, 03:59 PM
لااا ا اا ا ا ولله الحمد
كم مره خانتكـ عيونك ونمت في الدوام ..
حورالعين
21-10-06, 04:02 PM
ولا مرة
كم مرة تتثاوب قبل لا تنام؟
skeleton
22-10-06, 01:26 AM
ولا مرة ---لوووووول - -- انا اذا جت انومة -- لا تثؤب ولا هم يحزنون -- نوم سريع -- مشاء الله علي -- -- ما كاني اريد 3 ساعات قبل النوم اتقلب عشان انام --!!
كم عمر اصغر ولاد عم اخو ابوك !!
ضـــوء القمـــر
22-10-06, 02:48 AM
وليش كل هالخربطه قول ولا عم أبوكـ لا حووووول
طيب والله ما عرف بس أظن ما بين 6-5 سنوات صغار :biggrin:
كلمه سمعتها وعمركـ ما رح تنساها ...؟؟؟
صالح الشريف
22-10-06, 04:30 AM
غلاااااااااااااااااي
اخر يوم اشتريت فيها مجله متى وايش هي المجلة
حورالعين
22-10-06, 01:20 PM
اختصر الطريق يعني ولد عم أبوي
تقريبا في الثلاثينات أو نهاية العشرينات
كم مرة تمشط شعرك باليوم؟
ضـــوء القمـــر
22-10-06, 03:54 PM
يعتمد حور لانه شعري ما كثير يتعفس وأحبه وهو ع وجهي :biggrin:
شي سويته وللحين ندمان عليه
حورالعين
22-10-06, 08:32 PM
الحمدلله ولا شيء أندم عليه
شعرك يتساقط؟
العاصمي
22-10-06, 09:35 PM
الحمد لله . . . لأ . . . . .
فيك شعر اساساً . . . خخخخـ . . . .؟!؟!؟!؟!؟؟!!
ضـــوء القمـــر
23-10-06, 12:04 AM
والله فيني ومن التفكير نصه بالزباله
يوم تبكي كيف طريقة في البكي :frown:
skeleton
23-10-06, 02:05 AM
-- غريب - اقوم اقطع بصل !! -- سرعة في الادء ودقة و جودة الفعالية -- !!!
-------------------------------------------------------------------------------------------------------- كثر لحظة تحسب فيها بالراحة !؟؟
حورالعين
23-10-06, 11:51 AM
لما أكون في جو هلي وأحبابي
اكثر شتمة تتعامل معه؟
العاصمي
23-10-06, 12:08 PM
صراحة وبدون مبالغة . . . ما جالي تعاملت من شتيمة . . أعوذ بالله من الشتيمة . . . . ولكن أحسن طريقة بالموعظة الطيبة وبالحسنى . .. .
شو هي أكثر شيئ يعجبك في العيد؟!؟!؟!؟!؟
ضـــوء القمـــر
23-10-06, 03:00 PM
النوم :biggrin: تعويض للأيام اللي قبل ..
متى يتحركـ أحساسكـ..؟؟
العاصمي
23-10-06, 05:24 PM
أكثر في الصلاة . . . وعند سماع بكاء طفل . . . .
متى تروح البر؟!؟!؟!؟!
صالح الشريف
23-10-06, 05:54 PM
في العيد وايام الكشتات مع الشباب
ااين تجد المتعه ؟
حورالعين
23-10-06, 06:43 PM
في كل ما هو ممتع ومريح
ما أكثر شيء تتمناه حالياً؟
العاصمي
23-10-06, 10:28 PM
رضى والدتي وإن شاء الله دووم راضية . . . ورضى الرحمن . . . . .
فيك حالة نفسية معينه؟!؟!؟!؟!؟!؟
صالح الشريف
24-10-06, 01:09 AM
ايوه اذا احد ضايقني
هل عندك عاده تفعلها قبل النوم
skeleton
24-10-06, 02:00 AM
اكييييييييييييد -- يعني افكر بالنوم -- وبعد ثلاث ساعات انام --- !! --
شو اخبارك؟
صالح الشريف
24-10-06, 09:12 AM
بسط وعال العال الحمد لله
وين رايح اليوم
skeleton
24-10-06, 12:00 PM
klcc -- اتغدا وراجع -- يعني نوع من تغير الجو -- عشان العيد -- -- ولو ان ماشي عيد بعيد عن الاهل --بس الحمد لله الشباب فرفشة -- وبيني وبينك كلها سعتين وراجعين عندنا امتحانات الله يجيركم !!
تحياتي وخالص تقديري
كيف العيد !! -- ويش افضل اكله لديك !!
