السلام عليكم ..
كيفكم شباب وبنات .. عساكم بخير وصحة وسلامة ..
جالسين أنا وأخوي جراح نسولف في امور الدنيا .. ونخطط شوي للمستقبل ومن ضمن مخططاتنا إن نتمشى شوي داخل البلد ونغير جو وبالمرة نتعرف على معالم البلد لأن قلنا إن الأجنبي يعرف بلدنا اكثر مننا وليش إحنا مانعرف بلدنا بعد ..
فقررنا نأخذ جولة أنا وهو في داخل البلد ...وعزمنا على ذلك ....
لكن جراح قال لي صبر شوي ياخوي ليش مانأخذ إخواننا وحبابينا في الرمسة معانا في الجولة ...
فقلت لجراح زين لكن على كذا سيارتنا مابتكفي بيحتاج لنا باص ونشوف العدد ونحدد حجم الباص بعدين .
وأخوي جراح دق على صدره ..وقال السائق موجود ...
وقلت له من ؟؟!!
قال أنا ... قلت له والله زين إن اخوي جراح تبرع يسوق الباص وبنشوف أحد من إخواننا الأعضاء يساعدك في السواقة بعدين
وأنا عن نفسسي بنظم امور الباص وبأشرف عليه ....
وقلنا في رحلتنا بنبدأ من مسقط من برج الصحوة وبنحدد بعدها وين بنروح ورحلتنا في كل مرة نروح منطقة من مناطق السلطنة ونتكلم عنها وعن والولايات الموجودة فيها وبنقعد في كل منطقة ثلاثة أيام أو نزيد بشوية ولو فيه احد من هذيك الولاية أو المنطقة عاد يشرح لنا ويجيب لنا معلومات سياحية عنها ..
يعني المجال مفتوح لكل الأعضاء اللي بيركب معنا الباص إنه يتحدث عن ولاية معينة او منطقة يعرف عنها معلومات
وإذا نجحت الفكرة راح نعممها ونبدأها خليجية ومن بعدها عربية وبعدها عالمية ..
شو رايكم بفكرة الباص وإذا فيه احد عنده مقترحات معينة يخبرنا... ومن حاب يسجل معنا يرفع إيده