حكتلي جدتي قصة||تعال||شوف وش قالت..

[مشاعر]

عادي فدووو انسخيها واقريها ع الراحات في البيت حماااسيشن تراها بتفوتك


ننتظر قصتك غلاتووووو

تماموووووووو بنسخها وبسويها مفكره
وبخليها بتليفوني وبقرأها

[عاشقة السلطنة]

اتمنى لك وقت ممتع معها فدووو

[مشاعر]

حبوووووووووه هاي قصتي سرقتها من النت بس تراها حلوه عيبتني


يالله أخليكم مع القصه ووقت ممتع ..



عوية الذيب



كان يا ما كان في قديم الزمان وسالف العصر والأوان ... قبيلتين يتكارهون ولا يطيقون بعض ... الله قدر ان رجال من وحده من هاي القبايل يتزوج حرمة من القبيلة الثانية ... المهم في فترة من الفترات اشتدت الخصومات بين هالقبيلتين وصار بينهم ما يشبه الغزو ... قاموا اخوان الحرمة وشالوا اختهم من عند زوجها ورجعوها لقبيلتهم ... وبعد فترة والحال كذا ... الزوج بعيد عن زوجته ... اشتاق الزوج لزوجته وايد واشتاقت بعد الزوجة لزوجها .... حاولوا انهم يحصلوا طريقة يقدرون ابها يتلاقون بدون ما يدري احد لين اتفقوا مع حرمة عجوز من قبيلة الزوج انهم يلتقون بالليل وتكون الاشارة ان الرجال يعوي مثل عوي الذيب ثلاث مرات لما يوصل عند خيمة زوجته ومرت الايام والحال كذا ... كل ما اشتاق الريال لزوجته راح لخيمتها وعوا ثلاث عويات لين تطلع زوجته ويلتقون ..

المهم يا أخوان انه بعد مده من اللقاءات حملت الزوجة وصار بطنها كبير ... اخوها افتشل وقال شلون هاي تحمل وزوجها بعيد عنها فقرر انه يقتل اخته... البنت خافت وقررت تخبر اخوها عن اللي صار وبالفعل خبرته عن لقاءتها مع زوجها بالسر ... قرر الاخو انه يتاكد وتنكر على انه ضيف نازل عند القبيلة الثانية ويوم وصل لمجلس زوج اخته اخذ الربابه وانشد

يا ذيب ياللي تعوي بآخر الليل
ثلاث عويات قويات وعجاب
ما ندري بعدها عاد وش سويت
يوم الثريا انجلت والقمر غاب

عاد الزوج فهم ان هالرجال هو زوج اخته وان سالفتهم انكشفت وخاف على زوجته فاخذ الربابه ورد عليه

انا اشهد اني في قراكم تمشيت
واخذت شاة البيتت من بين الاطناب
على النقى والا الردى ما تقهويت
وردوا نسايبنا يا عريبين الانساب

وعرف الاخو ان اخته صادقه ورجع لقبيلته شال اخته وردها لبيت زوجها
وعاش الزوجين بسلام وجابوا توم بعد

حلوه صحيح ؟؟.

[عاشقة السلطنة]

يسوووووووووووشن الغلا يسلموووو ع القصة الفنتك

[مشاعر]

يسوووووووووووشن الغلا يسلموووو ع القصة الفنتك

ربي يسلمك حبووووووووووتي