باص الرمسات في محافظة مسقط

[العرندس]

وليش ما كتبتوا تحت الساائق /// جـــــــراح ,,,,

عاد سامحنا جراح الفلوس ماكفت عشان نضيف إسمك وبعدين ماشي مكان نكتبه
لكن ماعليه إذا حصلنا بنضيف الإسم .. فالك الطيب
بس اهم شئ لاتسرع تراه واجد شكاوي عليك إنك تسرع وتخوفهم ..

[العرندس]

هلا بيكم ,,,
محد من مسقط بيعزمنا ع بيتهم ,,,
ولا الكل بخيل ههههه,,,
يالله الي مسقطاوي بنروووح صوووبه ,,,
الي من مسقط يرفع ايده

هلا بيك اخوي .. أنا ماإني من مسقط أنا من دارك الباطنة أصلا بس صار لي سنين ساكن في مسقط وعاد من اهلها حاليا ..
ومايهمك طال عمرك أنا عازمنكم .. طال عمركم ..
لو عاد بتخسرونا لكن الخسارة خسارة الروح واهم شي تجمعكم بيننا
وهذا لكم وعاد السموحة منكم على التقصير

تفضلوا ياجماعة الخير ..



لا احد يستحي الدار داركم .. تفضلوا بالهناء والشفاء

[العرندس]

آحم آحم نحنـ هنـآ ,,,



آحنـآ آللي وراء ترى خـآيفين هذآ جرآح يسرع وآجد وبصرآحه
نريد نرفع قضية لإدآرة آلبـآص ’’’

عاد ماترفعوا قضية مرة وحدة الله يهديكم ...
وماعليه منشان جراح بنخبره إنه مايسرع وهذا يسمعني .... جراح اخوي عن السرعة ورفقا بالقوارير ..
وماتخافوا تراه لو يسرع بس عنده واجد كنترول بالسياقة وتحكم في الطرقات ..

[العرندس]

جراحووووووووووووووووووووووه مووووووووو قلت تزيدالسرعة!!!!

صبر ولدي صبر بربط زنوبتي عشان ما تطير ورى ويسرقنها البنيات من زمان غيرانات منها

وليتات نوبه سامعتنه باغي يسرقها من زمان

ههههههههه .. لا لا ربطيها زين عن تطير عجب .. ههههههه
وتراهم مترصدين لها

[العرندس]

ههههههههههههههههههههههه عشوووقه ..,<< تحذروآ بنآت الي ورآ


من في مسقط ... يله عآد نبآ نسير صوبه .. عآد ثلاث آيآم ..كآن مآفي كلاااافه


جرآح آذآ تعبت ترآآآ فيه آحتيآآآط ....>>> آنــآآآآ هون....برآآآآآآآآآآآآأآأآ بس

نعم إنه تحذروا لاتطير الزنوبة في راس حد منكن ...هههههه

انا من مسقط حاليا ولكم عزيمة وحدة .. بس عاد ماثلاثة أيام
تغدوا معي وروحوا عند عشوقة هناك بتباتوا .. وبتسويلكم الاكلات الشعبية الغاوية ...
وهاك تفضلي حياك الله غلا زايد مع الجماعة قربي واكلي على راحتج ..

[العرندس]

غلاوي فديتك تعالوا صوبنا بنسويلكم سحناة عوال مرة غاوية..

لكن عاد من تو اقولكم كل واحد يجيب فراشه معه ما فاتحة دكان في البيت
وعاد لا تتأخورا باغية احكيلكم حكاية غاوية

مخبرينهم إحنا من اول إن كل واحد يجيب فراشه معه واللي مايجيب خليه ينام على الأرض ..
وعاد هال هالله بالاكل الزين حبوه تراني انا خلصت اللي علي
وعاد ننتظر الحكاوي الشعبية .. نترجاها

[العرندس]

يله يآجمآعه نروح صوب عشوقه .... تجهزي الشعب كله عندج الليله ككككك



ترآني خوآفه بس آحب حكآوي مرعبه هههههههههه >> طسي بس

عيل وين متحدث الرسمي للبآص رمسآت ...

احم احم .. غلا .. انا موجود ... ههههههه

[العرندس]

جرآحوووه ترى آلعرندس شديد وإذآ رفهنـآ قضية بيقيلك ,,,,

خخخ عشوقــة موه ,,, ؟؟!! بديت أتحسس ,, (فهمتــي)!! هع

فديتكن بنـآت خلآ ,, صوب آلحبوووه ,,,

عاد كله ولا اخوي جراح عاد مانطيع عليه .. ههههه ومانقدر نقيله بكل سهولة لازم هناك تصويت وإجراءات طويلة عريضة ..
وسلامتك من الحساسية .. ملامح امل ..

روحن صوب الحبوه بنات عشان الحكاوي .. وانتبهن لاتعصب عليكن بس

[العرندس]

وآأآأآأأأأأآآآآآآو

الرحله راح تكون حمآآآآسيه هع

صراحه ما عارفه شو راح اسوي انا اصور انا اسوولف انا اسووي مقااالب خآ خآآ خآآآ<<ضحكة خان هههههههههههههههههأ آ أ ’آ>>

انزين تراني موجوده

يالله نتريايكم<<<اخاف الرحله بدات وانا بعدني انتظر..

يالله متى بتبدوون.؟؟!!>>>متحمسه

صحيح ركبوا ف الباص دجيه عشان يكتمل الجو!! خخـ

يسلموا العرندس والجراح ع الرحله

هلا برستيج وينك ؟؟!! بدينا عاد من زمان لكن تطمني مافاتك الشي الكثير ..
وبنركب ديجيه بس ترانا مانشغل اغاني .. نشغل اناشيد وشعر بس

الله يسلمك وحياك الله معانا ...

