العجايز||موزة ومريم||وتطورات العصر

[عاشقة السلطنة]

أبداااااااااااااااااااع ربي يحفظكن وتعمرن أكثر وأكثر علشان نعرف سوالفكن أكثر أكثر
,,

يا حياااا الله ومرحبااا ببنتي الغاوية نورتينا اليوم..
ما يهمش يووو بنتي بتجيش الخراريف الغاوية

[غموض الورد]

[تفاح اخضر]

أنا هناااااا يووووووووووووووووو اختي مريوووووووووووووم مو هناك عندش تنهميني

سمعتش تقولي باية خيزران وانا بعدني ازيدش زنوبة وحبة عسو اندوش هاه

وعاد تراني جايبتلش العسو بكبرة عشان تكسريه في ظهورهم

احسنتي ماقصرتي يوم جبتي الزنوبه والعسو

بس نضربهم واحد واحد واولهم العرندس

[تفاح اخضر]

عاد الله يسلمكم بخبركم عن سالفة فتوح ام كشة وبي بييه مالها,,,بيكون تعرفوها فتوح هذيك الدغما بو ما بغت ولدي عشان اسمه جمعة

المهم يا عيالي ذاك اليوم سرنا انا وجمعان وخطفنا على مريوم شليناها معنا رايحين نزور حرمة اخوي سعادة أم سويدة الوجه فتوح

مسيكينة وحليلها الحرمة عويقة شوية قلنا نشرف عليها

المهم عاد يوم وصلنا البيت جموع راح عنا وانا مريوم دخلنا صوب سعادة لقيناها نايمة وحدها مسيكينة في الصالة وماحد جالس عندها وهي حرمة مريضة

سلمنا عليها وجلسنا معها عاد يوم سألتها عن فتوح وحالمووو مخلتنها وحدها قالتلي عوين فتوح في حجرتها عاد صارلها بيكون شهر ما تطلع تجلس معهم عوين مشغولة
ما اعرف مو ذا المنكر بو شاغلنها عن اهلها

عاد انا قلت اروح اناديها تجي تجلس عندنا شوية

دقيت الباب لين تكسرن صبوعي ما فتحت ولا ردت

وحدي ما حرصتها سيدة دخلت ولقيت البنت متيبسة ماشي يتحرك فيها غير صبوعها وعيونها
قلتلها فتوووح ما ردت مرة ومرتين وثلاث ولهي الحالة قلت البنت فيها سقم
ونهمت مريوووم قلتلها يوووووووووووووووووووووووووومريوووووووووووووووووووم تعالي هنااا

جات مريوم مسيكينة تركض واندبغت عند الباب زين ما افتلعت

كلمتها يووو بنتي فتوووح مو فيش ما تردي

ما ردت عليها وذيلاك الصبوع يتحركن والعيون يترقصن وما اعرفها مو حاطة في ذنينها وشوية تضحك وشوية تسكت أظن البنية جنت

عاد مريوووم ما سوتلها سالفة راحت صوبها وشلت التلفون من يدها عاد هنا البنت طشت كنه لادغنها حنش اوين انتوا كيف دخلتوا هنا ومن سمحلكم

قالتلها مريوووم..وابوي عليش وابوي سويدة الوجه تعالي ضربينا بالمرة هذا جزاتنا خايفين عليش قلنا البنت مريضة نجي نشوفها خطفي قدامي اشوف جلسي مع امش والا تو بسقيش بهالخيزرانة امش مريضة ترريد اللي يساعدها وانتي خاشتيلي في حجرتش
عاد تعرفوها فتوح ام لسان ما يحتاج اخبركم عنها تبقبقت لين قالت بس لكن طبعا ما يخفى عليكم ان العجوز مريم ماحد يروم عليها خلتها تروح غصب عن خشمها الصالة

لكن اسميها من دخلت الصالة وهي مصدعتنا معنا وما معنا نعم صبوعها ملزقات في ذاك التلفون وكل شوية طرن وطرن لوعتلنا كبودنا وكل ما نقولها شي لازم نعيده مية مرة عشان تسمع

عاد مريوم ارتفع ضغطها ولوحت عليها بزنوبة جاتها سيدة في الراس قالتلها خطفي من قدامي اشوفش لا اللحين اكسر هالمنكر بو ماسكتنه فوق راسش

وراحت فتوح ام كشة كالعادة وهي تتبقبق وخبرتنا سعادة ان البنت من اشترت هالتلفون ماشي غير ماسكتنه لا متفيقة تاكل ولا متفيقة تطلع حتى يوم تجلس مع الاوادم تجلس على صوب وتخاسي هالعلة البي بيه مالها

قلنا عسى ربي يهديها ويهدي هالشباب بو هالتلفون طفرلهم بعقولهم وعيونهم وبعدهم عن اهلهم واصحابهم..