صالح الشريف
24-10-06, 01:50 PM
العيد عال العااااااااااااااال
واحسن اكله السمك
اين تقيم حاليا
العاصمي
24-10-06, 03:12 PM
في محافظة مسقط . . . . .
من بداية إبحارك في الإنترنت إلى الآن . . . ماذا إستفدت منه . . . . وماذا أفدت غيرك؟!؟!؟!؟
صالح الشريف
24-10-06, 07:34 PM
استفدت معرفة اناس اعتز بصداقتهم ومعرفتهم وافدت غيرك اترك الجواب لهم
كم من الوقت تقضيه على النت
الشامخه
25-10-06, 01:09 AM
و الله يعتمـــــــد احيان ( ساعه ) و احيان ( 3 الى 4 ) اذا كان لشيء مهم و ضروري ..
طيب متى اخر مره سافرت ؟؟ و ع وين كانت السفره ؟؟
صالح الشريف
25-10-06, 02:58 AM
خارجيا اخر مره سافرت اليمن
هل تحب المسئوليه ؟
شُموخيـﮯ يكسرﮒ
26-10-06, 02:11 PM
الصراحه مسؤليتي كبيره
متى تكره نفسك ؟
صالح الشريف
26-10-06, 04:13 PM
اكره نفسي اذا وجدت ما يكرهني نفسي
هل لديك حساسية ضد شي معين ؟
حورالعين
26-10-06, 08:57 PM
لا والحمدلله
هل عيونك حساسة؟
العاصمي
27-10-06, 01:36 AM
إذا شفت شيئ أقدر أغيره وما غيرته . . . . . . . اقعد طول الليلية أفكر وأعاتب نفسي . . . . .
من هم أولى الناس أقربهم إليك بالوصال إحساناً بالمعروف ؟!؟!؟!؟!؟!
حورالعين
27-10-06, 11:36 AM
من حولي وأهلي وأحبابي
هل انت حقود؟
ضـــوء القمـــر
27-10-06, 11:52 PM
ما أقدر أقول ياليت لانه الحقد صفه ماهي للمسلمين .. والمشكله طيبتي الزايده عن حدها مسببتلي مشاكل ونسياني للإساءه بسرعه تجرحني لان الناس تفهمها خطأ وهي أساساً نعمه من رب العالمين ..
من هو الانسان اللي يهمه وجودكـ بحياته ..؟؟
حورالعين
28-10-06, 05:27 PM
واااايد ناس
من أهم أهدافك في هذه الحياة....؟
العاصمي
28-10-06, 05:57 PM
الرقي . . . . .
شو برنامج لبكره؟!؟!؟!؟!؟!؟!
حورالعين
28-10-06, 06:13 PM
برنامج طويل مالي خلج أذكره
نشيد أثر فيك كثير؟
شُموخيـﮯ يكسرﮒ
28-10-06, 07:33 PM
فرش التراب ...لمشاري العراده
متى اخر مره عورك راسك ؟
ما أذكر
متى آخر مره عورك ضرسك ؟
آخر العنقود
28-10-06, 10:58 PM
في الحادث قبل سنتين تقريبا
شو تعمل لما تعرف انه في شخص يحبك وانت ما تعرف وتتفاجئ بأنه عائلتك يكلموك عن الارتباط به...؟؟؟
ضـــوء القمـــر
28-10-06, 11:47 PM
انزل راسي وأسوي كذا خخخخخخخخخخخخخخ:biggrin: والله ما أدري بس لازم أنزل راسي أنا أستحي هههههه
أكثر شي تكرهه في شخصكـ..؟؟
العاصمي
29-10-06, 03:02 AM
الهدوء الشديد . . . . .
الصراحة . . ز مبالغة أم مجاملة ؟!؟!؟!؟!
ضـــوء القمـــر
29-10-06, 03:18 AM
تختلف من شخص لآخر أحياناً أحس صراحتي توصل للوقاحه بس والله نيتي نظيفه وما بها شوائب ..
من أكثر شخص تقدر تصارحه بالكوامن اللي داخلكـ..؟؟
العاصمي
29-10-06, 03:40 AM
خالي . . . . أقرب الناس لنفسي . . . .
ماذا يعني لك النت؟!؟!؟!؟!
شُموخيـﮯ يكسرﮒ
29-10-06, 10:38 AM
هوهو ... تسألني عن النت ... كل شي
شو اسم الدلع مالك؟
حورالعين
29-10-06, 07:01 PM
في وايد ههه مثل حور ولولي ولول وملاك .........
