انتبه"يلعن أمك"صارت مدحة..!!

[ذوق وراسي فوق]

يلعن أمك صآرت مدحه ..!!

بصراحه هالموضوع شدني واحنا غافلين عنه من جد
ما تلاحظون إن كلمة [ يلعن أمك ]
اكرمكم الله إنتشرت إنتشار غريب و مريب ..

اللي يقولها عااادي جداً كانه قايل [ السلام عليكم ] .!
و الأغرب إن اللي تنقال له عادي عنده كذلك..!!

كيف ترضى على أمك ؟!

و حتى بعض البنات اللحين صارت عندهم يلعن أمك مدحه ..!!

أو هذا تعبير عن الحماس في سالفة ما !
مثلاً يجي واحد يقول : والله أمس سويت كذا وسويت كذا يجي الثاني

يقول : يلعن أمك ياشيخ ..!!

و إذا قال له [يلعن أمك ] مدّ هالخشه شبرين كأنه قايل له شعر يمدحه..!

و إلاّ بعض الشباب واحد يسأل الثاني وش رايك باللاعب الفلاني ..؟

يقول : يلعن أمممممممممه يلعب من جد ..!

طيب أبي أفهم .. وش دخل أمه بالموضوع ..؟!

يا أخي للأسف الشديد إن هذه الكلمة منتشره بين كثير من الناس إنتشار كبير و الآن حاصله مع الشباب في جلساتهم

فلان وينك أمس يلعن أمك ؟

علان: أبد رحت مع فلان الله يلعن أمه.

فلان: ليه ماقلتلي إنك بتروح معه الله يلعن أمك أنت ويّاه ؟

-لاحول ولاقوة إلا بالله بكل بساطه يلعن أمه ويلعن امك -

علان: وش دراني إنك بتروح يلعن أمك !

وهكذا تدور مثل هذه الكلمات الفاحشة عند كثير من الشباب ولا كأنه صار شي !!

وكم واحد تسأله عن هالكلمه ..

بيقول لك : صارت عاده ..!

هذا جواب اقبح من ذنب مافيه شي تتعود عليه وإنت تدري انه موب زين ولا تقدر تخليه ..! ي

مكن إنت تغفل أو تتغافل عن الذنب اللي تحصله من هالكلمة ..!

بس لا تنسى و إنت تقول هالكلمة أنك تسوي شيء من الكبائر

أنت تخيلت معي ..؟!

كبائر الذنوب ..!!

صحّ عنه صلى الله عليه وسلم أنه قال { من الكبائر شتم الرجل والديه}
منقول

[صالح الشريف]

الله المستعان

والله صادقه هالموضوع

انتشر انتشار النار في الهشيم

ما نقول الا

الله يصلح حال جميع الشباب

ولا حول ولا قوة الا بالله

[ذوق وراسي فوق]

آآآآآآآآآآآآآآآمين...أشكر مروووورك

[تفاح اخضر]

لا حول ولا قوه الا بالله
يعني هالمدحه دليل على انها من لغة الشوارع بس بطريقة عكسية
يعني هي من الاشياء الخاطئة ومن الكبائر وفي لغة الشوارع صارت مدحه

استغفر الله العظيم من كل ذنب عظيم ،،


يسلموو حبوبه عالطرح ،،

[دارين]

يئ يئ
سمحووني ما معاكم
ما أعرف السب..
مابا والله مابا

[الوجــدان]

[تفاح اخضر]

اقول دارونه الداروفه مو مابايه؟

[ساحر العينين]

استغفر الله الغظيم من كل ذنب عظيم
نسال الله الهدايه للجميع

بارك الله فيك على الطرح

شاكر لك

[عاشقة السلطنة]

فعلا ألاحظ هالكلمتين صاروا عند الشباب مثل الماي على كل شي يقولوها!!!

الله يهدينا ويهديهم يارب...

تسلمي اختي

[العرندس]

اعوذ بالله .. حسبي الله ونعم الوكيل ..
بصراحة بعض الناس تردد كلمات توديهم على جهنم ولكن للأسف يعتبروها
نوع من أنواع المفاخرة أو الشبابية
الله يعين ويرحم ..
وشاكرين لك الطرح التحذيري