* سباهوك * جرمن *
السلام عليكم ورحمة الله وبركاته
بيبلاااا ,,, باااتي ؟!!!
يا حيهم ,,, ومرحبا فيكم ياأهل رمسات الغالين ,,, تشتوريه ,,, شخباركم ,, عساكم تيكه وفنتاستيك كل يوم ..!!!أأممممم جايب لكم ,,, شي ,,, عسى ,,, وأتمنى ,, أوصل البسمة لقلوبكم ,,,,!! وأعذروني مقدما ع الاطاله ,,.,.!!
اليوم وكالعادة نهظت من الغبشة ,,, وسرت وخبشت ,, ولبست دشداشتي ,,, وشربت لي كوب شاي كرك ,,,!!
وإنتصلت حال سباهوك ,, ع أساس لنا صديق إسمه أبو داود من ولاية بهلا ,,, المسكين صار له حادث تتدهور بالسيارة ,,!! فعّزمنا اليوم أنا * نوروك * وأصدقائي المقربين * سباهوك * و * جرمن * ع أساس نروح نزور أبو داود البيت ونحمد له ع السلامة ,,,!! فتحركنا بسيارة سباهوك الكشرة إحنا الثلاثة ,,, يصرفها من سيارة ما طاعت تمشي أكثر عن 110 km/h ..,..,. عصب صديقنا *جرمن* وقال اليوم الجمعة ,,, ورانا صلاة الجمعة وبهلا بعيدة ,, ما جاين نوصل بالزمان بذي السيارة ,,, فغيرنا السيارة ,,, أخذنا سيارة * جرمن * يعزك لاندكروزر V8 ,,, وتوكلنا ,, وإحنا ف الطريق صادفنا نقطة تفتيش شرطة ,,,!! الحظ إن الشرطة طلعو من معارف ,, * جرمن * فنزلنا وسلمنا عليهم وسولفنا معاهم شويه ,,, وقالنا حد من الشرطة ع وين رايحين ,, رد * سباهوك * رايحين بهلا ,, قال الشرطي :- ما شي خطورة عليكم ؟!!! ضحكت أنا من السوعال ( قصده السحر ) ... رد * سباهوك * هاعه صانا متحصنين زين زين ,, قال الشرطي توكلو ,,!! وتابعنا الطريق ,,,!! ودار السوالف بينا ,,, والصراحة * سباهوك * عينه ما شاء الله تصيب ..!!
بس هو حبوب ,, ونشمي ,,!! وإحنا ف السيارة ,,لمّا نتجاوز أي سيارة * جرمن * يزر السيارة ,, هنا يقول * سباهوك * حشى ما سيارة ,, نوروك شوف كيف تنطلق كما الرصاصة ,,,,!!وأنا أنبط من الضحك ,,,!! وأقول غابت السيارة ,,,!!أرجوك * سباهوك * ترا الجو سواهيب وحرارة ,,,!! لا تقول شي ههههههههههههه ,,,!! *وجرمن* يعصب ويقول ,.!شهد عليه نوروك كان أستوى شي لسيارتي ما يلوم إلا نفسه ,,,!!وأنا أضحك وأقول ما عليك منه ,,, حط عليه 150 و 160 عشان نوصل بسرعة ,,,!!! المهم ,,, وصلنا إلى بهلا ,, وبعدين جانا طريق ترابي 6 km تقريبا ,,,!! *وجرمن* يمشي 50 بس ,,, عصب * سباهوك * قاله سرع شويه صاه لو تمشي كذاك بتخترب السيارة ,,,!!! حط ع السيارة لا تكسلها .. قال * جرمن * مو باغي تكسر لي سيارتي ,,,,,,,,!! قال صاه ذي دفع رباعي ,,,!!!! قلت له * سباهوك * ذي ما بيك أب ..!!المهم وصلنا بيت * صديقنا أبو داود * أستقبلونا أخوانه ,, فرحبو فينا , الصراحة ناس طيبين جدا, المهم دخلنا المجلس وشفنا صديقنا وتطمنا عليه ,,!!