اللهجة الحجازيه على مر العصور*



اللهجة الحجازية :*

هي لهجة أهل المنطقة الغربية في السعودية وتتمركز بالذات في مكه وجده والمدينة والمدن القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل*

وطبعا تختلف لهجة العجايز عن الجيل الحاضر ..

لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة


في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها :


اندر بره : اخرج*

العن سنسفيلك : اهزأك*

اديلو : اعطيه

الدهليز : مدخل البيت

الكرتة : الفستان*

الكندره : الجزمة اكرمكم الله*

القنعه : العبايه*

الكرويتة : دكة خشبية*

الزقاق : الشارع الضيق


دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم

دحديرة : نزلة او منحدر

الدبش : اغراض العروسة قبل لا تتزوج*

القابلة : بكره = اللي تولد الحوامل*

المملك : المأذون الشرعي :D*

الدقيسي :الفراغ اللي تحت الدرج أو المخزن

المرقعة : الدلع والمياعه في الكلام والتصرف

يتتريق : يستهزء

اللغوصة : نقل الكلام وتسبيب المشاكل

الدحلسة : اذا كنت بتتمصلح مع واحد عشان تبغى منه شي تقول يدحلس .


هججوني : ازعجوني*


قوامن : بسرعه , حالاً



المرمشة: يمين بالله علينا كلمات فلّه*



الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام*


العكننه : وهي التنكيد على شخص معين،*


و في مصطلحات كتيرررررررررر غيرها .



*اعرفكم على بعض الامثال الحجازية وراح اشرحلكم معناها واتمنى انها تعجبكم ..

كل حبة مسوسة لها كيال أعور

شرح المثل : يعني أي انسان مو كويس يلاقي انسان مو كويس زيو*

روح يا ناكر خيري بكرة تشوف زماني من زمن غيري

شرح المثل : يعني جرب انسان غيري عشان تعرف قيمتي

اللي اخذ القرد بماله يروح المال ويبقى القرد على حالو

شرح المثل : يعني الرجال الي اتزوج بنت مو حلو بس عشان فلوسها كتير

حيجي يوم الفلوس تروح وتفضل مرتك الوحشه في وجهك ونفنس المثل*

ينطبق على البنت الي تتزوج واحد رجال قد ابوها عشان فلوسو إذا

اللي يشوفني بعين اشوفوا باتنين

شرح المثل : يعني في احد يحبني ويعزني انا احبو واعزو الضعف يعني

اكتر

اللي ماله أم حاله يغم

شرح المثل : يعني لا قدر الله الي امو مامتت او ابوه طلق امو وابوه

رباه حالتو تكون صعبه

الام تعشش والابو يطفش

شرح المثل : يعني الام تحب وتظلل على عيالها والابو يطفشهم ويطلع عيونهم

كنس بيتك ورشوا ما تدري من يخشوا

شرح المثل : يعني اهم بنظاقة بيتك وكنسو لانو في ضيوف يجو من غير

موعد يعني يجو فجأه

إذا حلقوا لغيرك بل راسك واستنى

شرح المثل : يعني ازا خاويت واحد لسانو طويل وقبل كدا طول لسانو*

واطاول على غيرك اكيد حيجي يوم ويهزئك زي ما هزئ الي قبلك

البيض الفاسد يدحرج على بعضه

شرح المثل : يعني الناس البطالين يعني مو كويسين يمشو مع بعض*

وافكارهم وحده*

بعد ما أكل واتكا قال ريحته مستكا

شرح المثل : يعني بعد ما نصب عليك واكل فلوسك كلها خلاص سرت ما تنفع*

ولا بقرش

ست وجاريتين على قلي بيضتين

شرح المثل : ينقال على بنات ما يعرفو يسو شي في البيت ولمن يبغو*

يسو حاجه يجمعو الناس كلها عشلن يساعدوهم

خاتم بفصو وكل شيء ترصوا

شرح المثل : ينقال للانسان الي ينقل كلام يعني الفتان الي ما تنبل في

فمو فوله

خشوني لا تنسوني ولعوا الشمعة وشوفوني

شرح المثل : ينقال للانسان الملقوف ويتلقف في كل شي

جبنه في فم غراب

شرح المثل : يعني حرمة بيييييييضه وزوجها اسود عبد خخخخخخ

أعمى ويلضم خرز

شرح المثل : يعني واحد رجاال فيه العيوب كلها سوء عيوب اخلاقيه او

شكليه ويتكلم في الناس وفي اخلاقهم وفي اشكالهم

حبيبك يمضغ لك الزلط وعدوك يعد لك الغلط

شرح المثل : هوا مفهوم يعني حبيبك يتحمل عيوبك ومشاكلك وكل حاجه*

فيك وعدوك يستنى منك زله*

داخل مع بيت العروسة نادر مع بيت العريس

شرح المثل : ينقال للشخص الي ينقل كلام بين الناس*

يا ريتني بيضة وعرجه اصلوا البياض فرجه

شرح المثل : دا للبنت الي تحنس صاحبها السمرا وفرحانه ببياضها هههههههههههههههههاااااي

أكلوا الملوخية وصاروا افندية

شرح المثل : ينقال للناس الفقره الي اول ما ربنا فتح عليهم شافو

نفسهم وصارو مغرورين

باب المجلس يقول لباب السطوح الي يجي يجي والي يروح يروح

شرح المثل : يعني ما همك في احد الي يجيك يجيك والي مايجي هوا حر

اذا عشقت اعشق قمر واذا سرقت اسرق جمل

شرح المثل : برضو مفهوم ويعني البنت ازا حبت تحب واحد حلو*

المثال ينطبق على الولدكمان

نشفت البركه وبانت ضفادعها

شرح المثل : ينقال للناس الي تمدح نفسها الكدب وتتفشخر ولمن تحق

الحقايق ويجي الصح يطلع كلامهم كدب في كدب

هي رمانه ولا القلوب مليانه

شرح المثل : يعني وحده تمشي مع صاحبتها وقلبها شايل عليها ومستنيه*

منها غلطه صغيره او زله

الكبير لما يدلع زي الخشب لما يتخلع

شرح المثل : يعني الكبيره لازم يكون راكز ويبطل دلع ومياعه وصرقعه

هههههاااي

الي ما تقدر تدوسه بوسه

شرح المثل : يعني الانسان القوي الي ما تقدر عليه امشي معاه بطيب*

وبالكلمة الحلوه

من خلى نفسو قمامه بعتروه الدجاج

شرح المثل : ينقال للانسان الي ما يخلي لنفسو قيمه بين الي اصغر منو*

وما يحترمو*

اصبر على جار السوء يا يرحل ياتجي له داهيه

شرح المثل : يعني اصبر الين ربك ما يحلها من عندو*

وسلامتكم

دي بعض من الامثال الحجازيه وان شاء الله تكونو فهمتوها من الشرح واي كلمه ما تفهمو ها قولولي هيا وانا اقولكم معانها ويارب تعجبكم*