حروف شعر وحب لعيون شوفي

[عمانى وافتخر]

حروف شعر وحب لعيون شوفي

---

إيه أعشقك وأكتب لك الشعر بحروف
وانثر على صدرك معاني حروفي

وأدلعك وأحطك داخل الجوف
وارسم أنا صورتك وأقول شوفي

يجتاحني في غيبتك هم مع خوف
ويبدد حضورك همومي وخوفي

إن جيت لك تقرين بعيوني حروف
حروف شعر وحب لعيون شوفي

وأقرأ أنا بعيونك العشق وأشوف
وأهيم بك لامن لمستي كفوفي

ابعشقكك لو كنت أحلام وطيوف
وأموت وأحيا فيك يا أجمل طيوفي

أنتي ملكتي يا الغلا حسن ووصوف
مهما وصفتك ما تكفي وصوفي

[المقاتل]

صح لســـآن كاتبها ,, و تسلم يمينج يالغلا على روعة الإنتقاء ..
استمتعت جدا بروعة هالقصيدة ,, لا خلا و لا عدم و بإنتظار جديدك ..^^

[عاشقة السلطنة]

إن جيت لك تقرين بعيوني حروف
حروف شعر وحب لعيون شوفي

وأقرأ أنا بعيونك العشق وأشوف
وأهيم بك لامن لمستي كفوفي


صح لسان الشاعر وتسلم يمينك أخوي على الاختيار الرائع..

في انتظار جديدك المميز دائما