اكره شيء عندك في الدوام؟
لما المديرة والمنسقة ومشرف أول أنشطة وباقي المعلمات ما يقدرن الشغل اللي أسويه واللي يفوق شغل كل وحده فيهن
شو أكثر شي تحبه في الدوام ؟
جاسم الباسم
29-10-06, 11:23 PM
اكثر شي احبه بالدوام هو اننا نعمل كفريق عمل ..يعني ما شاء الله كل اللي يشتغلوا عمانييين من مدراء عموم الى اصغر موظف وكلهم فريق واحد .... وشباب بنفس الوقت ...وربشة عمل غير عادية ... وضحك وجد بنفس الوقت ... وكل واحد مننا يغطي على اخطاء الثاني لدرجة ان رحلاتنا وسفراتنا تكون مع بعض... وما نحس بالوقت رغم ان دوامنا اكثر من 10 ساعات ... والحمدلله رب العالمين اني اشتغلت ضمن هالفريق الرائع
هل انت مواضب على قراءة القرآن بعد شهر رمضان ؟؟؟؟؟!!!!؟؟
العاصمي
29-10-06, 11:36 PM
الحمد لله رب العالمين . . . أنقر على خواني من فجر الله خير . .. . وعلى الوالدة من بعد صلاة المغرب . . . بس اليوم للأسف ما لقيت فرصة . . . .
تصلي النوافل ؟!؟!؟!؟!؟!
ضـــوء القمـــر
30-10-06, 01:56 AM
الحمدلله بس ما دايم
a rosy glow
30-10-06, 08:32 AM
أنا ايه الحمدلله
سؤالي ..
كيف رمسااااات بدووون رووووووووووزي ؟؟
شُموخيـﮯ يكسرﮒ
30-10-06, 09:29 AM
اوووووووووووووه ...
صح روووزي اشحالج .. وينج عن رمسات ..عرفتيني وللا بعدج
تحب الزعل لسبب تافه ؟
حورالعين
30-10-06, 04:53 PM
بس تغلي
منو جرحت اليوم؟
ضـــوء القمـــر
31-10-06, 02:05 AM
الهندي اللي معاي بالدوام كل شوي هاهاهاهاها صرخت عليه :biggrin: شريره أدري..
أحلى شي صار معكـ اليوم..؟؟؟
شُموخيـﮯ يكسرﮒ
31-10-06, 10:34 AM
قعدت اوزع ابتسامات من الصبح ... الكل مستغرب مني... حتى اللي ما اعرفهم
شُموخيـﮯ يكسرﮒ
31-10-06, 10:35 AM
قعدت اوزع ابتسامات من الصبح ... الكل مستغرب مني... حتى اللي ما اعرفهم
كم وزنك يا دب ؟
a rosy glow
31-10-06, 12:54 PM
مافي دب فيه دبه
والله والله انه اخر مره كان 45 :(
ضعـــــــــــــــــــــــــــــــــــــــــفت
انقهرت والله
بزيد بزيد ان شاء الله وبستوي دبه
كم طولك ؟؟؟
صالح الشريف
31-10-06, 01:12 PM
153
متى اخر مره زرت فيها جار لك ؟
حورالعين
31-10-06, 04:08 PM
هم زارونا لإن صار معنا مناسبة مفرحة
هل تخانجت مع أحد من رعك؟
ضـــوء القمـــر
01-11-06, 01:04 AM
الحمدلله لا أحب ربيعاتي معهما صدر منهن كلنا لبعضنا
وش تسوي لو صار معكـ 1000ريال عماني من جد ما لأنكـ الحين برمسات بتكون مثالي ...؟؟؟
صالح الشريف
01-11-06, 01:11 AM
اذا معاي 1000 ريال عماني بحوله لسعودي على طول خخخخخخخ
لو طلبت منك انك تختار افضل 3 اعضاء مثالين في المنتدى من تختار بكل صراحه
شُموخيـﮯ يكسرﮒ
01-11-06, 03:01 PM
اممممممممممم
هلاااااا بأخونا سعيد العامري
بعدين بقول لك
تسمحولي اغيب كم يوم ؟
حورالعين
01-11-06, 03:59 PM
غيبي
آآفاااا ما تهوني علي كنت اتغشمر وياج
لا وألف لا تغيبين ما ينفع بعدين الشوج بيذبحنا هههه
في اي يوم انولدت؟
مسكـ سلطآني
01-11-06, 04:33 PM
8/10/1992
يوم الاربعاء .. الساعة : 6:15 المساء
عيل انت اي يوم انولدت ؟؟؟؟
حورالعين
