يااااكيف أبصبر

مدري علامي كلما جيت أكتب
تتلخبط الأبيات من دون قصدي

وين الغزل من قصيدي تسرب!!
وليه أصبحت اليوم مخنوق حدي

وين الصديق اللي حياتي يرتب
والحظ من بعده صار متردي

وفلوسنا ماهمنا من وين تكسب
يمكن نموت وتندفن مع كفن وردي

وليا تكلم كبيرنا صار ينسب
مات الحيا في شاب حب التردي

ومال اليتيم بدون حق ينهب
ياكيف أبصبر والدمع هد وجدي

ياكيف بصبر والقهر صار يلعب
وأصبح يأخر من قصيدي ويبدي

بختم قصيدي وكل همي ترسب
مابين جلبي وكل شريان عندي

صارت الملاغه ف عصرنا شي ينحب
ولأني صريحه أشوفني اليوم وحدي

مدري علامي كلما جيت أكتب
تتلخبط الأبيات من دون قصدي

روعه الابيات

يعطيج العافيه

يالله ~ أبيات شعرك رهيبه ,,
وكلمات كلها احساس و حكم ~ ما يقولها إلا راجح العقل ~

لك أرق تحايا الروح يا عطر القصيد ,,

جميل جدآآ ما خطتة لنا
موفق وبإنتظار جديدك

كلمات حساسه وايد جميل ماطرحتي اختي

واصلي نحن بالقرب نترياا ابدااعك^^