صفحات من مذكرات مواطن عماني

[عاشقة السلطنة]

الاجواء الرمضانية أجبرتني اتذكر مواقف رائعة عشناها في طفولتنا في هالشهر الفضيل

كنا لما يقولوا بكرة رمضان نشوف حريم الحارة يروحن البيوت القريبة يتعذرن من اهلها ويباركولهم بالشهر..والابتسامة تملأ وجوههم الطاهرة..

أذكر قبل لا يأذن المغرب امي تطرشنا بيوت الجيران نودي لقيمات ولوبيا ومن اللي مسوينه..
والجيران هذا حالهم كل من طبخ شي وداه لجاره..يالله حلاة ذيك الايام الواحد يتذكرها ويحزن على الحال اللي هو فيها..

أتذكر بعد حريم الحارة اول ما يأذن العشا شلن شلولهن وراحن المسجد يصلن التراويح ورى الامام عاد الله يعين على صلاتهن حريم من يتولفن لازم حش في الخلق ما يرومن يصبرن

واتذكر اخواني بعد صلاة التراويح يروحوا الملعب يلعبوا لين الساعة 1 بالليل وطبعا نطرشهم يجيبولنا مشاكيك معهم..

والشي الحلو اللي ما انساه..بحكم ان في رمضان الليل يصير كانه نهار يعني رمسات وسوالف كانن عجايز الحارة يتجمعن في بيتنا ع الساعة 10 تقريبا ونجلس حواليهن نسمع قصص ايام زمان ايام الكفاح والتعب وكيف كان رمضان على ايامهم وكانوا يحكولنا عن المسحر اللي يصحي الناس للسحور سمعنا منهم قصص حلوة كثيرر وممتعة..

هالاجواء يمكن للحين موجودة في البلد بس للأسف مسقط معدومة من هالمظاهر الطيبة اللي تحسس الواحد انه صدق في شهر كريم ..شهر صلة الرحم فيه تكثر مو شهر نوم ومسلسلات!!

هذي صفحة من صفحاتي اللي احن لها كل يوم واتمنى لو ترجع هالايام الحلوة بطيبها

[الجمان]

تسلمين يالغالية على الفكرة الحلوة
لي عودة بمذكراتي الرائعة

[عاشقة السلطنة]

يسلملي مرورك اللي نور الصفحة

يالله فدوووو لاتتأخري علينا ننتظر الصفحات الجميلة من مذكراتك

[عاشقة السلطنة]

احم احم تو تذكرت موقف هو بصراحة بسويله كوبي بيست من مذكراتي مال الكلية مالي بارض اكتب

اتذكر في الأدفانس ((يعني المستوى المتقدم في الفاونديشن)) خبصونا ب((ICDL))..وعااااااد يوم دخلنا اول امتحان كيف نتنافض وحالتنا حالة...((تقولوا داخلين حرب))..وطبعا 90% من الطلاب رسبوا في اول امتحان بس الحمدلله عدينا الثاني.. يمكن تستغربوا وتقولوا الموضوع سهل بس كانت السالفة في بدايتها والامتحانات بالانجلش والاجواء كلها توتو وخبصيشن ولا تنسوا هذا كان من ايام الغوص لما كنا فاونديشن يعني بالعماني ((صعايدة(

فالادفانس الناس يذاكروا التوفل ((كنا مسمينة طابوقة من ثقلة))..وهذا كان لازم نعديه عشان نكمل دبلوم او بكلوريوس طبعا حسب النتيجة..وانا خبر خييييير ما عرفت دربه الا قبل الامتحان بيومين!!!

قبل امتحان الفاينل(( بندت الكهربا))..كان الامتحان الساعة 5 العصر..كنا متجمعين في السكن وقبل الوقت رحنا شلة كبيييييييرة للفاونديشن والتقينا بمجموعة كبيرة من الشباب ..بس..قبل ما نوصل الفاونديشن قالولنا روحوا البزنس...((عاااااد لو تشوفوا شكلنا تقولوا مظاهرة..أو هوش بلا راعي))..ولما وصلنا نص الطريق رجعونا الفاونديشن ونحن ناقعين ضحك من الخاااطر..((ولا كأنا رايحين نمتحن^_^))..