وسولفنا وضحكنا ,,,!!! وترخصنا منهم ,, وإحنا طالعين من بيتهم ,,,رافقونا إلى باب الحوش ,,,!! قبل لا نركب السيارة ,,, * سباهوك * شاف شجرة شريشة عودة مسويه ظله كبيرة قدام بيتهم ,,,!! قال * سباهوك * هؤ ع ظلة ذي الشريشة أكيد أهل حارتكم يستظلون تحتها وتكفيهم ...!!! ,, أنا كنت واقف وعندي * جرمن * وأبو داود * وأخوه * ,,,, أنا الصراحة ضحكت ,,,, وبعد شويه .... قبل لا نركب السيارة ,, أنفلقت الشريشة نصين ..!!! كنت متوقع ,, أستغرب أخو * أبو داود * وهز راسه ... وأبو داود ضحك صاه يعرفه ,,,!!! *وجرمن * فاك ثمه من الصدمة ,,,.!!! المهم ترخصنا منهم وركبنا السيارة ,, وطلعنا من بلادهم ,, وركبنا شارع القار ؟.؟!! وهنا ,, كان الوقت متأخر .. قريب صلاة الجمعة ,,!!!المهم ,, * جرمن * قال لازم تتغدو عندي ..!!! وأنا صاني مخبر أم العيال تزيد غداكم ...!!! قلناله لا يارجال ,, قال أبدا .. غداكم عندي ,,.!!
ما بغينا نزعله ...!!! المهم فاتنا صلاة الجمعة وإحنا ف الطريق ,, فوقفنا عند مسجد صغير ,, وصلينا سفر ..!!!
وبعد ما ركبنا السيارة ,, قال *سباهوك * عاد ما تواير ع ذي الكلوزر ,,,!! قلت له الشيمة ما فيني أنزل أغير تاير ف ذي الحرارة ,, خلينا نوصل بيتهم * جرمن * وهناك عاد تخترب السيارة عاد ما مشكلة ههههههههههههههه ..!!!! قلتله ما يسدك قسمت الشريشة نصين .؟.؟؟.؟!! قال ذيك بروحها أنقسمت ..,.,,!!!بروحها هاااه .؟.!!! هههههههههههه.!! المهم أحنا ف الطريق كان * جرمن * يسرع كثير ,, قال * سباهوك * هذي السيارة الصح..! ما سيارتي الكشرة ,, من تحط عليها تنطلق كما صاروخ سكود ............ !!وأنا من سمعت ذي الكلمة ضحكت ,,,!!!! وقال * جرمن * يصرف بليسك .,.* سباهوك * ..!!! خلينا نوصل البيت ونتغدى ونعين خير وبعدين قول بو تبغاه ..!!! والحمد لله وصلنا بالسلامة إلى بيتهم * جرمن * ,,!!! دخل السيارة داخل البيت ونزلنا ودخلنا المجلس ,,!!! وسار * جرمن * جاب لنا غدا .!!أكلنا الحمد لله ما قصر ,,!! وشاركنا الوجبة ولد * جرمن * سعيد ,, السنة بيروح صف 8 ..!!! وكنا نوكل الغدا .. قال * سباهوك * ل * سعيد * أريدك تروح معاي وتراويني النخل اللي زارعنهم أبوك والليمونه ,, قال * جرمن * لا تشله صاه بيبسهم ............!!! قلتله يا * جرمن * خليه يشوف النخل هههههههههههه .,.!!! قال حشى ههههههههههههههه ... وأنا وسباهوك نضحك من خاطر ,,,,!!! ما قصر * جرمن * أكرمنا ,, الصراحة ,,.!!
والعصر توكلنا ,,,!!!
وش وش ....!!!!
 |
 |
|
رد مع اقتباس
.gif "Icons Uu1 (10)"){kind=icon}
مواقع النشر (المفضلة)