سحايب وسم / وشوق ..
ودمع !
حرّق الموق
رحل / !
وانا منه
أموت و أفوق !!
أووووف
ياليت ..
وياليت
ياليتني عينك
وتسكن جوانحي بيت ..!
ياليت العمر لا مر ..
ونور القمر
يوم ودعني واحتضر ..
كنت / أنت
مرساه .. !!
يا خسارة ..
ومليون آه
على موات الأحلام
وظيم الأوهام ..
والجرح اللي مافارقني
من يوم ممشاك
يا شيخ الغرام ..!!
ليه ماخذتني معاك ..؟
يوم رحلت
وخليت كل الوجوه أشباه
منها بكيت ووجلت .. !!
طفلة يتيمة ..
ماذكرتها حتى بعيدية
نهار العيد ..
تبكي وداعك
بعين مدمية ..
وفستان جديد .. !!
ياليت ..
وياكم ياليت ..
ضاعت / وراحت
وأنا أبني لك في ضلوعي
مليون قصر
ومليار بيت ..
أوه ويا كبر ياليت عندي
وياكثر ما خاب في ياليت ظني ..!!
وهذي أنا .. يا كل العنى
بعدني يا راحلي ..
بطاريك أشرق
وأقول :
يوووووووووووه
وينك ؟
تنساني ؟ .. وربي ما هقيت ..!!
لريحة كفوفك
متولهة ..
كفني بكفك
و ادفنّي بجفنك
أبا أموت ..
و ياليت .. ..!!!!!
عبرة ..
من يقول :
الأماني تموت وتنتهي ..؟
ومن يقول :
المحبة يفعلها قرار ..؟!
والله
انك مبطي تنام وترتكي ..
على معاليقي ..
ومطوقها حصار ..!!
جنين / في الحشا / يضج ..
ثم يهَدي ..
لي غفى مرة ..؟
أسهرني أمرار ..
.
.
.
.
يا سحاب الوسـم / فـي روض العمـر
يا وصـال الأمـس / ياالحلـم الأخيـر
كيف عنـي راح ؟ / مـا رد النظـر ؟
كيف هان الود ؟ / يا الحـظ الضريـر ؟
كم بنيت مـن الأمانـي / لـي قصـر !
وكـم رفعـت الكـف / لله استجيـر !
طارت الأسـراب / مـع نـور الفجـر
فوق متـن الحـزن / تتهجـى العسيـر
ضج قلبي / ما لقـى لنبضـه صـدر !
والصدور كتـاب / تتحـدى المصيـر !
أنشـد الأفـراح / مـن دل القـمـر ؟
من سواد الليل / جـدّى بـه بصيـر ؟!
من حفر لي / فـي كفوفـك هالقبـر ؟
عقب ماني في الهوى / خلي ( أمير ) ؟!
لي كتبت ( أهـواك ) / ينهـل المطـر
وتفرح البـدوان / بالعشـب الخضيـر
من غرامـي كـم / تصالـح هالبشـر
ومن حنانـي / يرفـل الكـون الكبيـر
يا غناتي / خـان بـي عـزم الصبـر
وفارس الأشواق / فـي جوفـي أسيـر
احتضـن طيفـك / الـى منـه حضـر
( لبى ) روحك / يـا معـادل هالنظيـر
( هيه ) كلي من الغـلا / سيـدي نهـر
عالـي المحـراب / شـلالـه هـديـر
( هيه ) / تدلل / جول / واشعلني سهر
وكحـل الأحـلام / بالجفـن السهـيـر
وان بغيت اتعود ؟ / قلبي / لـك مقـر
وان نويت البعد ؟ / يا الحظ الكسيـر !!
وان بغيت الشور ؟ / واتـرد النظـر ؟
لك / فرشت / العمر / بورود وحريـر .
.
.
هيه = إيه = نعم
 |
 |
|
رد مع اقتباس
[/align]
مواقع النشر (المفضلة)