سوالف اهل الامارات لا يفوتكم

[بلوشية المازم]

سوالف اهل الامارات


قال سلوم ذات يوم لأبيه متسائلاً

مايصير أبويه نشتري بيت في القمر ؟
الأب

يصير أبويه بس ماشي فلوس ؟

سلوم

بكم يعني بميه ؟

الأب

هيه أمية مليون ؟

سلوم

والعثره !! صدقك ولا تمزح .

الأب

لا صدق ..


الأب

شحقه تسأل إنته ؟ ماتباها بوظبي ؟ ولا هب عايبنك بيتنا هذا ؟

سلوم

لا أبويه بس الزلمه اللي عدال بيتنا ماخذين بيت في راس

يبل في فرنسا عاد قلت أنا
لازم أوايق عليه من فوق وماشي فوق اليبل غير القمر ..

الأب

[COLOR="dimgray"]منو قالك أنه زلمه هذا مواطن .. جوازه نفس لون جوازك .. خلاص مافيه فرق ..[/COLOR
سلوم

يخسي .. زلمه مايعرف يرمس .

الأب

لو كل واحد مايعرف يرمس هب مواطن شعب الإمارات مايتعدى
عشرة آلاف ياولديه .. بعدين مع الوقت بيتعلمون الرمسه وبيغدون شراتنا ..

سلوم

يعني نحن كنا زلمات أبويه ؟
الأب

تهبي يا السبال ..

سلوم

وين ما فيه فرق ونفس اللون الحين

تهبي ..

الأب

مهما كان يدّك السابع عشر مدفون هنيه ..

سلوم

والزلمه يدّه السابع عشر مدفون وين ؟
الأب

في غزه الله يرحمه ..

سلوم

بس هو عنده فلوس وايد وأنته زطي .

الأب

عادي شو المشكله .. أهم شي الأصل ..

سلوم

عنده بورش عليها كت هامان .. وأنته ذبحتنا بالنيسان موديل
99 وحاط عليه VTC ..

الأب
فيه مكيف ورا ولا مافيه ...؟؟

سلوم

فيه ..

الأب
بس جب عيل ..
سلوم

يلبس باشوتي أنته تلبس نورس .ا

لأب

شو دراك أنه أصلي يمكن يكون تقليد ..

سلوم

يدوخ دوفي دوف إنته تدوخ مدواخ ..

الأب

وده هو يدوخ مدواخ لو يروم له جان داخ .. يباله رياييل ..

سلوم

أنزين أبويه نبا نسافر ملينا كل صيف تودينا ليوا نسوي برونزاج ونرد ..

الأب

وين تبا تسافر يعني ؟؟

سلوم
جنيف , باريس , لندن .. مكان حي ذا الويه .. يتشاهد ..

هب ليوا شهيق وزفير لاهوب وعي ..

الأب

أنا من زمان بعد أفكر أوديكم صلاله بس أمك الله يهديها معانده ماتبا تخسرني أونها

سلوم

أبويه حرام عليك .. أقولك باريس تقولي صلاله ؟

الأب

كيف باريس هب ف عمان ؟

سلوم

لا أبويه باريس في زنجبار ..

الأب

أنزين وين عنها تراها ألا حولها ..

سلوم

أنزين أبويه أبا سياره .

الأب

شبلاه الكلوزر ؟؟

سلوم

كسّر ظهريه .. شبلاه بعد .. هذي سيارة طالب في محو الأميه هب في الثانويه ..

الأب

أييييييه .. يوم أنا كبرك .. أسوق التناكر الكبار والبد فرت عشره غيار وأنته هذا غالبنك لاتسوقه .

سلوم

هييه غالبني .. أنته الرجل الحديدي . أنا ولد الماما ..
خذ لي سياره ..

الأب

شو تبا من السيايير ؟

سلوم

سياره رخيصه وزينه وحلوه وإقتصاديه في البترول وفور ويل ..

الأب

إنته تبا سياره ولا تبا تسويلها دعايه !!

سلوم

لازم أمهد عشان ماتنصدم .

الأب

لا من ناحية الصدمات متعود ..

سلوم

أبا رنج سبورت ..

الأب

بس ؟؟

سلوم

هيه بس والله العظيم وراس أمي وراسك أنه بس .. الأب
أشوفه هب لين هناك .. شو رايك ناخذ الفراري الإنزو اليديده ..

سلوم

لاحرام أبويه وايد غاليه ..

الأب
أونك تدور الرخص يوم تبا الرنج إنته ..

سلوم

لا بس سعر معقول .

الأب

تدري لو نبيع البوش والهوش وأمك مايمعنا فلوسه هذا ..


سلوم
شمعنى طريت أمي معاهن يعني ؟

الأب

نفس الفصيله ..

سلوم

يعني أنا ولد العنز .

الأب
لا والله انا التيس دامني أرمس وياك









منقووووووووووووووووووووووول من ايميلي

[®•{ رٍوُحّ اٍلأُنوُثَــٍـﮧَ ~]

ههههههههههههههههههههه

حمااااس انا اقرأ وامووت من الضحك اي اي اي بطني خخخخ

يثلمووو فديتج

[رفيــــعـــهـ الشــــآآآآن]

هههههههههههههههه

صدق هبااااال

الحين بااريس ف عمااان

كاان كل يوم رزاين وجهها

خخخخخخ

تسلمي على النقل الحلو

[ع ـآشق البنفسج]

ههههههههههههه


حركااات .. يسلمووو

[طبْعـے شيُوخِـے]

فديت طاري ليوااا

فديت السوالف للي ما ينشبع منها



يسلمواا ع الاختيار الذووووووووويق

[بلوشية المازم]

ههههههههه هاي السوالف ولا بلاش هع
يسلموا على مروركم الطيب

[القطرس]

خخخخخخخخخ
شـكــ وبارك الله فيكي ـــرا لكي ... لكي مني أجمل تحية .
موفق بإذن الله ... لكي مني أجمل تحية .

[رومانسي هادئ]

ههههههههههههه


ضحكتيني يالبلوشيه


أشكرك

[شوق عمان]

ههههههههههههههه
حلوووووووووووه
يسلموووووووووو خيتووووووووووو ع الطرح

[تفاح اخضر]

هدول الصغاريه دومهم كيه .. ماشاء الله عليهم مايقصروا في الاسئلة ..
مشكورة ختيه ..
وبارك الله فيكي ..