المهم جلسنا مع سعادة وسليناها وبعدين جانا جموع وشلنا في الطريق خبرناه عن فتوح قال يو ماااه ما فتوح وبس بو كذا حالتها تعالي السوق والمراكز بتشوفي الخير حتى الشياب والجهالوه عندهم وكل واحد يمشي ويدعم مرة جدار ومرة يندبغ والدنيا ماشية..الله يصلحهم..

بس يا عيالي هذي قصتنا مع البي بي والمرة الجاية ان شاء الله نشوفكم من خروفة جديدة تتكلم اكيد عن قضية جديدة

حبوتكم مورة
حبوتكم مريم

وحدي فيني غم عليها ،، وانتي تو ذكرتيني بهالفتوح الدبه ،،
يالله انها هلكتنا هلكتنا من صدعان ذاك البيييرييييي



اقول يو حبتي كيف الـ E5 معااش ؟
عاجبني صراحة ،، بس اخاف استوي كما فتوح ،،

لووووه وحدي محرووزه عنها ،،



فديتش عجوز موزة عالسرد الغاوي ،،

[تفاح اخضر]

أبداااااااااااااااااااع ربي يحفظكن وتعمرن أكثر وأكثر علشان نعرف سوالفكن أكثر أكثر
,,

واابوي بايتنا نعمر !!

لووووه وحدي ما بايه اعمر ،، يسدني لين الاربعين وبس

بايتنا نعمر ونشوف بلاويكم !! وحدنا ما فينا شدة ترفعولنا ضغطنا ،،




فديتش زهرة الورد عالمرور الحلو

[تفاح اخضر]

اقوول ختيه موزة ،، مو ذا المنكر بو منتشر تو في البلاد ،،

اشوف وااجد سيارات عليهن رقم ابيض ترس الدعنه ،، لا وتحصلي وحدة مسويه برج العرب اتقول مسابقة اطول برج عرب ،، المهم تحصلي وحدة يا اما تنزل من السارة وتروح سيارتها او تنزل من سيارتها وتركب ذيك السيارة بو عليها رقم ابيض ،،


كييه مو صاير !! وين ما اروح اشوف مثل هالموقف ! موو هناك ،،
تسريب عمال واامووه



قسم بالله ما يخافوا ربهم ،،



يبالنا نرش مبيدات حشرية في مسقط وونظفها من الحشرات الطائرة والزاحفة ،،




الله يهدي الجميع ويزيدهم عقل ،،

[عاشقة السلطنة]

هييييييييييه
والله يوخيتي حتى أنا شفت هالرقم واجد هالفترة ما اعررف مو السالفة يبالنا انا واياش نركب كماهن في وحدة منهن عشان نعرف مو هناك؟

والا اقولش ما أظنهم يركبونا غير من نصبغ وجوهنا اخضر وازرق ونستوي كما حمار الزط ونركب صفرية فوق راسنا بيكون بنعجبهم ذيك الساعة مو شورش يو مريوووم؟

[تفاح اخضر]

وابوي وابوي وابوي
حااااااااااااالموووووه نركب بياهم ،،

كيه هذول جايين يترزقوا من نوع اخر ،،

لو وحدنا محروزييييييييين نركب بياهم ،،

بس يوم تشوفي كما ذي الحالة اتصلي على 9999
وعطيهم رقم السيارة وخبريهم عن المكان


مالنا احنا ننظف بلادنا وهم يوسخوها !!!!





ورشيهم بملح وفلفل ،،

[عاشقة السلطنة]

هيييييييييييييه كذا السالفة عجب معذرين ما نبغى نركب معهم

[غموض الورد]