01-11-06, 04:39 PM
الإثنين الساعة 8 و30 دقيقة وخمس ثواني وعلطول ع النور ههه
متى آخر مرة زرت مريض؟
مسكـ سلطآني
01-11-06, 04:46 PM
اممممم ما اتذكر مرة زرت فيها مريض
كم عمرك ؟؟؟؟
حورالعين
01-11-06, 05:06 PM
على عدد صفحات هذا اللعبة بس نقصي سنة
أحلى لعبة عندك؟
صالح الشريف
01-11-06, 07:25 PM
كلها وخصوصا قمة الوناسه وقمة القهر
ضـــوء القمـــر
02-11-06, 02:58 AM
صالح اليوم إنت ما ع بعضكـ وين أسألتكـ...؟؟؟
شخصيه تحبها بالمنتدى ...؟؟
العاصمي
02-11-06, 08:01 AM
عنيقيد وجاسم والوضاحي . . . . عيون المها صفاء القلوب . . . وهــج
شخص أو أشخاص تفتخر كونهم موجودين بالمنتدى . . . .. . ؟!؟!؟!؟!؟!؟
شُموخيـﮯ يكسرﮒ
02-11-06, 11:26 AM
واااااااااااايد
بدون ذكر اسماء
عضو تحب اسلوبه ؟
ضـــوء القمـــر
02-11-06, 02:55 PM
كثار بس يعجبني كثير أسلوووب سكلتووووووووووووووون..
شي تفتخر فيه بحياتكـ..؟؟
صالح الشريف
02-11-06, 04:19 PM
لو قلتي اشياء لاجبتك
الشي اللي يضايقك كل ما مر في ذهنك
ضـــوء القمـــر
02-11-06, 04:24 PM
صالح طيب أنا طلبت من الواجد واحد ... شخص تحبه ويكذب عليكـ
مشكله بحياتكـ وملازمتكـ..؟؟
صالح الشريف
02-11-06, 06:18 PM
طيبتي الزايده
رايك في العولمه وما وصلت اليه ؟
حورالعين
02-11-06, 08:47 PM
شو هو العولمه؟؟؟
شُموخيـﮯ يكسرﮒ
03-11-06, 04:09 PM
يعني انا ... صايره عالمه ... بعدج ما تدرين يا حور ×خخخخخخخخخخخخخ
اذا قلت لكم قلبي يعورني ... شو تنصحوني اسوي .. عشان اطيب ؟؟؟
العاصمي
03-11-06, 05:13 PM
الله يطيبها لك إن شاء الله . . . بس غذا يعورك بالفعل أنصحك تروحين المستشفى عسى الله يشفيك إن شاء الله . . . .
شو الفرق بين الإجازة والعطلة ؟!؟!؟!؟!
مسكـ سلطآني
03-11-06, 05:30 PM
الله .. اش كثر افرح لما اشوف هالكلمتين .. وناااسة
شكلي اتهرّب من السؤال هههههههههه عادي ماعلي بتسامحوني هالمرة صح ؟!
اصلاً مافي فرق ... سيم سيم
بكرة مدرسة صح ... من يروح عني ؟؟؟
صالح الشريف
03-11-06, 07:17 PM
انتي روحي عن نفسك ؟
كيف تتعامل مع من تود ؟
العاصمي
03-11-06, 10:26 PM
عامل الناس كما تحب أن تُعامل . . . .
وبسأل السؤال مرة ثانية . . . . شو الفرق بين الإجازة والعطلة ؟!؟!؟!؟!
صالح الشريف
03-11-06, 11:04 PM
الاجازه هي الاجازه
العطله = البطاله
ماذا تفعل لو فقدت الثقه فبمن تحب
ضـــوء القمـــر
03-11-06, 11:08 PM
بدأ التفلسافه يالله بسم الله
الاجازه قد تكون إنت طلبتها يعني إجازه سنويه أو مرضيه أو إضطراريه المهم إنت اللي تبغيها ...
العطله هي إجازه رسميه مثلاً إجازة عيد الفطر أو عيد الأضحى أو اليوم الوطني وكذا ما أدري صراحه هذا تخمين العاصمي ززززين .. ياررررررب يطلع صح :biggrin:
من هو الشخص اللي كل ما مر طاريه تبكي ..؟؟؟ إذا العاصمي بيقول الوالد الله يرحمه صرت فاهمتكـ هههههه
صالح الشريف
03-11-06, 11:12 PM
لااااااااااااااااااااااا
انا بقول ( .......... ) انسانه احبهاااااااااا
Powered by vBulletin® Version 4.2.5 Copyright © 2024 vBulletin Solutions, Inc. All rights reserved