العجايز||موزة ومريم||وتطورات العصر

[تفاح اخضر]

يالله ياحلات هالشهد الغاوي بو يسقيونا منه كل يوم ،،

عسى ان شاء الله مايخلص إلبر

[يهمكـ من آكونـ]

ههههههههههه تسلمين فدو
والله اسلوبك مرررررررررره جنان

[عاشقة السلطنة]

ياااااااا مرحبا وسهلا بنتي قربي تقهوي

يسلملي مرورك الفنتكييشن

وانتظري هاليومين بنزل قضية غاوية

[العرندس]

نعيش ونشوف
ونريد نشوف كلام العجايز هيش عندهن ما أشوف شئ جديد عندهن
وعند اليايز كل شئ يايز

[عاشقة السلطنة]

صبر ولدي صبر لا تستعجل جايتنك الخروفة الغاوية
ترى حبوتك كان عندها متحانات مو تسوي

[غموض الورد]

عاد ان شاء الله حليتي زين ~ بالتوفيق عمتي ^^

[عاشقة السلطنة]

من عمتش يو بنتي انا حبوتش ما يحتاج تصغريني هذيك مريوم المخرفة ما يعجبها يقولولها حبوة عوين مو هازتلكم منزكم وامووو

الحمدلله بنتي خبصت كمين تخبيصة غاوية

[عاشقة السلطنة]

اليوم جايبتلكم قضية غاوية بخبركم سالفتها

ذاك اليوم كنت رايحه السوق شفت ولد جارتي مسكين حاجبه منشطف عورني فوادي عليه قلت اكيد حد فالعنه بجلاس والا بحصاة حادة شاطفتله اياه كذاك يوم قربت عنده جلست اشوف عليه واتحسس جبينه يقولي حبوه ايش فيش مغيبة شي في وجهي؟؟

قلتله ولدي من فالعنك احيدني الاسبوع الماضي شايفتنك بخير؟

قاللي ماحد فالعني!!

قلتله عجب مو فيه حاجبك منشطف اكيد الحلاق قصه وانت ما عندك خبر ولدي

عاد هنا صلووح فك حلقه وقالي آآآآآآآآآآىه انتي هذا قصدش يوم تقولي متعور

لا حبوه هذي موووووضة كل الشباب والفنانين يسوو كذا

قلتله بختك باه نوبة باكر سير حفهن انزين

و روحت عنه و شفت نوبة كمين بنية حشا نعم الحواجب تقولوا اعوذ بالله وحدة فيها سرطان وطايحات عاد قالت فضيحة اخليهن كذا قامت شلت الوان خواتها الصغار وصبغتهن وحدي ما رمت اكلمهن بكلم من واخلي من السوق كله كذا من هالمنكر..

طلعت من السوق معورني فوادي على هالصغيرين بو تجننوا وقاموا يخسفوا بخلقة ربهم

حتى الشباب قاموا يحفوا حواجبهم ويصبغوهن

وهذي الصور نموذج صغيرون عن الواقع






عاد اريد رأيكم الصريح في السالفة

)))النمص لدرجة شيل الحواجب بالكامل..وشطب الحواجب تقليدا للغرب)))

[عاشقة السلطنة]

السلااااااااااام عليكم

كيف حالكم عيالي عساكم طيبين؟؟

الله يسلمكم اليوم جبتلكم سالفة حازة في خاطري على بنات اليوم

البنت يوم يجي الشاب يخطبها عوين ماباااااااااه واااغشي انا اتزوج واحد اسمه خميس ايش اقول حال ربيعاتي زوجي اسمه خموووس وع
والا جمعة والا خلفان والا والا..

اذا ما اسمه عادل والا طارق والا خالد..يعني اسم حلو ما اباااه

واذا اسمر شوية ماتباه اوين بعدين ربيعاتي يضحكن علي

وهذا طويل وهذاك قصير..هذا متين وهذاك ضعيف

هذي خلقة ربكن سويدات الوجه

ولا عااد الخير عند بو تجيبه عند اهلها وتقولهم هذا اللي اريده زوجوني اياه والا بشكيبكم في المحكمة

وولد عمي ماباه امراض..ولد جيرانا ماباااه ضاربني يوم صغيرة

تو خبروني هالبنات مايبالهن عصى محناية ومدهونة بسمن على ظهورهن عشان يصطلبن

مو رايكم انتوا عيالي في الخروفة

بذمتكم يا عيالي هذي حالة عند بنات اليوم

[اسلام]

طبعآ عادي كل وحدة على راحتها يقول الرسول تنكح المرأة لجمالها نسبها وحسبها وهذة الأشياء لازم تكون في الشاب حتى ..والبنت لازم تتزوج اللي هي تبيه وترتاحله لانها اتكمل حياتها معه كامله.
ومو لازم كل الناس تكون نفس التفكير حبوه