||ظاهرة زواج السر!!||

[عاشقة السلطنة]

بسم الله الرحمن الرحيم

السلام عليكم ورحمة الله وبركاته

طبعا يمكن انتوا مستغربين ليش سميتها ظاهرة.!!

بصراحة الفترة الاخيرة جاتني اخبار كثيرة..فلان طلع متزوج وعنده اولاد..وهو من الاساس عنده زوجة واولاد الله يحفظهم..وفلان بعد متزوج من سنة وعلان من كم شهر وهذاك متزوجله مغربية.!!!

انا ماضد الزواج للمرة الثانية بالعكس الاسلام حلل التعدد..بس اللي يقهر ليش السر؟؟

اذا انت واثق من اللي تسويه..فليش تخفي عن زوجتك؟؟..يعني حلوة الكلام يدور حوالينها وهي مثل الاطرش في الزفة؟!!

حلو تسمع من الغريب..وياريت تسمع الحقيقة..زيادات وبهارات بدون تقصير.!!

شو بتخسر لو انت خبرتها بالموضوع من بدايته؟؟ لا تقول خايف على زعلها وخايف بيتك يتدمر واولادك يتشتتوا!!..لأنك بكتمانك الموضوع عنها..كبرت الموضوع ودمرت بيتك بالفعل!!..تتوقع الجرح اللي بيجيها منك لو سمعت من برى نفسه لو انت بنفسك خبرتها وقلتلها الاسباب؟؟!!

صدقني الجرح بيكون اعمق بكثير ويمكن حتى صعب يلتأم وصعب ترجعلك نفس ما كانت قبل..يعني بتصيرلك زوجه توفرلك حقوقك لأنه واجبها وبس..!!

هذي وجهة نظري واعذروني عليها..انتظر آرائكم

[ذوق وراسي فوق]

سبحان الله
صح والله قهر...
إذا هو ما غلطان ليش يخفي؟؟

[عاشقة السلطنة]

تسلمي الغلا ..أسعدني مرورك ومشاركتك في الموضوع..

وترى هذا حالهم غلطانين بس يدوروا لنفسهم مليون عذر!!

[بـغـداد]

فعلا انتشرت وايد هذي الظاهرة ،،
اللي متزوج هندية في الهند ، وصعبه ان اولاده يكتشفوا ان لهم اخوان في الهند !!!!

[عاشقة السلطنة]

تسلمي غلاتي على مرورك ومشاركتك الطيبة.. لو ما كان مستحي من تصرفه كان اشهره قدام الكل لكن ما نقول غير الله يهديهم

[ميامين]

صحيح والله هذي الظاهرة منتشرة كثيييييييييييييير عندنا

[عاشقة السلطنة]

اشكرك غلاتي على كرم مرورك ومشاركتك

ربي يحفظك

[مجنون تايه]

خخخخ عشان ماتزعل الأولى لااا

[عاشقة السلطنة]

شووووف انته يعني هي كذا ما بتزعل.. اما انك صح حكرات مجينين

شوووووووووكرن كثييييييييرن خيوو على كرم مرورك

[طبعي الوفا]

امممم أول اشكرك ع الموضوع الحمااسي
أنا معك بالكلام بس ف شي مو معك هع الزواج محلل4
ماعنده طريقه غير يخبي الزواج لان الزوجه مرح ترضى
فأحسن مايلس يعور راسه يستر عمره