امتحنا...,نجحنا...((ولله الحمد))

وصااااااااار وقت التوفل..رحنا الكلاسات..وعطونا الدفاتر اللي مشمعه..بدانا نحل والرهبة موجودة في الكل بس ما أعرف كيف كنت مروقة ع الاخر أكل لبان وأحل.((ماشي شغلة اللي يسمع يقول مرررررة البنت بلبل في الانجلش))..وواحد كان جنبي ينط من كرسية يشوف ورقتي اوين يريد يغش((يالبغام ورقتك غير ..وكلنا خسوف ماشيين ع قاعدة لون واربح!!!!))..

وخلصنا امتحانات وجاء وقت نتائج التوفل..عاد انا اللحين طلع من عيني هذااك اللعب وبغيت اموت لين اعرف درجتي طبعا البنات خبروني متاخر وانا كنت طالعة ازور عمي وما اعرف رقم شؤون الطلبة عشان اتصل وصديقاتي الحمدلله معدلاتهن حلوة واغلبهن ولله الحمد بيكملن بقر وتيوس قصدي بكلوريوس بس انا من يجيبلي نتيجتي من

المهم انتظرت لحد ثاني يوم والتوتر لاعب لعبته ما تهنيت نوم قمت من الفجر لا غسلت وجهي ولا سويت شي سيييييييييييدة ع التلفون واتصلت بالرقم اللي عطوني اياه البنات يوم عطيته رقمي قالي مبروك اختي درجتك (..) قلتله آآآآآآه أخوي تاكد

قال متاكد عاد انا وزعت رقمي ع البنات ونفس النتيجة وطبعا وزعت بارد ع الشعب في البيت ما شوية بكلوريوس وانا ما مذاكرة مثل الخلق

المهم خلصنا ذيك الايام بجنونها وهبلها وهذي صفحة ع السريع من مذكرات عشوووقه

[الجوهرة المكنونة]

ICDLأنا ما قدمت فيه مع انه كان ينفع اقدم فية قلت ما ادور رأسي فيه ...

ههههههه صدج والله ذكرتيني بأمتحان التوفل لون وأربح والحمدلله حصلت درجة لكن استحقها لاني مو مثلك ذاكرت من فوادي ورفضت اطلع لمل يطلعوا الأهل وحلصت حتى درجة بقر وتيوس مثل ما يسمى لاه والشي الظريف كنت جالسة عند ولد يسئلني الأجابات وأنت عارفة ما شي وقت ومن كثر العصبية قلت كون حرف v,N ,M Zاي شي ترا ما شي وقت ههههههه..
تسلمي أخيتي
ربي يحفظك أكملي وبأذن الله نحن لك متابعين

خــــالــــص الــــود

[عاشقة السلطنة]

هههههههههههههههههههههههههههههه

صح والله هالتوفل بروحه حفلة قالولنا شوفوا تراها معروفه اذا اول 5 اسأله طلعت A خطفوا على 10 A واللي بعده نفس الحالة اول حرف اللي بعده يكون نفسه وبغيتي الصدق لعبت فيها وآخر شي جلست اعد اللي يطلع رقم عشرة احطه هههههههههههههههههههههههههه كيف حصلت بقر وتيوس ما اعرف

وبعدين كيف اذاكر حووووه ما كتاب طابوقه اتخيل عمري كل يوم اسحبه معي الكلية عز الله جاتني عصبه انا يومين وعقيته في الكبت


يسلملي مرورك الرائع غلاتي وترى هالصفحات لكم بعد يعني موقف منا مناك في البيت او الكلية سدحيه هنا

[هيبة ملك]

[هيبة ملك]

[هيبة ملك]

[هيبة ملك]