تكفا ترا تكفا تهز الرجاجيل
طبعا كلكم سمعتوا البيت اللي يقول:-
تكفا ترا تكفا تــــهز الرجــاجيل
لولا ظروف الوقت مـــاقلت تكفا
لكن أغلبكم ماقرا القصيده كاملة
تمتعو بقوة القصيدة النارية
ــــــــــــــــــــــــــــــــــــــــــــــــ
مـن ذاق حـر القايلـــه يعشـق الليـل
ومـن شـب ضـوه ليلــــة البـرد يـدفـا
امســـيت في جيلٍ ولاهوب ذا الجيل
و اصبحـت والا ديـرتي شـبـه منـفـا
واللـــي حمـا بيتـه بطيــرٍ ابـــابيـل
ماجيت ادور كـل مـن صـد واقفـــــا
ولا جيـت ابشحـذ يانمـا دلـــه وهيـل
جيتـك وجـرح الظـلـم غــاديه يشفـا
جيتــك بكلمـه كــنهـا صعــقـة الويـل
وان قـــلـت تكفــــا لاتهــاون بتكفــا
تــكفا تراها كلمــةٍ تقــطم الحيـــل
لا بـــالله الا تـــــنسف الحــيل نسفا
تكفا تـرا تكفـا لهـا هــــدرة الســيـل
فـــي صدر حرٍ ينــتف الطيـب نتـفا
تكـــفـا تـرا تكفـا لـها تِسرج الخيـل
ان كــان لك في مجمع الـخيل عسفا
تكفــا تـــراني من قرومٍ مشاكيل
حمـــــاية الــسـاقـه بـــسيفـٍ وشــلفـا
تكفــــا تـــرى تكفـا تهـز الـرجاجيـل
لولا ظروف الوقــــت ماقلت تكفا