[العرندس]

شوية معلومات عن ولاية السيب راح نعطيكم عنها وإذا فيه احد عنده معلومات عن اي ولاية من ولايات محافظة مسقط ينزله وفاله الطيب ..
السيب،هي أكبر ولاية في محافظة مسقط.
.
الموقع

تطل ولاية السيب على خليج عمان و تقع في نهاية محافظه مسقط من الجانب الشمالي و تبدأ بعدها منطقة الباطنه وتبدا منطقة الداخلية من الجانب الجنوبى والغربى
معلومات عن الولاية

يبلغ عدد سكانها 156 ألف نسمه وبها العديد من الآثار التاريخية إلى جانب الحضاره و العمران كالعديد من ولايات السلطنة .

قرى الولاية

تضم العديد من القرى والمدن المعروفة رسمياً من قبل الدولة وهي : السيب والموالح الجنوبية و الموالح الشمالية و الحيل الجنوبية والحيل الشمالية والخريس الشمالية و خريس الحبوس و المعبيلة الجنوبية والمعبيلة الشمالية والسوق والشريجة والخوض والرسيل والعاديات وغيرها

معالم الآثاره في الولاية

تشمل العديد من ألآثار وهي : قلعة الخوض وأبراج الجفنين و الرسيل و الخرس والسليل وأبراج وادي الحية وسورين ، كما يوجد بها أودية مثل وادي سالم بنعبودة (المعروف بين الأهالي بوادي عبودة) بالخريس الشمالية و وداي الخريسو وادي اللوامي و وادي الخوض و غيرها من الأدوية. كما بها سد الخوض الذى يقوم بتخزين مياة الامطار والاودية التى تصب فيه واصبح سد حماية وتخزين نسال الله ان يحمى البلاد والعباد من السيول والاعاصير

اللهجة في الولاية

يتحدث العديد من سكانها باللهجة المسقطية لكن البعض يتحدث بلهجات الداخليةوالشرقية و الظاهرية و الظفارية سبب ذلك أن معظم سكانها جاءوا من المناطق الآخرى من السلطنة طلبا للعلم او الرزق او الاقامة الرغيدة .
أشهر القبائل في الولايةمن أشهر قبائل الولاية القبيلة العامري والبلوشي والزدجالي وهي أكبر قبائلفي الولاية حيث يتواجد أفراد هذه قبائل في المعبيلة و الشرادي و حلة السدرو الخريس الشماليةوالحيل الشمالية التي كانت تسمى سابقا بحيل العوامر والعميري وتنتشر هذه القبيلة في الحيل الشمالية والحبسي في خريس الحبوسوالحسني في وادي اللوامي والحديدي في سور آل حديد والسيابي في الموالحالجنوبية والكاسبي في الموالح الشمالية، والنعماني في الخريسالشمالية ولديهم وادي باسم جدهموادي سالم بن عبودة النعماني (المعروف بين الأهالي بوادي عبودة)الذي يتوسط بلدتي الخريس الشمالية وخريس الحبوس.
...

معالم الحضاره في الولاية

تضم العديد من معالم النهضه والتقدم والتطور الصناعي والتقني والتعليمي والاجتماعى والزراعى والتجارى التي ارسى قواعدها صانع الحضارة والنهضةوالنمو والتنمية ابنها البار جلالة السلطان قابوس بن سعيد... حفظه الله... مثل :جامعة السلطان قابوس ومستشفى الجامعة والمستشفى العسكري ومطار مسقطالدولي والعديد من المراكز الصحية ومكتب بريد السيب ومكتب بريد الخوضومكتب بريد المعبيلة ومكتب بريد الرسيل ومكتب بريد الجامعة وبها العديد منالمجمعات التجارية مثل سيتى سنتر والبهجة واللؤلؤ وسوق الجملة ومركزالعامرى واللولو والمحلات الجديدة ومجمع المعولى التجارى والسيب مول والمركز الدولي للمعارض وبها فنادق متنوعة الدرجات السياحية والشقق الفندقية كما بها العديد من الكليات والمعاهد الخاصة مثل كلية السياحة والفنادق والكلية البحرية الدولية وكلية هندسة الاطفاء والسلامة وكليةكاليدونيان الهندسية وبها العديد من المنتزهات والحدائق والاسواق مثل سوقالخوض والسيب والمعبيلة وسوق الموالح المركزى للفواكة والخضروات وسوق السمك بالسيب وبها المحكمة الشرعية ومركز التنمية الزراعية ومركز شرطة السيب وشرطة الخوض وميدان العاديات للفروسية والخيالة السلطانية وقيادة الحرس السلطاني العماني وهيئة منطقة الرسيل الصناعية وشواطى السيب وتنتشر المدارس العامة والخاصة بالولاية نذكر منها مدرسة الخوض للتعليم العام ومدرسة موسى بن نصير بحيل العوامر ومدرسة حفص بن راشد ومدرسة أبو تمام ومدرسة الحسن بن هاشم وكلهن للتعليم العام ذكور وبها أيضا مدرسة حيل العوامر للتعليم العام ومدرسة امامة بنت العاص للتعليم العام بالخوض ومدرسة نسيبة بنت كعب للتعليم العام وغيرهن من مدارس البنات إلى العديد من مدارس التعليم الأساسي ورياض الاطفال المنتشرة ومن المدارس الخاصه مدرسه تبارك ومدرسه الأوائل ومدرسه الموالح الخاصه.