يوميا العجوز موزة والشايب خلفان

**عاشقة السلطنة** · 05-05-10 02:38 PM

ما عليه بنتي سامحيني اليوم ان شاء الله ترجييني في خروفة جديدة تو جالسة ازهبها

**ملآمح أمل** · 06-05-10 04:58 PM

آمممممممم ,, أنتظرج... خلآ ’’ سيري,,

**عاشقة السلطنة** · 07-05-10 06:22 PM

ان شاء يووو بنتي امولة سمحيلي تاخرت عليش بس شوية برتبه وانزله

**عاشقة السلطنة** · 07-05-10 06:49 PM

السلام عليكم
مو علومكم صغيرين؟!!!
سمحولي طولت عليكم هالمرة

..بس عاد اليوم جايبتلكم خروفة حازة في فوادي

عوين يقولوا الحكومة طلعت قرار بو يسب ربيعه يسجنوه ويغرموه..انزين غاوي لكن عاد الاوادم مصخوها

الواحد من قالوله( وس) سار المركز يسوي بروة(شكوى ) على ربيعة!!! تو مو ذى الغش..كيه مو سنورة عرفت وااااو!!

أحيدنا زمان اول نقول بو نقوله والنفوس متصافية..ماشي جار يشكي من جاره..والدنيا بخير ومرتاحين العربان..حد مسميينه جمعان بو راس..و مريوم ام كشة..وسليموه بو مخاخيط..و سليمان البغام..و رشود الحلط...ما شفناهم تشكيوا والا انتفخوا!!!

ذاك اليوم فتحوووه بنت مصبّح البغام تتعير على شباب صايعين في الحارة وخلاف يوم عقوا عليها كمين كلمة غاوية قامت تتفنق وتتنازع

عوين مافيكم ادب وببلغ عليكم ولاد الذين!!!

تو عاااااااااد

..ودتهم بنت الذين المركز وماطاعت تتنازل عن القضية لين يدفعولها!! بس عجبني خموس ولد حميدان قام يتنازع معها لين قالتله انت واحد قليل ادب

..قال ح الضابط سمعتها مو قالت انا ابى حقي تو وما بتنازل

..لا ذوقيييييييه تراكم لنفس الطينه مو بتغلبيه!!

..وبدل ما تاخذ فلوس غرموها دبل

..تستاهل بنت سليموه باغية قب خلفان..

والا هذاك سيفان بو شاكي على جاره عوين قالي دفش!!!!

بركة ف نصش دجاجوه كان قالولش دفشة

.. واخسارتك واخسارتك من رجال

وعوين بعده ما باغي يتنازل..حوزها امك دافنتك يوم جابتك عن ذي البذرة الخايسة!!

والا الجيران جالسين يضحكوا رباعة ما يشوفوا غير واحد طاش يتنازع عوين والا تعطيني 400 ريال والا ببلغ عليك الشرطة

!!! انزين مو استوى ح مو كل هالربشة

..عوين ليش يقولي سعّود البغام!!!

!...وابوي عليك كيه من طلعت على الدنيا مسميينك سعود البغام تو عاد ما عجبك..!!!

مو حل على الاوادم!!

.. مو قلب نفوسهم كذا..يدوروا البيسة في كل بقعة حتى لو على حساب اخوانهم!!

..انزين يوم انت محتاج ترى جارك اخس عنك!!..

لكن انا اخبركم مو ذا..قلة ادب وزطاطة حالّة على الخلق

..عاد كلها حاجة على الفلوس!!!!.

..يوم فيكم خير سيروا اشتغلوا ما من قل الشغل الشريف..أشرف من هالطرارة المتطورة بو قابلين عليها..

ما اقول غير الله يهديكم يا عيال بلادي ويصفي نفوسكم على بعض

..يالله عيالي سمحولي بترخص عنكم بسير اشوف جارتنا زوينه عازمتنا على قهوة

.. وانتوا ودروا عنكم هالمغشة

ترجيوني في خروفة جديدة
حبوتكم موزة

**احساس القلوب** · 07-05-10 07:34 PM

[frame="1 98"]
عوين يقولوا الحكومة طلعت قرار بو يسب ربيعه يسجنوه ويغرموه..انزين غاوي لكن عاد الاوادم مصخوها

------------------------------------
الله يعطيك العافيه يا الغاليه....

بالفعل كل كلامك صحيح ومنطقي.....

الدنيا صارت غير والناس غير والحياة كلها غير....
الله يعطينا خيرها ويبعدنا عن شرها...
صاحبة القلم الجرئ....ننتظر ابداعاتك القادمه

[/frame]