سلااااااااااااااام الله عليكم يا أهل رمسات
شحالكم ؟ عساكم بخير و صحة وعافيه ....
اليوم حابة أطرح لكم موضوع شاغل بالي من فترة و كنت أتساءل وايد و شفت إنه الحين الناس أبد مب على حالها و
العذر واحد ألا و هو " الظروف " و على عيني و راسي هالعذر بس مب على ناس و ناس يعني مهما عطيتي و وقفتي
وياهم وواسيتي ما يبين في عينهم قد اللي يعطونهم من الكلام الحلو و اللي يحاولون يبنولهم اهتمامهم لهالدرجةالكلام
وايد بدا يأثر و اللي ينافق هو اللي له القدر و الاحترام أما اللي يعطي من دم قلبه ومستعد يحل مشاكل الناس و يدوّر
مصلحتهم و يصارحهم في كل شي عشان ما يطيحون في الغلط و قد ما يقدر يخفّف عنهم يضيع في هالدنيا و محد
يذكره بشي حتى و لو بذرة تقدير لهالدرجة وصلنا إلى مرحلة ما تعرفين الصديق من الغريب و الله حتى الغريب يحس
أكثر من الصديق ... يعني في الأخير نوصل إلى إنه حتى الصداقة كلها مجاملة و أنا ما أعمّم كلامي لأنه بعد في ناس ما
تتغير مهما حصل يعني ما أقدر أظلم الكل ...
بس أنا في بالي سؤال واحد لا أكثر يمكن يفتح باب للنقاش و أتمنى تجاوبوني بصراحة :
ليش اللي يروي البشر بين البشر ..قلبه يضيع ليييش ليييش ليييش ؟ ..
يعني ليش الطيب يضيع بهالدنيا واللي يجامل شايلينه ع الرااااس ... والله قهر قهر قهر .... و انا على نياتي ما أقدر أمثل ع المسرح شراتهم ..... هااي مب تخصصي
أتمنى أشوف تفاعلكم وياي فوق احر من الجمر في هالموضوع
و ما أبا حد يطنشني ترا مقهوووره حدي أف أف
السمووووووحة
مواقع النشر (المفضلة)