هيه انا شريره
ماحب حد يخوفني
 |
 |
|
الموقف الثالث :
العنوان ك دراجه بانشي
في يوم من الأيام
أبوي قرر انه يسوي حفرت تنور ( شوى ) في بيتنا
حفره كبيره
عشان نخلي في شوانا وشوى الي يبغي يشاركنا
لانه حوشان كبير ويكفي
ابوي عاد
خلى هنود يحفروا هالحفره
وجهزوا
وعدلوها
وخلوا فيها درام كبير
عن التراب
/
\
في نفس اليوم الي خلصوا مسوين الحفره
تفيق أخوي
قررت انه يطلع دراجته البانشي
وينظف لها توايرها عشان تكون سريعه
ودخلها داخل البيت
في غرفته
في الحمام
ونظفها وعدلها وطلعها وكاله
وركبها
وياني الصاله
انا كنت في الصاله اطالع التلفزيون
شوي وسمعت صوت الدراجه
وتذكرت ايام البر
يوم يلعبون بالدراجات
وياني اخوي يقولي ركبي ركبي
قتله لا لا
اخاف اتعور
قالي خوافه خوافه
وتم يغايضني
عاد انا ما عيبني حد يغايضني
قتله انزين بركب وياك
بس بشرط
ما تسرع
اخاف اتعور انا
ومشي ع مهلك
قالي انزين
عاد انا ابا اتأكد
قتله انزين واذا سرعت وتعورت
قالي اذا تعورتي خبري ابوي
قتله انزين
يالله
وقلت الا في البيت يعني برايه
وركبت وياه في الدراجه
ركبني وراه
وتم اول المشوار يتمشى في البيت
وما يسرع
ولاحظت عليه
كل شوي ويزيد شوي
كل شوي ويزيد شوي
ما حسيت وعلمت
الا انه يسرع وايد
عاد اخوي متهور
وانا راكبه وراه
وصارخ
ومتمسكه في كندورته
اخاف اطيح
واقوله خلاص وقف
مابا
خلاص بسي
نزلني
قالي والله ما تنزلين الا من تيربين هالحركه
قتله مابا ايرب حركات
يالله نزلني
وصارخ نزلني بتعور بتعور
قالي الحين يوم بنطير فوق الدري بتقولين وايد حلوو
وانا يوم سمعت هالكلام عيوني طلعت برى
قتله شوه ؟!!
بتتطلع برى البيت ؟
بتتطلع في الحوش ؟
لاااااااااااااااااااااااا
مابااااا
( فيه درج ودرج كبير بعد / وخوي يبا يقحمنا فوقه / يبا يسرع بالدراجه ونطير لين ننزل في ارض الحوش )
وانا اقوله لااااا لاااااا
وانا كم مره شفته يسوي هالحركه
وكنت اقوله ما شاء الله عليك ما تخاف
وعاد هاليوم من يصدق اني يسويها وانا وياه !!
وصارخ
وكان الظهر
القايله
والناس كلها رقود
وأمي امبونها يوم تنام وانا واخوي قايمين ما ترتاح تعرفنا بنسوي شي
وانا اصارخ
واشوفنا نقترب من الدرج
وقوله دخيلك خلاااص ماباا
وضربه في ظهره
واقوله الحين تنزلني
وهو يقولي والله تجربي هالحركه تجربيها
ما حسيت غير أنا في الهوى
وتمسكه فيه بيدي وريولي
وصارخ ووووااااااااااااااااااااا
/
\
ونسينا انا وخوي سالفه حفرت الشوى
وطحنا فيها
انا وخوي والدراجه
اول شي طاح فيها اخوي
ولحقته انا
والدراجه لو حد يحركها شوي بس بطيح ويانا
/
\
اول ما طحنا في الحفره
ضرب راسي في الأرض
سكت
وقعد اطالع وين وصلنا هههههه
ما اشوف غير الدراجه شوي وبطيح فوقي
شوي اطالع الدراجه وشوي اشوف اخوي
اسمعه يتألم
كانت ايده شوي تعوره
عاد التفت صوبه
وويهي كله رمل
وحتى ويهه
وحالتنا حاله
وملابسنا كلها تراب
وتم اخوي يحاول يخوز الدراجه عشان نطلع
وعاد نحن كنا صغار
و رغم اني اكبر من اخوي
بس هوه اطول مني
قالي يالله كبسي
بركب في ظهرج
عشان نطلع من الحفره
قتله لااا تبا تكسر لي ظهري
قال لا بس بسرعه حتى ما بتحسي فيني
بنط وبمسك في بدايه الحفره وبطلع وبطلعج
المهم سوى الي في راسه
وطلعني من الحفره
ورحنا وتسبحنا ورقدنا من التعب والخوف
وكانت اول مره نرقد فيها انا وخوي الظهر
وامي حليلها يوم قامت من الرقاد وشافتنا انا وخوي راقدين فرحت
تحسبنا من مساعه راقدين
ما تدري بالفعله الي صارت خخخخ
/
\
بس الحين عقلنا انا وخوي
هاذي مجرد ذكريات
كنت ملغوثه انا يوم كنت صغيره
الحمدلله اني عقلت الحمدلله
عاد ما موقف إنتي وأخوك، نزين ما تكسرتوا ، الحمد لله عدت بالسلامة
بإنتظار جديد يومياتك ...
هههههههههههههههه الله سلمكم بس
حلوة الذكريات يعطيك العافية اختي
بصراحه ذكرتيني بشقاوة الطفولة ،،، الله ع زمان الطفولة
متريـــين باقي الذكريات واليوميات
الا بذكر الله تطمئن القلـــــــــــــــــوب
[align=center]المشاركة الأصلية كتبت بواسطة العاصمي
الله يسلمك اخوي العاصمي
عاد والله كنا شياطين
ذلونا بـ هالقصه
لين اليوم يذكرونا بها[/align]
[align=center]/
\
يسلموو ع المرور [/align]
هههههههههههههه
تسلم ايدك
الله يحلي كل ايامج عموره
*
*
*
سيف الظبي :
يسلموو ع المرور
*
*
*
مهوي :
يسلموو ع المرور
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
مواقع النشر (المفضلة)